нобелова награда – Kurir.mk

Нобеловецот Бавенди како студент паднал на првиот испит по Хемија

Катерина Бојаџиева — Fri, 06 Oct 2023 10:50:05 +0000

Нобеловецот Мунги Бавенди сведочи дека како студент на факултет паднал на првиот испит по Хемија и оти тоа искуство за малку ќе му ја „уништело“ натамошната научна дејност, како и него самиот. Овој научник со туниско-француско потекло се истакнувал во науката уште во средното образование, без многу проблеми. Но, кога го примиле на Универзитетот Харвард во САД како додипломец во доцните 70-ти, добил, како што самиот вели - „грубо будење“, пишува „Сајенс алерт“ (Science Alert). Проф. Бавенди (62) од Технолошкиот институт во Масачусетс (МИТ) во САД е еден од добитниците што ја поделија овогодишната Нобелова награда за хемија, покрај Луис Брус и Алексеј Екимов, за неговиот придонес во развојот на тн. квантни точки.

Објавени добитниците на Нобеловата награда за медицина и физиологија

Тале Кристо — Mon, 02 Oct 2023 10:28:31 +0000

Добитници на овогодинешната Нобелова награда за физиологија и медицина се унгарската биохемичарка Каталин Карико и американскиот научник Дру Вајсман. Тие добија награда за нивниот придонес во развојот на mRNA вакцина против Ковид. Карико е американско-унгарска биохемичарка која до 2022 година беше потпретседателка и раководителка на размена на RNA-протеини во БиоНТек, по што беше консултант на споменатата компанија. Покрај тоа, таа е предавач на Универзитетот во Сигет, Унгарија и вонреден професор на Медицинскиот факултет Перелман на Американскиот универзитет во Пенсилванија. Вајсман, исто так е професор по истражување за вакцини во оваа установа. Како што објави Нобеловиот комитет, нивните откритија беа клучни за развојот на ефикасни вакцини mRNA против ковид-19 за време на пандемијата што започна на почетокот на 2020 година. „Преку нивните револуционерни откритија, кои фундаментално го сменија нашето разбирање за тоа како mRNA комуницира со нашиот имунолошки систем, лауреатите придонесоа за невидена стапка на развој на вакцини за време на една од најголемите закани за човековото здравје во модерното време“, се наведува во образложението. Инаку, 113 Нобелови награди се доделени за физиологија и медицина од 1901 година, од кога се доделува наградата. Најмладиот лауреат бил Фредерик Г. Бантинг, кој на само 32 години ја добил оваа награда за откривање на инсулин (1923), додека најстар тогаш 87-годишниот Пејтон Ројс. Тој беше награден во 1966 година за откривање на вируси кои предизвикуваат тумор. Нобеловите награди беа иницирани со волјата на пронаоѓачот на динамитот и донатор Алфред Нобел (1833 - 1896). Тие се наменети да им оддадат почит на оние кои беа од најголема корист за човештвото во секоја категорија во текот на претходната година. Наградите традиционално се доделуваат на церемонија на 10 декември, годишнината од смртта на Нобел. Оваа година, Нобеловата фондација ја зголеми паричната награда по категорија за еден милион шведски круни на 11 милиони круни (950.000 евра).

ВИДЕО: Доделена Нобеловата награда за медицина: добитниците развија вакцина против ковид

Ристе Здравков — Mon, 02 Oct 2023 10:13:47 +0000

Добитници на овогодинешната Нобелова награда за физиологија и медицина се Каталин Карико и Дру Вајсман. Американски научник и унгарски биохемичар добија награда за нивниот придонес во развојот на mRNA вакцина против ковид, објави порталот Н1. Инаку, 113 Нобелови награди се доделени за физиологија и медицина од 1901 година, откако се доделува наградата. Најмладиот лауреат бил Фредерик Г.Бантинг, кој на само 32 години ја добил оваа награда за откривање на инсулин (1923 година), додека најстар бил тогаш 87-годишниот Пејтон Ројс. Тој беше награден во 1966 година за откривање на вируси кои предизвикуваат тумор, пренесува Н1.

