нокаут – Kurir.mk

„Нокаут“ го промовираа новиот албум: „Што бараш ти во мојата песна?“ (ФОТО)

Катерина Бојаџиева — Tue, 17 Oct 2023 09:56:01 +0000

Еден од најдолговечните но и најпопуларни бендови на македонската музичка сцена, групата „Нокаут“ вчеравечер, понеделник, 16. октомври 2023 година, во една позната скопска пивница во „Дебар Мало“ го промовираа својот нов, 4-ти по ред студиски албум, насловен „Што бараш ти во мојата песна?“. Пред многубројните преставници на македонските медиуми, пријателите, колегите и полниот локал гости, Пере и екипата го претставија најдоброто од својата креативна работа во последниве 10 години, во вид на компилација од 14 одбрани песни кои досега не се нашле на носач на звук во последната деценија. Промоцијата ја отвори музичкиот новинар и водител Антонио Димитриевски кој на своевиден начин ја раскажа приказната за историјата на бендот во неколку реченици, во чии зборови беа вткаени насловите на најголемите хитови и нaјважни песни на „Нокаут“. Вистинска поп-рок сага за Пере и дружината низ која ко со временска машина промотерот ја водеше приказната… Oд АБЦ до последен здив… За нивната позитивна музичка фатална опсесија, нивните песни да им припаднат на оние заради кои бендот и постои – нивната пубика која и оваа вечер се радуваше со нив. Особено по појавата на фронтменот Никола Перевски Пере на сцената, кој по воведниот поздрав и топлите зборови на благоарност и до присутните и до сите оние што придонеле новиот албум да звучи и изгледа како што изгледа, заедно со екипата од бендот отпаршија 4-5 нивни нумери. Со тоа „Нокаут“ атмосферата за миг ја претворија во клубска журка по која никоја не зажали што се нашол таму, ниту пак се запраша: „Што бараш ти во мојата песна? Зашто секоја отсвирена нота на бендот, секој тон и рефрен, беше дел од нивната песна, заради која вечерта се тука! Но, креативно богатиот период за „Нокаут“ не завршува тука! Покрај промоцијата на албумот, бендот ги најави и анплагд концертите во Македонска филхармонија на 10. и 11. ноември, од кои првиот веќе експресно е распродаден уште првиот ден откако билетите беа пуштени во продажба. „Почитувана публико, Ви Благодариме! Концертот во Македонска Филхармонија е распродаден уште на првиот ден. Бидејќи интересот е сѐ уште голем, закажавме втор концерт за САБОТА 11 НОЕМВРИ. Билетите се веќе во продажба на следниов линк: https://mktickets.mk/event/nob2/“ – стои во објавата на групата. На вас е дали и таа вечер ќе се најдете и вие во нивната песна?

Со спектакуларен концерт на “Нокаут” Кисела Вода го прослави својот 68-ми роденден

