нога – Kurir.mk

Жител на прилепско си испукал куршум во нога при семејна веселба

Ивона Петрова — Mon, 21 Aug 2023 14:49:27 +0000

На 20.08.2023 во 17.59 часот во ОВР Прилеп, од Општа болница Прилеп било пријавено дека кај нив со повреди бил донесен Ш.Ф.(54) од с.Дебреште, прилепско. -Полициски службеници извршиле службен разговор со лицето, при што било констатирано дека околу 17.30 часот во с.Дебреште, при семејна веселба, Ш.Ф. од огнено оружје испукал неколку куршуми во воздух. Потоа додека се превезувал со патничко моторно возило „фолксваген голф“ со прилепски регистарски ознаки испукал еден куршум во неговото десно стапало, информира МВР. Увид на местото бил извршен од екипа од ОВР Прилеп и се преземаат мерки за расчистување на случајот.

Зверев: Третманот на повредената нога започна

Ивона Петрова — Mon, 06 Jun 2022 07:23:22 +0000

Германскиот тенисер Александар Зверев преку социјалните мрежи проговори за неговата состојба по повредата добиена во полуфиналето на Ролан Гарос против Рафаел Надал. – Третманот започна, напиша Германецот под сликата, на која се гледа неговата нога фиксирана во протеза. Да потсетиме дека во вториот сет од средбата со Надал при резултат 6:5 во негова корист, Зверев доби тешка повреда на скочниот зглоб, поради која не можеше да го продолжи мечот. Тој прво го напушти теренот во инвалидска количка, а потоа се врати со патерици за да му каже на судијата дека предвреме го завршува мечот. Зверев има оштетени лигаменти на скочниот зглоб на десната нога.

Додека го чистел пиштолот на татко му си испукал куршум во нога: Полицијата на терен, лицето пренесено во болница

Магдалена Андонова — Thu, 30 Dec 2021 17:03:34 +0000

На 29.12.2021 околу 20.00 часот во Полициското одделение Ропотово било пријавено дека во с.Житоше, прилепско, А.П.(25) од с.Житоше, додека го чистел пиштолот на неговиот татко „М-57“ калибар 7,62 мм, испукал еден куршум и се здобил со повредa на ногата. Тој бил пренесен во болницата во Прилеп за укажување лекарска помош. Увид извршила увидна екипа на ОВР Прилеп и се преземаат мерки за расчистување на случајот.

Ова никој не го знаеше: Првиот човек на УФЦ откри дека Хабиб се борел повреден

Ивона Петрова — Sun, 25 Oct 2020 08:42:51 +0000

Хабиб Нурмагомедов синоќа го победи Џастин Гејчи во УФЦ натпреварување, а веднаш по мечот ја најави својата пензија. Станува збор за ветување кое и го дал на својата мајка, по смртта на неговиот татко. И додека целиот свет и големите спортски имиња му честитаа на Хабиб, за него излезе неверојатна информација која сакал да ја сокрие пред натпреварот. Првиот човек на УФЦ, Дејн Вајт соопштил дека Нурмагомедов се борел повреден. -Мора да признаам дека мислев дека можно е да загуби вечерва. Не ми изгледаше како стариот Хабиб, ни на мерењето, ниту додека влегуваше во рингот. Тешко дишеше, не беше свој. По се што помина тоа момче во последно време, можеме да сме среќни што имавме можност да го гледаме вечерва. Слушнав дена пред три недели го скршил стапалото. На стапалото има скршени два прсти и една коска, изјавил синоќа Вајт. -Тој е еден од најидржливите човечки суштества на планетава. Да го пуштиме емотивно да оздрави и да ја преболи загубата на својот татко. Ако не сака повеќе да се бори - не сака, додава првиот човек на УФЦ.

Погледнете го вториот прст од ногата: Ако ја имате оваа големина, вие сте посебни

Ристе Здравков — Sun, 26 Jul 2020 18:24:50 +0000

Дали спаѓате во овие луѓе? Оваа појава е распорстранета и наводно ја има секоја трета личност во Европа, но многу малку од нив знаат што значи да имате поголем прст од вашиот палец. Некои го нарекуваат „грчко стапало“ и познато е како знак на сила, интелегенција и привлечност. Многумина мислат дека тоа е само визуелна разлика, но треба да се обрне вниамние бидејќи брзо ќе ве донсе до болка. Луѓето кои имаат „грчко стопало“ многу брзо ја развиваат болката на тој прст, поради трчање или одење бидејќи често е свтикан. Ова движење може да доведе до воспаление кое може да биде многу боно, а голем ризик е за атлетичарите. Носете чевли со вистинска големина кои имаат доволно простор за прстите, а никогаш не би требало да носите чевли кои предизвикуваат болка околу прстите. Алтернативен начин е да носите влошки за чевли кои помаѓаат против болки и воспаление.

