њукасл јунајтед – Kurir.mk

Куче му ги изело картите за важниот натпревар, го продава за 5 фунти

Ивона Петрова — Thu, 23 Feb 2023 13:30:19 +0000

Навивач на Њукасл Јунајтед не можеше да поверува што се случило кога се вратил дома. Можете ли да ја замислите реакцијата на Алан Карлинг кога го видел своето куче Руди како ги кине билетите за финалето на Лига купот што Англичанецот сакал да го гледа? Ниту тој не можел, па на шега потоа го ставил кучето на продажба, објавија англиските медиуми. Алан имал билети за првото финале на Њукасл по 24 години. На неговата домашна адреса пристигнале во плико, а биле пречекани од куче.

View this post on Instagram

A post shared by SPORTbible (@sportbible)

Карлинг нерасположен се вратил дома бидејќи Ливерпул го победи Њукасл со 2:0, а уште полошо било кога наместо карти видел скинати ливчиња. -Ова е моето куче Руди. Руди е мало ѓубре од куче и мисли дека писмата што пристигнуваат по пошта се нешто што му се заканува на неговиот дом. Откако се вратив од првиот сезонски пораз на Њукасл на домашен терен, Руди мислеше дека ќе ме насмее со јадење на билетите што пристигнаа додека не бев дома. Се продава куче за пет фунти, напишал сопственикот.

ФОТО: Шпекулација која доколку стане реалност, Манчестер Јунајтед нема да биде среќен: Кристијано Роналдо пред потпис во овој англиски клуб

Ристе Здравков — Fri, 25 Nov 2022 10:11:41 +0000

Португалскиот АС, Кристијано Роналдо кој вчера сруши уште еден рекорд во фудбалскиот свет и стана единствен фудбалер кој постигнал гол во сите настапи на светските првенства, а неодамна доби отказ од Манчестер Јунајтед е пред потпис во Њукасл Јунајтед. Имено на Фејсбук страната Onefootball објави фотографија од Роналдо на која е облечен во дресот на Њукасл. Овој англиски премиерлигаш доби нов сопственик, а се работи ни помалку ни повеќе за саудискиот принц, кој во моементов важи за најбогатиот човек на светот. Дали овие предвидувања ќе се остварат останува да видиме по завршуивањето на СП во Катар.

Азар се враќа во Англија, Њукасл е на потег

Бошко Тасиќ — Wed, 09 Mar 2022 17:20:19 +0000

Еден Азар е најголемата желба на Њукасл за летниот преоден рок, пренесуваат британските медиуми. Новите богати сопственици на Њукасл нема да жалат пари и да го доведат Белгиецот од Реал, кој остави длабока трага во Англија носејќи го дресот на Челси. Азар пред три години пристигна во Реал за 100 милиони евра, но не ги оправда очекувањата и ќе остане запишан како еден од најголемите неуспеси во историјата.

Обамејанг заминува од Арсенал, Њукасл следна дестинација

Бошко Тасиќ — Sun, 02 Jan 2022 11:53:21 +0000

Лондонски Арсенал му ја отвори излезната врата на Пјер Обамејанг, кој слободно може да си бара нов клуб во зимскиот преоден рок. За Африканецот има сериозен интерес од најбогатиот клуб на светот Њукасл кој се обидува да доведе врвен голгетер во своите редови. Од Њукасл нема да штедат пари за платата на Обамејанг кој во моментов се наоѓа на подготовки со својата селекција пред почетокот на африканскиот Куп на нациите. Интерес за Обамејанг има и од други европски клубови, но тој е спреме да ја прифати понудата на Њукасл.

Бенитез: Ако се спасиме од испаѓање, тоа ќе биде чудо

Предраг Кукиќ — Mon, 24 Dec 2018 15:14:26 +0000

Менаџерот на Њукасл Јунајтед, Рафаел Бенитез верува дека може да постигне „чудо“ втора кампања поред во англиската фудбалска Премиер лига, на крајот на која „црно-белите“ повторно ќе успеат да се спасат од испаѓање. – Треба да бидеме реални и да сме свесни дека ќе бидеме во долната половина на табелата во текот на сезоната. Ако на крајот успееме да завршиме пред три екипи, тоа ќе биде уште едно чудо, прокоментира Бенитез пред гостувањето во среда кај својот поранешен тим и лидер во шампионатот – Ливерпул. Њукасл ја започна сезоната тешко, откако не успеа да победи ниту еднаш во првите десет натпревари, но постепено напредуваше и се искачи до 15-тото место на 5 поени над опасната зона. Бенитез, кој во кариерата има работено уште за гиганти како Реал Мадрид, Челзи, Интер и Наполи, верува дека Њукасл доживува тешкотии, бидејќи не инвестира доволно во класа играчи. – Минатата сезона беше едно чудо. Луѓето си велеа: „О, вие завршивте десетти“, но само со неколку победи помалку можеше да бидеме во последната петорка и да се бориме до последно за опстанок. Значи тоа беше вистинско чудо, рече Шпанецот. Тој додаде дека тимот се обидува да покаже фобри перформанси, но понекогаш тоа не е доволно и раководството треба да биде реално во однос на тоа каде се наоѓа клубот. – Се обидувам да ги убедам сите дека треба да бидеме јасни за тоа каде сме и какви се нашите можности. Да мислиме дека можеме да победуваме тимови кои потрошиле повеќе од 100 милиони фунти за селекција во текот на летото, нема шанси. Ова е 100% погрешно, додаде тој.