Дарко Андоновски — Sat, 01 Jul 2023 09:07:06 +0000

Со спектакуларен концерт на Нокаут, како незаборавна завршница на Културното лето, Општина Кисела Вода го прослави својот 68-ми роденден. Преку 30 000 жители дојдоа во Расадник и заедно ги пееја најголемите хитови со бендот кој и самиот има историско значење во македонската музика. Во навистина незаборавна атмосфера, “Фатална опсесија”, “Лебедот бел”, “За нас”, “Знаеш каде да ме најдеш” и многу други одекнуваа два часа во чест на славеничкиот ден на нaјстарата скопска општина. “Нокаут” уште еднаш покажа зошто веќе 26 години го држи тронот во македонската забавна музика, а Кисела Вода уште еднаш покажа што значи квалитетен избор на програмските содржини и сериозен пристап при нивната организација. На настанот публиката ја поздрави градоначалникот Орце Ѓорѓиевски. Го честиташе роденденот на општина Кисела Вода, и’ се заблагодари за целата поддршка и за тоа што сите заедно направија бескрајната приказна за Кисела Вода да биде се подобра. Инаку, на “Нокаут” претходеше сет на одличниот DJ Mats. Интеракцијата со публиката, хитовите, фантастичната атмосфера, направија просторот пред Расадник да изгледа као огромна дискотека на отворено. Претходно, во “Битката на бендови”, жири комисијата во состав Дани Димитровска, Мишко Парушев и Сашо Стојановски одлучи дека титулата најдобри треба да ја понесе “Егзибит А” кои добија награда концерт организиран од страна на општина Кисела Вода и снимање на албум со 100 цд-а. Награда имаше и за второнаградените “Арте-факт” кои исто така ќе добијат снимање на албум и 100 цд-а, а третонаградениот, Матеј Николовски доби снимање на авторска песна како гостин на победничкиот албум. Додека се чекаше одлуката на жири комисијата, одличен настап имаа ”Д Далтонс”. Паралелно, од 17 часот, на друга локација, во паркот Шопен се одржуваше хуманитарна “Коријада”, организирана од страна на Здружението на пензионери од Кисела Вода кои исто така имаа своја културно-уметничка програма. Роденденскиот ден беше исполнет и со повеќе други содржини-свечена седница на Советот на Општина Кисела Вода, статуетки-клучеви за 25 заслужни жители, награди за најуспешните ученици, спортисти и наставници, како и промоцијата на 8 крупни инфраструктурни проекти во чест на 68-миот роденден на оваа локална самоуправа. Се’ на се”, манифестацијата “68 години Кисела Вода-бескрајна приказна која станува се’ подобра” која ги обедини роденденот на Општина Кисела Вода и Културното лето, со вкупна бројка од околу 80 000 посетители на музичките концерти на Петар Грашо, на Жаре Бербер, 2 Бона, Миле Кузмановски, Сузана Спасовска, КУД “Китка”, како и на веќе споменатите Нокаут и DJ Mats, и атмосфера која може само да се доживее, трајно ќе остане запишана во сеќавањата жители на општината и сите нејзини пријатели.

Кисела Вода слави 68-ми роденден: Вечерва сите во Расадник на концерт на “Нокаут”

Дарко Андоновски — Thu, 29 Jun 2023 12:41:07 +0000

Општина Кисела Вода со бројни проекти денес го одбележува својот 68-ми роденден. На свечената седница на Советот беа доделени награди-стауетки во форма на клуч и благодарници за заслужните жители, а обраќање во кое беа наведените најзначајните инфраструктурни проекти во изминатата година, имаше градоначалникот Орце Ѓорѓиевски. - И ако на минатиот роденден информиравме за значајни 14 км изведба на патна инфраструктура, годинава таа бројка надмина 50 км. Прекратко е времето за да ги именувам сите улици каде реконструиравме и саниравме, каде интервениравме со цел што покоро да го реализираме она што го ветивме-во Кисела Вода да нема неасфалтирана улица. Со градежна офанзива годинава беа опфатени Припор, Усје, Драчево, Цветан Димов, Кисела Вода, 11 Октомври Згради, 11 Октомври Бараки, Пинтија... Работевме и работиме и на надземна и на подземна инфраструктура, создавајќи услови за нормално живеење, кои за жал многу од нашите сограѓани ги немале. Во цифри, околу водоводната мрежа,тоа се околу 3600 метри изведба, атмосферска канализација околу 4500 м и фекална над 5000 метри. Говорејќи на оваа тема, големо е моето задоволство што успеавме да обезбедиме средства за еден навистина капитален проект и да објавиме дека конечно, Стаклара за првпат ќе добие водовод и фекална канализација. За големината на овој проект говори вкупна должина од 9.2 километри мрежа, при што фекалната ќе биде во должина од 5.7 километри, додека водоводната мрежа во должина од 3.5 километри. На ова со децении чекаат преку 500 семејства и безмалку сите бизнис ентитети лоцирани во овој дел на општината. Заедно со катчето за рекреација и одмор кое денес почнавме да го градиме во Усје, кај крстот, годината ќе ја затвориме со над 50 000 m2 зелена површина- истакна градоначалникот Ѓорѓиевски во дел од своето обраќање. Роденденските случувања продолжуваат. Во 17 часот во паркот „Шопен“ почнува хуманитарна Коријада во организација на Здружението на пензионери од Кисела Вода, а потоа прославата ќе продолжи пред салата Расадник, каде од 18 часот ќе се одржи Битка на бендови. Вечерва од 21 часот, жителите на Кисела Вода најпрво ќе ги забавува DJ Mats, а потоа од 22 часот, голем концерт ќе одржи групата „Нокаут“.