Кавадарчанец скршил нога бегајќи од полиција за време на полициски час

Ивона Петрова — Thu, 09 Apr 2020 08:33:53 +0000

Добил скршеници прескокнувајќи ограда, бегајќи од полиција за време полициски час. Ваква драма му се случила синоќа на 30-годишен кавадарчанец, потврди за МИА Ратко Грков, доктор во Брза помош од Кавадарци. -Интервениравме на повик синоќа околу 18 часот. Младиот човек имаше комплетно две скршеници на двете коски на потколеница. Имобилизиравме и го пренесовме во болница. Стануваше збор за повреда за која е потребен оперативен третман, рече докторот. Според тоа што го раскажал 30-годишникот, додека се движел со автомобил, му била покажана полициска палка за да застане. Не го почитувал знакот и продолжил кон селото Марена. Во селото излегол од возилото и се обидел да прескокне ограда за да влезе во дворот на другар. Таму и се повредил. Со повреденото момче било уште едно лице кое имало зголемена температура и болки во гради и мускули, па било упатено кај матичен лекар за да му се направи епидемиолошка анкета за понатамошно постапување, според препораките на Министерството за здравство. Со Брза помош било однесено дома со препорака да се самоизолира.

Ова дете е цар: Нема една нога, но одлично игра фудбал

Ивана Ефремовски — Wed, 10 Apr 2019 12:13:15 +0000

Каунг Хант Линn од Мјанмар има 16 години, навива за Манчестер Јунајтед, бог му е Лео Меси и најмногу од сè сака да игра фудбал. Сепак, тоа што го прави посебен е што Лин наместо десна нога има атрофиран израсток кој речиси и да не се гледа од шорцевите. Таков е уште од раѓање, но тоа не го спречува, па Лин игра фудбал со патерица. -Кога играм фудбал заборавам на моите нозе и играм како нормална личност, вели за AFP прославувајќи го тукушто постигнатиот гол. Да, Лин е одличен фудбалер, неверојатен дриблер потпирајќи се на патерицата и одличен шутер со левата нога. Се сеќава кога првпат шутнал топка, кога имал пет години и се потпирал на дрвена патерица направена од вујко му. И самиот се смета за вешт фудбалер. Признава дека има слабости, но меѓу нив не е таа што вие би ја очекувале. Најголемата слабост, вели, му е висината , многу е низок и не може добро да брани слободни удари. Што се однесува до ногата, исто како да ја има. „Никој не може да ме помине“, вели Лин. Толку е добар, што на еден локален турнир по повод Денот на независноста, каде локалните заедници се натпреваруваат во тимски спортови, бил прогласен за играч на турнирот, постигнувајќи два гола за победа на неговиот тим. Како што вели еден негов соиграч, порано биле многу загрижени кога Лин ќе стапнел на теренот, пред сè стравувајќи дека може да ја повреди единствената здрава нога. И татко му признава дека тешко му е да го гледа додека игра. „Не сакам да видам со мои очи ако се повреди, нема да можам да поднесам. Само сакам да оди на факултет и да стекне образование“. Но сите се согласуваат во едно – никој никогаш не успеал да го спречи Лин да игра. Неговите соиграчи и другари раскажуваат дека уште од мали играле фудбал по цели денови, заборавајќи дури и да јадат. „Често нè стемнуваше, па тогаш татко му доаѓаше и го караше“, раскажуваат. И додека Лин напорно работи и во училиште со цел да стане механички инженер, искрено сонува дека на крајот ќе стане фудбалски тренер. Во меѓувреме продолжува по стапките на Меси. „Тој е левак, и јас сум левак. Вежбам слободни удари исто како него“, вели Лин.

Скопјанец се повредил со пиштол во нога

Ивона Петрова — Mon, 17 Dec 2018 13:57:52 +0000

Во викендица сопственост на А.Д. (36), И.С. од село Сингелиќ се повредил со пиштол во пределот на натколеницата. Инцидентот се случил во саботата околу 9 часот во селото Стрима, Липково. И.С. е пренесен во комплекс клиники „Мајка Тереза“ во Скопје. Се преземаат мерки за расчистување на случајот.

Маж повреден во нога од воздушна пушка

Ивона Петрова — Mon, 20 Aug 2018 11:28:13 +0000

И.И.(33) од село Кадино вчера попладне со повреда во ногата, бил донесен во амбулантата во Петровец по што истиот е препратен во Градската општа болница „Свети Наум Охридски“. Од извршениот разговор е дознаено дека Р.Б. со воздушна пушка му нанел повреда во пределот на левата надколеница. Се преземаат мерки за расчистување на настанот.

Ова двегодишно девојче е посилно и од лошата судбина: И ја ампутирале ногата пред да прооди, а сега трча и танцува (ВИДЕО)

Матеја Петровски — Mon, 18 Jun 2018 13:43:26 +0000

Двегодишното девојче Џулијет Вејтс била родена со сериозен деформитет на левата нога, поради кој не можела да се движи. Поради тоа на неа морале да и ја ампутираат ногата уште пред да прооди. -Џулијет немаше дел од потколеницата, лигаменти, а дел од стапалото и било искривено, немаше неколку прсти, бутната коска и била пократка... Лекарите ни понудија две опции, да и се вгради продолжеток или ампутација. Се одлучивме за ампутација која беше направена кога имаше само 11 месеци, а потоа тргна нејзината битка со привикнување на протезата и првите чекори. Поради неверојатната личност и силата која ја има лесно ги совлада сите препреки и денеска оди и трча, вели мајката на Џулијет, Аманда Берлинг Вејтс. Еден дошла да ја проба новата пофлексибилна протеза. На почетокот одбивала и не сакала да се откаже од старата, дури и кога и рекле дека со неа ќе може да скока, танцува. И покрај почетното одбивање, Џулијет на крајот се навикнала на новата протеза за која вели дека ја прави посреќна. На патот кон својот дом Џулијет на своите родители има кажала дека новата протеза ја усреќува.