нлб банка – Kurir.mk

НЛБ Банка со важно известување за своите клиенти: Бидете внимателни, детектирани се обиди за злоупотреба на податоци и сметки

Катерина Бојаџиева — Fri, 06 May 2022 10:21:08 +0000

НЛБ Банка ги известува своите клиенти дека, заради детектирани обиди за злоупотреба на податоци и сметки кои Банката веднаш ги пресретна и спречи, треба да бидат особено внимателни при споделување на своите лични и банкарски податоци. Особено е важно следниве податоци никогаш да не се споделуваат со друго лице дури и ако лицето се идентификува како претставник од Банката: - Активациските кодови за електронско и мобилно банкарство - Кодовите за интернет плаќања - ПИН кодовите од платежните картички. Нагласуваме дека овие податоци никогаш нема да им бидат побарани на клиентите од ниту едно лице вработено во НЛБ Банка. Каков било сомнеж за злоупотреба на податоци, клиентите треба задолжително да го пријават на 02 / 15 600 или на [email protected].

По вооружениот грабеж во Сарај се огласи НЛБ Банка

Катерина Бојаџиева — Mon, 08 Jul 2019 12:16:08 +0000

НЛБ Банка се огласи преку соопштение за грабежот на нивна експозитура во Сарај кој се случи утрово. -Утрово во експозитурата на НЛБ Банка АД Скопје во општина Сарај се случи грабеж од страна на вооружена група разбојници. Во моментот на случувањата во експозитурата биле присутни вработени и клиенти, при што сите се безбедни и во добра состојба. Претставници на Банката се во постојан контакт со клиентите и вработените кои биле присутни во филијалата, ставајќи ја нивната безбедност и нивното здравје во преден план, велат од НЛБ и додаваат: „Во моментов сѐ уште нема детали за висината на направената штета. Надлежните органи вршат увид на самото место и се во блиска соработка со Банката за што побрзо и ефикасно разрешување на случајот и разоткривање на деталите, за што јавноста ќе биде дополнително известена. Средствата на клиентите се сигурни бидејќи Банката има осигурување на целиот свој имот и средства“.

Утрово ограбена експозитура на НЛБ Банка во Сарај, разбојниците влегле со автоматски пушки- еве ги деталите

Дарко Андоновски — Mon, 08 Jul 2019 10:34:20 +0000

Утрово во експозитурата на НЛБ Банка АД Скопје во општина Сарај се случи грабеж од страна на вооружена група разбојници. Во моментот на случувањата во експозитурата биле присутни вработени и клиенти, при што сите се безбедни и во добра состојба, соопштија од Банката, пренесува Сител. Претставници на Банката се во постојан контакт со клиентите и вработените кои биле присутни во филијалата, ставајќи ја нивната безбедност и нивното здравје во преден план. Во моментов сѐ уште нема детали за висината на направената штета. Надлежните органи вршат увид на самото место и се во блиска соработка со Банката за што побрзо и ефикасно разрешување на случајот и разоткривање на деталите, за што јавноста ќе биде дополнително известена. Средствата на клиентите се сигурни бидејќи Банката има осигурување на целиот свој имот и средства. МВР инаку не мрднува со прст, додека крадци со автоматски пушки загрозуваат безбедност на граѓаните низ цела Македонија во различни ситуации. Сличен грабеж се случи на 15 април годинава во 10 часот и 36 минути кога беше ограбена филијала на НЛБ Банка во скопската населба Чаир. Убедливо најголем грабеж на НЛБ Банка е оној кој го изврши во април 2017 година вработен во НЛБ Банка, со иницијали Б.С. кој од трезорот во централата на банката украде 2 милиони швајцарски франци и 270.000 евра.

Најнови детали за вчерашниот вооружен грабеж во НЛБ Банка- позната е и украдената сума

Катерина Бојаџиева — Tue, 16 Apr 2019 12:09:14 +0000

По вчерашниот вооружен грабеж што се случи во 10.36 минути во експозитурата на НЛБ Банка во Чаир, би сакале да ве информираме дека клиентите и вработените на Банката се безбедни и во добра состојба, велат од НЛБ Банка АД Скопје. -Двајцата вработени во експозитурата кои беа полесно повредени се пуштени на домашно лекување. Дополнително работникот на обезбедување кој, исто така, беше повреден при грабежот по укажаната лекарска помош е добро и е пуштен на домашно лекување. Експозитурата во Чаир не работи во моментот и ќе продолжи тековно да ги опслужува клиентите од 17.4.2019 година, стои во нивното соопштение и се додава: „Со истрагата е утврдено дека при грабежот се одземени 150.000 евра. Банката продолжува да работи редовно и да соработува со надлежните органи за најбрзо и ефикасно решавање на случајот“.

НЛБ Банка се огласи за вооружениот грабеж во експозитурата Чаир

Катерина Бојаџиева — Mon, 15 Apr 2019 11:03:45 +0000

НЛБ Банка се огласи преку известување за вооружениот грабеж во експозитурата Чаир. -Утринава во експозитурата Чаир на НЛБ Банка се случи вооружен грабеж. Клиентите кои се затекнаа во нашата експозитура и вработените на Банката се безбедни и во добра состојба. Во овој момент, Банката соработува со надлежните органи за најбрзо и ефикасно решавање на случајот. Средствата на нашите клиенти се сигурни, бидејќи Банката има осигурување на целиот свој имот и средства. Паралелно, работиме со истражните органи на утврдување на висината од направената штета, за што ќе ја известиме јавноста дополнително, стои во известувањето на НЛБ Банка АД Скопје.

НЛБ Банка: Во моментов не водиме никаква постапка за присилна наплата против Млекара Здравје

Ивона Петрова — Fri, 23 Nov 2018 15:22:19 +0000

НЛБ Банка АД Скопје во моментов не води никаква постапка за присилна наплата против Друштвото за производство и трговија Млекара Здравје Радово ДОО увоз-извоз Скопје, се вели во соопштението на Банката по објавите во дел од медиумите каде се споменуваше во врска со Друштвото за производство и трговија Млекара Здравје Радово ДОО увоз-извоз Скопје. -НЛБ Банка АД Скопје има започнато постапка за присилна наплата против должникот Земјоделски комбинат Пелагонија акционерско друштво од Битола, а заради наплата на побарувања.Во рамки на наведената постапка од страна на надлежен извршител е издаден налог за заплена на удел, кој должникот Земјоделски комбинат Пелагонија го поседува во Друштвото за производство и трговија Млекара Здравје Радово ДОО увоз-извоз Скопје. НЛБ Банка дејствува согласно законските прописи и сите наши активности се насочени пред се кон заштитана интересите на нашите депоненти и интересите на Банката воопшто, се наведува во соопштението. Оттаму посочуваат дека како системска банка во Република Македонија, во рамки на нивните надлежности секогаш настојуваат да обезбедат стабилност и примарна цел на Банката е нормално функционирање на компаниите.