„Њујорк тајмс“ – Kurir.mk

Штрајк на вработените во „Њујорк Тајмс“ поради неуспешни преговори за договори

Ивана Ефремовски — Thu, 08 Dec 2022 11:07:08 +0000

Повеќе од 1.100 вработени-членови на синдикат на „Њујорк Тајмс“ денеска ќе ја прекинат работата на еден ден, откако пропаднаа преговорите со издавачот на весникот за „целосен и праведен договор“, соопшти синдикатот. Заминувањето на тие вработени од редакцијата на еден ден е и првпат вработените во Њујорк Тајмс да учествуваат во прекин на работа од крајот на 1970-тите. Тоа е дел од растечкото движење на работниците низ САД во кое се вклучени вработени од компании како Амазон, Старбакс и Епл, кои се организираа во обид да се спротивстават на, како што велат, нефер работната пракса. Разговорите траеја повеќе од 12 часа доцна во вторникот и продолжија вчера, но страните останаа далеку од договор за прашањата, вклучително и зголемувањето на платите и политиката за работа од далечина. Штрајкот ќе се одржи пред канцелариите на весникот во близина на Тајмс Сквер. (МИА)

Њујорк тајмс: Повеќе од 300 доверливи документи пронајдени во домот на Трамп во Флорида

Ивона Петрова — Tue, 23 Aug 2022 06:56:49 +0000

Американската влада пронашла повеќе од 300 доверливи документи на имотот на поранешниот претседател Доналд Трамп на Флорида, вклучително и материјали од ЦИА, Агенцијата за национална безбедност и ФБИ, објави Њујорк Тајмс, цитирајќи повеќе луѓе запознаени со тоа прашање. Првичната серија од повеќе од 150 доверливи документи беше пронајдена од Националниот архив на САД во јануари, објави весникот. Соработниците на Трамп му дадоа втор сет на американското Министерство за правда во јуни, додека третиот сет беше запленет во рација на ФБИ претходно овој месец, се вели во соопштението. Министерството за правда се уште не одговорило на барањето за коментар, ниту пак претставници на поранешниот претседател. Претресот е дел од федералната истрага за тоа дали Трамп незаконски отстранил документи кога ја напушти функцијата во јануари 2021 година по поразот на претседателските избори од демократот Џо Бајден. За време на претресот, ФБИ заплени 11 комплети доверливи материјали во Мар-а-Лаго, од кои некои беа означени како „строго доверливо“ – највисоко ниво на тајност резервирано за најстрого чуваните информации за националната безбедност на САД и може да се видат само во посебни државни установи.

Њујорк тајмс: Над 7.000 руски војници досега загинале во инвазијата врз Украина

Тале Кристо — Thu, 17 Mar 2022 14:10:16 +0000

Во 36 дена борби на Иво Џима за време на Втората светска војна, беа убиени речиси 7.000 маринци. Сега, 20 дена откако претседателот Владимир В. Путин од Русија ја нападна Украина, неговата војска веќе изгубила повеќе војници, според проценките на американските разузнавачи, објави Њујорк тајмс Конзервативната страна на проценката, со повеќе од 7.000 загинати руски војници, е поголема од бројот на американски војници убиени во текот на 20 години во Ирак и Авганистан заедно. Станува збор за неверојатен број собран за само три недели борби, велат американските власти, со импликации за борбената ефикасност на руските единици, вклучително и војниците во тенковските формации. Официјални лица на Пентагон велат дека стапката на жртви од 10 отсто, вклучително загинати/ранети, за една единица ја прави неспособна да ги извршува задачите поврзани со борбите. Со повеќе од 150.000 руски војници кои сега се вклучени во војната во Украина, руските жртви, вклучувајќи ги проценетите 14.000 до 21.000 повредени, се блиску до тоа ниво. И руската војска, исто така, изгубила најмалку тројца генерали во борбата, според украинските, НАТО и руските власти.

Њујорк тајмс ги повлече дописниците од Русија за првпат по повеќе од еден век

Катерина Бојаџиева — Wed, 09 Mar 2022 09:17:18 +0000

Њујорк тајмс ги повлече своите дописници од Русија, па за првпат по повеќе од еден век, весникот ќе нема новинари во таа држава. „Многу тажен ден за историјата на Њујорк тајмс во Москва. Ги повлековме сите дописници од земјата. Таму, новинари имавме постојано од 1921 година, со еден или два кратки прекини поради пречки со визата. Ниту Сталин, ниту Студената војна, ништо не нè избрка“, напиша на Твитер, поранешниот шеф на бирото на весникот во Москва, Нил МекФаркухар. Весникот информираше дека се повлекува од Русија, поради новото законодавство, што сака да ги криминализира новинарите, кои во известувањето, руската инвазија врз Украина ја поврзуваат со „војна“. „Прекршителите се соочуваат со казна затвор и до 15 години“, се наведува во објавата на Твитер.