Во четврток во Расадник, концерт на “Нокаут” по повод роденденот на општина Кисела Вода

Тале Кристо — Tue, 27 Jun 2023 15:48:03 +0000

Тече роденденската седмица на Општина Кисела Вода, најстарата скопска општина која во четврток ќе го одбележи својот 68-ми роденден. По тој повод ќе има низа случувања, дел со инфраструктурен карактер, како продолжение на бројните проекти кои секојдневно ги промовира градоначалниот Ѓорѓиевски, еден дел ќе бидат посветени на свечената седница и наградите на заслужните жители кои таму ке се доделат, а секако дел ќе бидат посветени и на културата, музиката и забавата. Сакаме да ги повикаме сите граѓани, од Кисела Вода, но и сите оние од другите општини и градови, кои сакат да поминат убава вечер и да бидат дел од манифестацијата “68 години Кисела Вода-бескрајна приказна која станува се’ подобра!” После хуманитарната “Kоријада” во паркот Шопен, сите да се упатат пред салата Расадник! Од 18 часот ќе има Битка на бендови, а од 21 часот, во вечерната програма, најпрво атмосферата ја загрева DJ Mats, за веднаш по него, од 22 часот, голем концерт да одржи групата Нокаут, која и самата испиша историја во македонската музика, годинава просавувајќи 25 години на сцената. Најавуваме одлична журка за сите возрасти!

ВИДЕО: „Нокаут“ е со вас, времепловот кон ‘90тите тргнува

Ивона Петрова — Thu, 06 Apr 2023 08:41:16 +0000

„Нокаут“ со публиката го споделува новиот сингл "25" (Двасет и пет). Од „Нокаут“ велат дека не застануваат тука. -После 25 години време беше да направиме ретроспектива на сѐ што сме оставиле зад нас, за вас, преку нова песна и видео спот. Да ве потсетиме на убавите ‘90ти години кога почнавме со Нокаут и кога наместо официјални спотови вртевме видео записи од настани по ТВ студија, музички емисии, бинго шоуа… "Buckle up", времепловот кон ‘90тите тргнува, велат од „Нокаут“. Автор на музиката и аранжманот е Дарко Димитров, а текстот е на Игор Џамбазов.

Американецот Порие го шокираше Мек Грегор – Ирецот нокаутиран уште во втората рунда! (ВИДЕО)

Тале Кристо — Sun, 24 Jan 2021 08:27:10 +0000

Американецот Дастин Порие го победи Ирецот Конор Мек Грегор во главната рунда на УФЦ 257 во Абу Даби. Пори го нокаутира Мек Грегор во втората рунда од борбата. Ова беше втора борба меѓу борците. Првата се одржа во 2014 година. Тогаш Мек Грегор победи со нокаут во првата рунда. Триесет и двегодишниот Мек Грегор има 22 победи и пет порази во ММА. Порие кој е врсник на Ирецот, има 27 победи и шест порази.

SCORE: EQUALED.

[ #UFC257 | #InAbuDhabi | @VisitAbuDhabi ] pic.twitter.com/V7sOcRy1Uh
— UFC (@ufc) January 24, 2021

Џошуа го нокаутираше бугаринот Пулев и ја одбрани титулата светски првак во тешка категорија (ВИДЕО)

Тале Кристо — Sun, 13 Dec 2020 08:38:03 +0000

Британскиот „тешкаш“ Ентони Џошуа (31) ја одбрани титулата светски првак, нокаутирајќи го бугарскиот предизвикувач Кубрат Пулев (39) во присуство на публика во лондонската ССЕ Арена. Џошуа доминираше во текот на целиот меч, задавајќи му на Пулев мноштво силни и прецизни удари, ескивирајќи ги притоа неколкуте случајни удари со кои бугарскиот боксер се обидуваше да го изненади Британецот. Борбата заврши во деветата рунда, кога Џошуа со серија прецизни аперкати повторно го разниша Пулев, а потоа со десен директ го испрати на подот во лондонската Арена. За Џошуа тоа беше 24 победа во неговата 25 професионална борба во рингот, додека Пулев го претрпе вториот пораз во кариерата и прв од 2014 година кога беше нокаутиран од легендарниот Владимир Кличко.