За Нобеловата награда за мир 305 номинирани

Катерина Бојаџиева — Wed, 22 Feb 2023 17:20:24 +0000

Вкупно 305 кандидати се номинирани за овогодинешната Нобелова награда за мир, што е најмал број во последните четири години. Од номинациите што требаше да се поднесат пред крајниот рок 1 февруари, 212 се поединци, а 93 се организации, соопшти Норвешкиот Нобелов комитет во Осло, јави ДПА. Минатата година за престижната награда беа номинирани 343 поединци и организации. „Осум години по ред бројот на кандидати надминува 300. Досегашниот рекорд од 376 кандидати е постигнат во 2016 година“, се вели во соопштението на Комитетот. Добитникот на наградата ќе биде соопштен на почетокот на октомври. Наградата ќе биде доделена на 10 декември, на годишнината од смртта на пронаоѓачот на динамитот Алфред Нобел (1833-1896), кој ги воспоставил наградите. Минатата година, активисти за човекови права од Белорусија, Русија и Украина ја поделија Нобеловата награда за мир.

Нобеловата награда за мир доделена на активисти од Русија, Украина и Белорусија

Ристе Здравков — Fri, 07 Oct 2022 13:05:55 +0000

Овогодишната Нобелова награда за мир денеска им беше доделена на активистот за човекови права Алеш Бељацки, руската група Меморијал и украинската организација Центар за граѓански слободи. Победникот во Осло го прогласила претседателската на норвешкиот Нобелов комитет Берит Рајс-Андерсен. Алеш Бељацки е истакнат белоруски активист за човекови права, кој моментално се наоѓа во затвор без судење. Бељацки е основач на државниот Центар за човекови права „Весна“ (Пролет), кој е основан во 1996-та година како одговор на бруталното задушување на уличните протести од страна на белорускиот авторитарен лидер Александар Лукашенко. „Го посвети својот живот во промовирање на демократијата и мирниот развој во својата матична држава“, соопштил комитетот за Нобелова награда, пренесува „BBC“. Нобеловецот прв пат бил уапсен во 2011-та година и бил во затвор до 2014-та поради обвиненија за затајување на данок, кои ги негирал. Повторно бил приведен во 2020-та година по масовните протести поради, како што тврди опозицијата, наместените избори во Белорусија благодарение на кои Лукашенко останал на власт. Украинскиот центар за цивилна слобода е една од водечките украински организации за човекови права која е основана во 2007-ма година кога претставници на организацијата од поранешните земји на СССР одлучиле да формираат прекуграничен центар за поддршка во Киев. Од почетокот на војната во Украина, Центарот работи на идентификација и документирање на руски воени злосторства против украински цивили. Руската организација за човекови права „Меморијал“ е затворена на почетокот на оваа година. Таа организација повеќе од 30 години работела на разоткривање на приказните на милиони невини луѓе кои се погубени, заробени или процесирани во текот на советската ера. Пред осум години таа организација во Русија е ставена на листата на „странски агенти“ за кои владата тврди дека се финансирани од странски држави. Групата е затворена бидејќи своите објави на социјалните мрежи не го обележала со ознаката „странски агенти“, што е законска обврска. Во декември 2021-ва година, Врховниот суд наредил оваа организација и сите нејзини регионални ограноци да се затворат поради кршење на законот од 2012-та година. Додека судијата ја читал одлуката, се слушале извици „Срамота“. Неделата за објавување на Нобеловите награди започна во понеделник со доделувањето на наградата за медицина во чест на научникот кој открил тајна неандерталска ДНК. Тројца научници заедно во вторникот ја освоија наградата за физика бидејќи покажале дека ситни честици можат да задржат меѓусебна врска дури и кога се раздвоени. Наградата за хемија беше доделена во средата на тројца научници кои развиле начини за поврзување на молекули кои може да се користат за дизајнирање на лекови. Француската писателка Ани Ерно вчера ја одби Нобеловата награда за книжевност. Нобеловата награда за економија за 2022-ра година ќе биде објавена во понеделник, на 10-ти октомври.

