њукасал – Kurir.mk

ВИДЕО: Њукасл со гол по само ДВЕ минути му посака добредојде на принцот!

Ристе Здравков — Sun, 17 Oct 2021 17:20:48 +0000

Фудбалерите на Њукасл со гол по само две минути игра му посакаа добредојде на новиот газда на клубот. Пред неколку седмици саудискиот принц Мохамед Бин Салман го купи култниот клуб од северна Англија. На натпреварот на „Сент Џејмс Парк“ „страчките“ експресно ја затресоа мрежата на Тотенхем, откако летното засилување, Калум Вилсон, на асистенција на Манкиљо, го совлада Лорис и донесе голема радост на трибините. Голот на Вилсон против Тотенхем:

Инаку, саудискиот принц го купи Њукасл за 300 милиони фунти од претходниот сопственик Мајк Ешли.

Повлечен првиот потег во новиот Њукасл: Стив Брус е поранешен, неколку имиња кандидати за нов тренер

Ристе Здравков — Sun, 10 Oct 2021 17:43:47 +0000

Новите сопственици на Њукасл му пресудија на досегашниот тренер на клубот, Стив Брус поради слабиот старт на сезоната и 19-тата позиција на табелата. Веќе била донесена одлука тој да биде сменет, а ќе му биде исплатена отштета од 8 милиони фунти. Прво име кое се споменува за клубата на новите богаташи е Антонио Конте. Некогашниот шеф на стручниот штаб на Јувентус, Челзи, Интер и италијанската репрезентација е слободен откако го напушти Интер по освоената титула минатата сезона. Од Милано замина поради финансиската несигурност, што во Њукасл сигурно нема да биде случај. Големи шанси англиските медиуми му даваат и на Роберто Мартинез, актуелниот селектор на Белгија, кој порано работеше во Евертон, а меѓу кандидатете наводно е Стивен Џерард, кој е на клупата на Ренџерс, Брендан Роџерс кој е шеф во Лестер, поранешниот тренер на Бурнмаут Еди Хоув, легендата на Челзи, Франк Лапард, но во моментов најизвесни се други две имиња. Првото е Пауло Фонсека, поранешниот тренер на Шахтјор и Рома, кој беше блиску до клупата на Тотенхем, додека втората опција е Греем Потер, тренерот на Брајтон. Ова воедно е биде прв чекор кон креаирање тим кој во наредните години би требало да влезе во трка за титулата во Англија и во Лигата на шампионите.

И на „Камп Ноу“ се радуваат, Барса чека повик од Њукасл

Ристе Здравков — Fri, 08 Oct 2021 14:39:43 +0000

Стара идеја, нови моменти. Филипе Кутињо по промената на сопствеништвото во Њукасл повторно е мета на клубот од северот на Англија. Во следните денови новото раководство планира да најде адекватна замена за Стив Брус, а по ова сериозно ќе се активира на пазарот. За потсетување, Кутињо веќе неколку месеци беше во фокусот на „црно-белите“. Во текот на летото дури имал и прелиминарни разговори со луѓето од конзорциумот кој го презеде клубот, меѓутоа се беше ставено на „стендбај“ бидејќи првиот обид за купување не успеа. Сега, откако се е успешно завршено, Њукасл ќе се обиде во јануари да дојде до Бразилецот и да го направи првиот голем трансфер во новата ера на клубот. Нема дилеми дека ваквите вести од Островот силно го радуваат новиот претседател на Барселона Жоан Лапорта кој се надева дека конечно ќе успее да се ослободи од Кутињо и колку-толку да ја поправи финансиската ситуација на „Камп Ноу“. И што е уште поважно, да направи простор во буџетот за плати. На Барса и е во интерес што е можно побрзо да го продаде Бразилецот и поради калузулата од договорот со Ливерпул според која Каталонците мораат да им исплатат на „Црвените“ уште 20.000.000 евра кога играчот ќе одигра 100 натпревари за шпанскиот клуб. Кутињо досега 96 пати го облекуваше дресот на Каталонците.

Шеиците подготвија 250 милиони за засилувања

Ристе Здравков — Fri, 08 Oct 2021 10:54:59 +0000

Инвестицискиот фонд од Саудиска Арабија вчера и официјално го презема Њукасл и е спремен да вложи голема сума во тимот. Директорката, Аманда Стивлеј на првата прес-конференција амбициозно порача дека сака Њукасл да биде шампион на Англија и Европа во наредните пет години. Инфестицискиот фонд од Саудиска Арабија ќе може да троши многу пари и без проблеми да остане во рамки на финансискиот фер-плеј, па наводно подготвил 250 милиони евра за засилувања уште во првата година. Притоа, англиските медиуми најавуваат дека новите сопственици нема да жалат пари да донесат квалитетно тренеско име на „Сент Џејмс Парк“

Њукасл е главна тема во англискиот фудбал – пет имиња за нов менаџер

Ристе Здравков — Fri, 08 Oct 2021 08:20:21 +0000

Компанијата Public Investment Fund вчера официјално го откупи мнозинскиот пакет акции на Фудбалскиот клуб Њукасл од досегашниот сопственик Мајк Ешли. Се разбира, прва тема со која ќе се занимаваат новите газди е менаџерската позиција на која сега е Стив Брус кој сака да се остане и да докаже дека може да ја води екипата кон врвот на Премиер лигата. Тоа веројатно не го мислат сопствениците бидејќи во јавноста излегоа пет можни кандидати кои треба да го замента Брус. На прво место е италијанскиот стручњак Антонио Конте кој е без работа откако по завршувањето на минатата сезона го напушти Интер. Наводно, за него се подготвува богата понуда која нема да може да ја одбие. Покрај Конте, со Њукасл се поврзуваат и актуелниот белгиски селектор Роберто Мартинес, потоа Френк Лампард, Еди Хауи и Стив Џерард.

Њукасл прераснува во сериозен проект со големо тренерско име и пет засилувања?

Ристе Здравков — Thu, 07 Oct 2021 08:51:29 +0000

Како што стојат работите, Њукасл би можел да се придружи кон врвот од Премиерлигата. По најавеното преземање на клубот од страна на арапски инвеститори, сега следува реновирање на тимот, а тешко е дека Стив Брус ќе го преживее тоа. Новиот сопственик најавил нова раководна структура, со звучно тренерско име и пет сериозни засилувања за идната сезона. Според информациите на островските медиуми, новите сопственици на клубот го планираат Брендан Роџерс на тренерската позиција, актуелниот предводник на Лестер. Со оглед дека Роџерс би имал финансиска независност околу трансферите, голема е веројатноста овој тренерски трансфер да биде реализиран. Имињата како нови засилувања во клубот од „Сент Џејмс Парк“, се споменуваат Арон Ремзи, Дони Ван Де Бек, Бубакар Камара (Марсеј) и евентуално Белоти од Торино. Исто така се најавува и уште еден квалитетен дефанзивец по сите овие имиња.