„Њујорк тајмс“ го надмина прагот од милион претплатници во странство

Ивана Ефремовски — Wed, 03 Nov 2021 17:07:52 +0000

Весникот Њујорк тајмс го надмина прагот од милион претплатници во странство на своето дигитално издание, соопшти денеска извршниот директор Мередит Копит Левиен, која сè уште гледа простор за раст на дневниот весник во САД. . Меѓу јули и септември годинава весникот добил дополнителни 455.000 дигитални претплатници и сега има 8,38 милиони претплатници, од кои 90 отсто се само за онлајн изданието. За една година бројот на претплатници се зголеми за 21 отсто и се приближува до целта до 2025 година да има десет милиони. -Сè уште мислиме дека во светот има најмалку сто милиони луѓе кои зборуваат англиски јазик кои имаат завршено факултети и се подготвени да платат за квалитетно новинарство, изјави Копит Левиен на прес-конференција. Таа процени дека приближно половина од оваа таргетирана популација е надвор од САД. -Меѓу новите претплатници во овој квартал, 18 отсто се во странство, изјави финансискиот директор Роланд Каптуро. Дополнително, за првпат годинава Њујорк Тајмс од своето печатено издание ќе има помалку од половина од приходите од претплатата. Во третиот квартал Њујорк Тајмс имаше приход од 509 милиони долари, што е раст од 19 отсто и е повеќе од очекуваното. Нето добивката, пак, изнесувала 54 милиони долари, што е раст од 62 отсто. (МИА)

Трамп ја тужи својата внука и весникот „Њујорк тајмс“

Магдалена Андонова — Wed, 22 Sep 2021 09:56:27 +0000

Поранешниот американски претседател Доналд Трамп ја тужи својата внука и весникот „Њујорк тајмс“ поради напис од 2018 година, во кој се тврди дека бил вмешан во „сомнителни даночни шеми“, објави Би – Би – Си. Во тужбата, поднесена во Њујорк, Мери Трамп и новинарите се обвинети за „вмешаност во подмолна завера“ за добивање доверливи документи. Се наведува дека Мери Трамп (56) го прекршила договорот за спогодба со кој и се забранува да открива документи. Таа се откри како извор на приказната во мемоарите објавени во 2020 година, „Премногу и никогаш доволно: Како моето семејство го создаде најопасниот човек на светот“. Трамп упорно ги отфрла тврдењата изнесени во таа книга и без успех се обиде да го спречи нејзиното објавување. Мери Трамп, ќерка на постариот брат на Доналд Трамп, Фред Трамп, кој почина во 1981 година на 42–годишна возраст, се уште не ја коментираше тужбата. (МИА)

Њујорк Тајмс ја закова Македонија на дното по бројот на вакцинирани лица – од нас подобри се и пропаднати држави како Либан, Ел Салвадор

Тале Кристо — Thu, 06 May 2021 07:25:13 +0000

Престижниот „Њујорк Тајмс“ ја рангираше Македонија на дното по бројот на вакцинирани лица на 100 жители. Она што е интересно во целата ситуација, е фактот што некои пропаднати држави како Либан, Ел Салвадор, Камбоџа и други се подобро рангирани по бројот на вакцинирани лица на 100 жители. Имено, како што објави „Њујорк Тајмс“ во Македонија на 100 жители досега вакцинирани 3 лица, со што не става на самото дното по бројот на вакцинирани лица. За споредба, еден Либан досега на 100 лица вакцинирани се 6,9 лица, Ел Салвадор 14 лица на 100 жители, Камбоџа растргната од војни со 15 лица на 100 жители, Монголија 48, а исто така и Молдавија е подобро рангирана од Македонија и тоа со 5.5 лица по жител. Македонија, според „Њујорк Тајмс“ е на самото дно со само 3 вакцинирани лица на 100 жители, со што уште еднаш се потврдува неспособноста на Владата и на министерот за здравство со справувањето со коронакризата. Инаку, вкупната бројка на КОВИД-дијагностицирани лица во Република Македонија од почетокот на епидемијата изнесува 153.137, бројката на оздравени пациенти е 135.367, на починати е 5.016, а бројот на активни случаи изнесува 12.754.