Нобелова награда за физика добија тројца научници

Ивана Ефремовски — Tue, 05 Oct 2021 10:41:02 +0000

Шјукуро Манабе, Клаус Хаселман и Џорџо Паризи се добитници на Нобеловата награда за физика во 2021 година „за нивниот револуционерен придонес во разбирањето на сложените физички системи“, соопшти денеска Шведската кралска академија во Стокхолм. Половина од наградата им припадна на јапонскиот научник Манабе и Германецот Хаселмау за „физичко моделирање на климата на Земјата, квантифицирање на варијабилноста и доверливо предвидување на глобалното затоплување“. Втората половина од наградата му е доделена на Италијанецот Паризи за „откривање на меѓусебната поврзаност на нарушувањата и флуктуациите во физичките системи од атомски до планетарни пропорции“. (МИА)

Џулиус и Патапутијан се добитници на Нобеловата награда за медицина

Катерина Бојаџиева — Mon, 04 Oct 2021 10:31:23 +0000

Американските научници Дејвид Џулиус и Ардем Патапутијан се добитници на овогодишната Нобелова награда за психологија или медицина за откривање на рецептори за температура и допир, соопшти денеска Комитетот за доделување на награда. Нобеловата награда во оваа област ја доделува Шведската кралска академија, и е во вредност од 10 милиони шведски круни или 1,1 милион долари.

Лауреатите ја примија „Нобеловата награда“ во своите домови

Ивона Петрова — Fri, 11 Dec 2020 06:42:03 +0000

Во речиси празната сала на градското собрание во Стокхолм, додека оркестарот изведуваше класични нумери, синоќа се поделија годинешните „Нобеловата награда“, на лауреатите кои беа оддалечени илјадници километри од Стокхолм, во местата во кои живеат. Шведскиот крал Карл Шеснаесетти Густаф, кој вообичаено ги доделува наградите на лауреатите, од кралскиот дворец изјави дека ова навистина е една поинкава церемонија. Церемонијата на доделување на наградите се пренесуваше во живо, а сите лауреати останаа во своите домови поради пандемијата на коронавирусот. Мајкл Хотон, кој заедно со Харви Алтер и Чарлс Рајс ја добија „Нобеловата награда за медицина“,во моменто на добивањето на наградата беше во својата градина во Калифорнија, облечен во секојдневна облека. Нобеловецот за книжевност Луиз Глик ја доби наградата во нејзината градина во Бостон, исто така во едноставна облека, додека Рајнхард Генцел се одлучи за смокинг. Некои од добитниците носеа маски кога им беа врачени медалот и дипломата, со парична награда од 10 милиони круни (1,1 милиони американски долари). Бидејќи годинашната церемонија беше откажана поради пандемија, лауреатите беа поканети да присуствуваат на следната, доколку епидемиолошката состојба тоа го дозволи. Традиционално, сите раскошни церемонии на Нобеловата награда се одржуваат на 10 декември, годишнината од смртта на основачот на Нобеловата награда, Алфред Нобел, во Стокхолм, освен наградата за мир што се одржува во Осло, во соседна Норвешка, од причина што Нобел ја задржаа за себе.

WATCH LIVE: The 2020 #NobelPrize award ceremony from Stockholm. Where are you watching from? https://t.co/oNSKH9mfLn
— The Nobel Prize (@NobelPrize) December 10, 2020

Во Осло ќе се додели Нобеловата награда за мир

Тале Кристо — Fri, 09 Oct 2020 08:06:46 +0000

Норвешкиот Нобелов комитет ќе ја додели денеска Нобеловата награда за мир, единствената која се прогласува и врачува во Осло. Листата со номинираните е тајна, а единствено е познато дека оваа година бројот на номинирани изнесува 318, меѓу кои се 211 поединци и 107 организации. Во обложувалниците, меѓу главните фаворити за наградата се Светската здравствена организација, шведската активистка за борба против климатските промени Грета Тунберг и организацијата за слобода на медиумите Репортери без граници.

Французинка и Американка добија Нобелова награда за хемија

Тале Кристо — Wed, 07 Oct 2020 12:43:32 +0000

Научничките Емануела Шарпентје од Франција и Џенифер Дудна од САД денеска ја добија Нобеловата награда за хемија, за развој на методи за промена на геном. – Емануела Шарпентје и Џенифер Дудна ја направија една од најголемите алатки во генетската технологија, а тоа се генетските ножици KRISPR / Cas9 (CRISPR / Cas9)“, објави Шведската кралска академија на науките. Тие две ќе добијат награда од 1,1 милиони долари. – Оваа технологија, која има револуционерно значење за науката, придонесува за нови терапии во борбата против ракот. Сега сонот за целосно лекување на наследни болести е многу близу, оцени Кралската академија на науките на Шведска.