Њукасл – Kurir.mk

Jунајтед елиминиран во осминафиналето на Лига купот

Ивона Петрова — Thu, 02 Nov 2023 06:25:29 +0000

Њукасл синоќа го победи Манчестер јунајтед со 3:0 во осминафиналето од англискиот Лига куп. Средбата се одржа на „Олд Трафорд“. Играчот од средниот ред Мигел Алмирон ги доведе гостите во предност во 28. минута. Луис Хол го удвои водството пред паузата, додека Џо Вилок го постави конечниот резултат. По овој пораз во англиските медиуми продолжува притисокот врз тренерот Ерик тен Хаг кој не успева да го стабилизира тимот. Следниот противник на Њукасл ќе биде Челзи.

Енрике: Мислам дека резултатот на натпреварот со Њукасл е неправеден

Тале Кристо — Thu, 05 Oct 2023 07:24:12 +0000

Тренерот на ПСЖ, Луис Енрике даде свое видување за поразот од Њукасл (1:4) во натпреварот од 2. коло од групната фаза на Лигата на шампионите. - Почнавме со добар став, се справивме со притисокот на Њукасл и Дембеле имаше вистинска шанса на своето деби. Искрено, мислам дека резултатот е неправеден, но сакам да му честитам на Њукасл, кој одигра многу добро, го цитира Енрике прес-службата на УЕФА. Њукасл по синоќешната победа изби на првото место во групата Ф со 4 бодови. ПСЖ остана на 3 бода и падна на второто место, пред Милан со 2 и Борусија Дортмунд со 1 освоен бод.

Хаос во Италија: Приврзаници на Милан избодеа навивач на Њукасл

Ристе Здравков — Tue, 19 Sep 2023 12:08:11 +0000

Милан и Њукасл вечерва играат во 1.коло од групната фаза на Лигата на шампионите во Италија и тоа е едно од вечерните дерби. На сите им е јасно дека се очекува одлична игра, но навивачите на Милан се погрижија да не се зборува само за тоа. Имено, еден од навивачите на Њукасл бил избоден со нож додека се враќал во својот хотел. Утрово навивач објави фотографија од избоден „колега од трибина“ и тврди дека биле нападнати од навивачи на Милан. Наводно се се случило синоќа, а на фотографијата се гледа како повредениот навивач лежи во локва крв. На втората фотографија се гледа како му се укажува лекарска помош.

Фановите на Њукасл лудуваа на дождот во Милано (ВИДЕО)

Ристе Здравков — Tue, 19 Sep 2023 08:48:48 +0000

По 20 години Њукасл се враќа во Лигата на шампионите, првиот натпревар го игра денеска со почеток од 18:45 часот на гостински терен кај Милан. Фановите на Њукасл кои отпатуваа во Италија ги окупираа пабовите во Милано. Дел од нив, веројатно со неколку пива повеќе во себе, уживаа во дождот лизгајќи се по подот, додека тие го правеа тоа, останатите ги бодреа.

These Newcastle fans enjoying the rain in Milan this evening😂 #NUFC pic.twitter.com/7RlS6CsCpC
— Football Away Days (@AwayDays_) September 18, 2023

Њукасл го купи Харви Барнс од Лестер

Бошко Тасиќ — Mon, 24 Jul 2023 03:53:20 +0000

Англискиот фудбалски клуб Њукасл продолжува да го засилува тимот за следната сезона. По зделката за Сандро Тонали од Милан, Еди Хау го доби и бараното засилување на левата крилна позиција. Иако се споменуваше дури Квича Кварацкелија од Наполи, „страчките“ се решија за поефтина варијанта и го купија Харви Барнс. Левокрилниот фудбалер за сума од 44 милиони евра се сели од Лестер Сити. Барнс веќе пристигна во клупските простории и стави потпис на петгодишен договор.