Њујорк тајмс: Вакцинацијата во Европа е во целосна збрка

Ивана Ефремовски — Tue, 16 Mar 2021 16:14:54 +0000

Во најголем дел од Европската Унија, дистрибуацијата на вакцината е спора и еруптираат нови случаи – Европа беше првото место каде коронавирусот предизвика масовна смрт, но е соочена со можноста да остане последното каде вирусот ќе попушти. Како што соопшти денеска весникот Њујорк тајмс, во Европа „владите ги ставаат истоштените популации под нови карантини, а уличните протести стануват насилни. Една година по почетокот на ширењето на вирусот, работите се уште се вознемирувачки исти“. Весникот наведува наслов од германски Билд: „Драги Британци, ви завидуваме“. Се цитираат и други написи кои велат дека програмата за вакцинација во Европа се споредува со мерките за штедење на буџетот како „најлошата грешка во политиките на ЕУ досега“. Се наведуваат неколку причини зошто вакцинацијата во Европа е во целосна збрка. Првата е преголемата бирократија. -Кога САД и другите земји побрзаа да потпишат договори со произведувачите на вакцини, ЕУ првин усогласуваше пристап со сите 27 членки за преговори со нив. Се додава дека „приоритет беше процедурата наместо брзината. Се стави солидарноста меѓу членките на ЕУ наместо да давање на владите повеќе простор за маневри, јави Политико. Резултат беше споро одобрување на вакцините од регулаторите и задоцнети договори за снабдување на дозите, со што Европа чекаше на ред зад земјите кои делуваа брзо. Втора причина, наведува весникот, е ситничирањето и пазарањето со произведувачите на вакцини. -На преговорите, Европа истакнуваше дека сака ниска цена за доза. За споредба, Израел сакаше да плати највисока цена за да ги добие вакцините брзо – 25 долари за доза. САД платија околу 20 долари за доза, додека ЕУ плаќа од 15 до 19 долари. Намалената цена е уште една причина за тоа Европа да чека на ред зад другите земји. Поволната зделка сепак излезе дека е лоша – на секој долар заштеден од една доза можеби ќе се добие една милијарда, но сумата е грешка во маргините во трговска унија со речиси 20 трилиони долари годишен обрт на капиталот. Третата причини, наведува весникот, е скептицизмот околу вакцината. Континентот е центар на светскиот скептицизам и антиваксерите, пишува Политико. Списанието „Нејчр медицин“ анкетираше жители на 19 земји со прашање дали тие ќе примат вакцина која е докажно безбедна и ефикасна. Во Кина, 89 отсто од испрашаните потврдиле дека ќе примат вакцина. Во САД овој број е 75 отсто, додека уделот на луѓето кои би примиле вакцина во Европа е помал. Во Германија е 68 отсто, во Шведска е 65 проценти, додека во Франција и Полска е по 56 проценти. -Скпетицизмот го објаснува проблемот со вакцинацијата во Европа. Десеттина земји, вклучувајќи ги Франција и Германија, ја запреа употребата на една од првите вакцини на континентот, на АстраЗенека, заради наводни проблеми со згрутчување на крвта. Но доказите дека вакцината предизвикува згрутчување се мошне слаби, и главниот европски регулатор потврди дека корисноста од оваа вакцина ги надминува сите ризици Васникот заклучува дека САД летоска се бореа можеби најповеќе од секој замја да го запрат Ковид-19, но по сѐ изгледа, Европа сега е во многу полоша ситуација. (МИА)

„Њујорк тајмс“: САД планираат неколку кибер напади врз системи поврзани со руската влада

Дарко Андоновски — Mon, 08 Mar 2021 14:19:11 +0000

САД планираат да извршат неколку кибер-напади во рок од три недели против системите поврзани со руската влада. Тоа го објави Њујорк Тајмс, повикувајќи се на извори. Неименувани извори велат дека САД ќе почнат „тајни контранапади“ во текот на следните три недели, што ќе им се стави до знаење на Владимир Путин, руските разузнавачи и војската, но не и на надворешниот свет. Покрај кибер нападите, САД планираат да воведат економски санкции за Москва како одговор на руските хакерски напади. Покрај тоа, американскиот претседател Џо Бајден може да потпише указ за зајакнување на заштитата на владините системи од кибер напади. На почетокот на јануари, американската агенција за безбедносна безбедност и инфраструктура (CISA) објави заедничко соопштение со ФБИ и ред други американски агенции, според кое Русија стои зад големиот кибер напад против клиенти на компанијата за компјутерска безбедност SolarWinds.

Повторно „временската машина“ на Њујорк Тајмс: Наслов од 25 Март 903та- Проблеми во МК

Ивона Петрова — Mon, 04 Jan 2021 11:43:54 +0000

Во веста на дописникот на New York Times од Виена а која е поврзана со МАКЕДОНСКОТО ПРАШАЊЕ се вели дека дека т.н. „Австро-Руска Програма“, која се однесувала на воена но и финансиска реформа на Отоманската Империја а главен акцент во реформната програма донесена во Мирцштег претставувала именувањето на двајца ерропски соработници на Хилми- паша и странски генерал како началник што ќе се грижи за реорганизација на турската жандармерија, пишува Канал 5. На австро-руските предлози за реформната акцијa, италијанската владаja дала својата поддршка, која пак покажала значително интересирање и кон прашањето за финансиските реформи во Османлиската Империја односно Македонија ( н.з. ). Веста завршува со пасус во кој меѓудругото се вели: „Моменталните превирања во Македонија не можат да се сметаат за последни искри на оганот кој се гаси , туку НАПРОТИВ како почеток на ВУЛКАНСКА АКТИВНОСТ која ќе доживее максимум за време на летото кое доаѓа, кога револуционерните борци ќе можат да направат кампови и на отворен простор“ Статијата завршува со „Следните 6 месеци ќе бидат критични како за мирот во Македонија но исто така и за Фердинанд ( Франц Фердинанд - владетел на Австро-Унгарија, чие убиство-атентат во Сараево во 1914 год. беше повод за 1вата Светска Војна н.з. )“