Пере од „Нокаут“ чека трето дете – го откри и полот на бебето

Дарко Андоновски — Thu, 24 Sep 2020 15:22:29 +0000

Фронтменот на македонскатата група „Нокаут“, која долги години опстојува на музичката сцена, Никола Перевски-Пере очекува трето дете заедно со неговата втора сопруга Јована. Пере од претходниот брак со новинарката Александра ги има двете ќерки Михаела и Каја. Тој во интервју за „Женски магазин“ откри дека и третото дете ќе биде девојче. – Во стиховите на темата „Сакам да живеам“ се содржани последните неколку години од мојот живот. Секој збор во нив има симболика и отсликува реални сцени од мојот живот. „Птицата во мрак“ е љубовта која слета на мојот праг во вистинскиот момент. Таа се вика Јована. Со неа почнувам нов живот со заеднички победи. Таа е љубовта која ми ја дава најголемата поддршка во работата. Наскоро ќе станеме родители на девојче. По трет пат ќе станам татко на ќерка. Иако веќе имам две ќерки од првиот брак, повторно ја чувствувам истата трема и возбуда. Веќе сум искусен татко, постарата ќерка Михаела има 21 година, а помалата Каја, 13 години. Пресреќен сум и возбуден. Ги гледам како растат двете. Уживам во креирањето заеднички планови, во кои секако се вклучени и тие. Најголем дел од летото го поминавме во Охрид. Паралелно работам и на новиот албум. Оваа 2020 година, иако на многу полиња беше тешка, на приватен план е една од најубавите во мојот живот - открива Пере.

Песната „Сакам да кажам“ од Нокаут победи на „Макфест“

Ивона Петрова — Sun, 20 Sep 2020 07:44:52 +0000

Победничка песна на 35-то издание на „Макфест“ е „Сакам да кажам“ од групата Нокаут, втората награда е за „Ден по ден“ изведена од Ѓоко Таневски и трета награда за „Ако те изгубам“ во изведба на Омар Џаферовски. Никола Перевски-Пере од Нокаут за МИА вели дека ова е награда по 24 години работа, а слатка трема немал да почуствувано никогаш. -По 24 години конечно нешто да освоиме, публиката тоа го примети дека има некаков квалитет, што сме го направиле. Се разбира тука е жирото кое гласаше за нас и веројатно жирото, тоа го почуствувало. Најважно е за мене да почуствува песната, да се пренесе енергијата, кај публиката, еве и кај жирото и сметам дека е заслужено, вели Пере од Нокаут. Тој во разговорот за МИА открива дека песната е направена пред три години, а инспирацијата доаѓа од љубовта. Прашан како го доживува „Макфест“ по 35 години, одговорот му е „Како никогаш досега, затоа што „Макфест“ досега се правеше на затворено, а сега за првпат е кога „Макфест“ се организира под отворено небо и навистина чувството е прекрасно и мислам дека треба да продолжи во ваков некаков континуитет, рече Перевски-Пере од Нокаут. Досега на „Макфест“ имал две композиции едната е „Танго“ во 2014 и победничката е втора песна со која настапи на 35-то издание. Публиката синоќа не гласаше, изборот на наградите го направи стручното жири, составено од познати македонски музички имиња, актери, од модата. Што се однесува за почитувањето на здравствените протоколи фестивалот беше беспрекорно организиран. Волонтерите на ОО Црвен Крст постојано беа меѓу публиката, кои предупредуваа на држење дистанца и задолжително носење на заштитни маски.

Франц од „Нокаут“ по вторпат стана татко

Ивона Петрова — Sun, 02 Aug 2020 07:59:07 +0000

Поранешниот член на групата Нокаут, Владимир Крстевски – Франц по втор пат стана татко. Тој и неговата сопруга Ема од пред два дена се родители на уште една ќерка, Мона. -На 31 Јули 2020 се роди нашата втора ќерка Мона Франц Крстевски. Ти посакуваме добредојде на овој свет и ти посакуваме да те сака животот колку што те сакаме ние, напиша Франц на својот Фејсбук профил. Инаку, Франц и Ема кои со години живеат и работат во Лос Анџелес, во брак се од октомври 2014 година. Тие ја имаат и едногодишната ќерка Мелоди.