Њукасл по две децении повторно во Лигата на шампиони

Тале Кристо — Tue, 23 May 2023 07:43:55 +0000

Англискиот прволигаш Њукасл со ремито без голови против Лестер во 37. коло во Премиер лигата и математички обезбеди место меѓу Топ 4 и пласман во Лигата на шампиони во која се враќа по две децении. Четирикратниот англиски првак последен пат играше во елитното европско клупско натпреварување во сезоната 2002/03 под водство на легендарниот англиски тренер Боби Робсон. Њукасл лани се бореше за опстанок во Премиер лигата, а работите се сменија откако клубот мина во сопственост на луѓе од Саудиска Арабија, а на тренерското место беше назначен Еди Хау. „Ова е неверојатна ноќ за нашите навивачи. Неверојатно е ова што го постигавме“, изјави Хау по вчерашното реми 0-0 против Лестер. „Ме прашувате што очекувавме на почетокот на сезоната? Тоа сигурно не беше да се најдеме во топ 4. Секако, секогаш се надеваш, веруваш и мораш да сонуваш, но искрено не чувствувавме дека сме подготвени за тоа. По минатогодишната битка за опстанок, прашањето беше дали можеме да се консолидираме и да бидеме подобар тим“, додаде Хау.

Барселона ја посакува ѕвездата на Њукасл

Бошко Тасиќ — Thu, 11 May 2023 18:53:13 +0000

Барселона се приклучи во трката за потписот на ѕвездата на Њукасл, Бруно Гимараеш, пренесуваат каталонските медиуми. Каталонците се во потрага по квалитетен играч за врска кој може да биде наследник на Бускетс, а Чави смета дека Бразилецот би бил идеално засилување. 25-годишниот Бразилец се етаблираше во еден од најдобрите играчи за врска во Премиер лигата и го привлече вниманието на многу европски гиганти. Овој трансфер е скоро невозможен за Барселона, бидејќи Њукасл за неговата слобода бара 100 милиони евра, а Каталонците не можат да си дозволат таков трансфер во моментов.

Киран Трипие останува во Њукасл до 2025

Тале Кристо — Sat, 28 Jan 2023 18:00:24 +0000

Англискиот фудбалски репрезентативец Киран Трипие го продолжи договорот со Њукасл до 2025 година, објави премиерлигашот. Трипие дојде во Њукасл во јануари 2021 година од Атлетико Мадрид. Англискиот десен бек досега сезонава постигна еден гол и запиша шест асистенции во дресот на Њукасл. -Беше одличен на теренот и надвор од него, покажа лидерски квалитети во тешки моменти за клубот. Немам доволно комплименти да му изразам за сè што му даде на овој клуб, истакна тренерот на Њукасл, Еди Хау, во изјава за клупскиот сајт. Третопласираниот Њукасл се наоѓа во рекордна серија од 15 натпревари без пораз во Премиерлигата и ја има најдобрата одбрана со само 11 примени голови на 20 натпревари во англиското првенство.

Њукасл го продолжи договорот со Кариус до крајот на сезоната

Тале Кристо — Thu, 19 Jan 2023 13:01:11 +0000

Голманот на Њукасл, Лорис Кариус го продолжи договорот со премиерлигашот, објави официјалниот сајт на клубот. Новиот договор со 29-годишниот Германец е до крајот на сезоната 2022/23. Првично договорот беше пресметан до крајот на јануари. Кариус оваа сезона нема одиграно ниту еден натпревар. Тој потпиша за Њукасл во септември 2022 година.

Њукасл постави клупски рекорд по серија без пораз во Премиер лигата

Ивана Ефремовски — Sun, 15 Jan 2023 18:03:39 +0000

Тимот на Њукасл ја продолжи серијата без пораз во Премиер лигата која трае 14 натпревари. Избраниците на Еди Хау попладнево го совладаа Фулам (1:0) во натпревар од 20. коло на Англиското фудбалско првенство. Четиринаесеттиот последователен натпревар без пораз во првенството е повторување на рекордот на Њукасл во Премиер лигата. Ваквата серија е и моментално најдобрата серија меѓу сите екипи кои играат во топ 5 лигите во Европа. Последен пат Њукасл загуби во Премиер лигата на 31 август од Ливерпул (1:2). Оттогаш имаат 9 победи и 5 нерешени. (МИА)