ноќен клуб – Kurir.mk

ВИДЕО: Маж упаднал во ноќен клуб во Каргуевац со моторна пила!

Тале Кристо — Tue, 11 Apr 2023 09:57:00 +0000

Маж со моторна пила упаднал во ноќен клуб во Каргуевац, јавија утринава српските медиуми. На видео снимката која што беше објавена на социјалните мрежи се гледа како човек ја стартува моторната пила, а луѓето се оддалечуваат од него. Обезбедувањето на крајот го совлада. Од полицијата во Крагуевац се огласија за случајот. - Уапсен е Н.З.(54) од Крагуевац, поради сомнение дека на 10 април околу полноќ влегол во ресторан во тој град и со моторна пила им се заканил на членови на музички бенд, соопшти полицијата. Тој е осомничен за сторено кривично дело насилничко однесување. На осомничениот му е одредена мерка притвор до 48 часа и со кривична пријава е спроведен во Основното јавно обвинителство Крагуевац.

View this post on Instagram

A post shared by 192.RS (@192_rs)

Се отвораат летните ноќни клубови во Скопје

Ивона Петрова — Thu, 11 Aug 2022 11:13:14 +0000

Здружение на летни ноќни клубови на Скопје информира дека се враќа ноќниот живот во главниот град. -Нашите барања за спас на ноќниот живот во Скопје најдоа слух кај надлежните институции и во заедничка координација со сите служби најдовме решение и од денес можеме да прогласиме дека Скопје живее повторно, младите во Скопје ќе имаат каде да се забавуваат и социјализираат, нагласуваат од Здружението. Оттаму изразија багодарност до медиумите, јавноста, градоначалничката Данела Арсовска, Советот на Град Скопје, министерот Оливер Спасовски заедно со Секторот за внатрешни работи на Скопје и министерот за Економија Крешник Бектеши кои, како што велат, придонеле да добијат дозволи за работа за 2022 година. -Ни овозможија како и во минатите 30 години да им понудиме на младите во Скопје ноќен живот после полноќ. Младите во Скопје ќе ја имаат истата можност како младите низ Македонија и низ светот да се забавуваат, социјализираат во нормални и безбедни услови во летните ноќни клубови, се наведува во соопштението на Здружение на летни ноќни клубови на Скопје.

Во ноќен клуб во Виница затекнати малолетници, неиздавање фискални сметки…

Катерина Бојаџиева — Sun, 24 Apr 2022 08:18:43 +0000

На 24.04.2022 полициски службеници од Одделот за криминалистичка полиција-Биро за јавна безбедност и Секторот за внатрешни работи Штип спроведоа заедничка контрола во содејство со Управата за јавни приходи и Државниот пазарен инспекторат во ноќен клуб во Виница. При контролата, од страна на Управата за јавни приходи е сочинет записник за неиздавање на фискални сметки, а од Државниот пазарен инспекторат записник за непоседување лиценца. Од страна на полицијата во објектот после 24 часот се легитимирани 19 малолетници и едно лице кое врши работи од обезбедување без лиценца за обезбедување, за што ќе бидат поднесени соодветни поднесоци, соопшти МВР.

Хрватски медиуми: Тот бил претепан во ноќен клуб, видео-снимките се избришани

Ивона Петрова — Fri, 08 Apr 2022 07:18:22 +0000

Хрватските медиуми со големо внимание ја следат ситуација со ракометарот на Бутел, Денис Тот, кој се наоѓа во критична состојба по вчерашното претепување во Скопје. Според порталот „Вечерњи“ хрватскиот ракометар бил претепан во ноќниот клуб „Привилиџ“, а снимките од безбедносните камери биле избришани. – Инцидентот се случил во ноќниот клуб „Privilege“, а снимките се исбришани. Некој знае што прави, пишува порталот повикувајќи се на лице познато на редакцијата. Денис Тот има бројни повреди по целото тело, многу фрактури и најверојатно е удиран со тапи предмети, но и со раце и нозе. Родителите на 27-годишниот ракометар допатуваа во Скопје.

Двајца млади прилепчани истепале полициски службеници – спроведена постапка против напаѓачите

Магдалена Андонова — Mon, 04 Apr 2022 09:35:19 +0000

Основното јавно обвинителство Прилеп донесе Наредба за спроведување истражна постапка против две лица за кои постои основано сомнение дека како соизвршители сториле кривично дело – Напад врз службено лице при вршење работи на безбедноста од член 383 став 3 во врска со став 1 и во врска со член 22 од Кривичниот законик. Осомничените прилепчани, на возраст од 31 и 28 години, на 3 април во раните утрински часови, пред ноќен клуб на улицата „Рампо Левката“ во Прилеп, физички нападнале четири полициски службеници кои вршеле работи на јавната безбедност што се однесуваат чување на јавниот ред и мир. Откако обезбедувањето на ноќниот клуб ги отстранило осомничените и уште две лица, бидејќи направиле инцидент расправајќи се меѓу себе, тие продолжиле со расправијата непосредно пред објектот. Потоа започнале и физички да се пресметуваат, па полициските службеници дошле пред објектот за да интервенираат. Кога пристигнала полициската екипа и се легитимирала, двете други лица чиј идентитет не е утврден се дале во бегство, додека осомничените, кои биле во алкохолизирана состојба, почнале да даваат активен отпор и физички ги нападнале полициските службеници, удирајќи ги со раце и нозе. Од задобиените удари еден полициски службеник паднал на земја, а обвинетите продолжиле со нозе да го удираат по телото и главата, со што му нанеле тешки телесни повреди. Надлежниот јавен обвинител до судијата на претходната постапка од Основниот суд во Прилеп поднесе предлог за определување мерка притвор за двајцата осомничени, бидејќи оцени дека постои опасност од бегство и можност за влијание врз сведоците. Судијата го прифати предлогот и со решение на осомничените им определи притвор во траење до 30 дена.

Апсење во ноќен клуб во Прилеп: Две лица претепале полицаец

Магдалена Андонова — Sun, 03 Apr 2022 16:00:54 +0000

На 03.04.2022 во 02.50 часот пред ноќен клуб во Прилеп од полициски службеници од Полициската станица Прилеп биле лишени од слобода М.М.(28) и Д.П.(31) двајцата од Прилеп затоа што физички нападнале полициски службеници, кои интервенирале по претходна пријава за нарушен јавен ред и мир, а на еден полициски службеник му нанеле и повреди. Известен бил Јавен обвинител. По целосното документирање на случајот ќе следи соодветна кривична пријава.

Тепачка пред ноќен клуб во Битола

Ивана Ефремовски — Sun, 06 Mar 2022 17:31:58 +0000

На 06.03.2022 во СВР Битола е пријавено дека околу 01:50 часот пред ноќен клуб во Битола дошло до нарушување на јавниот ред и мир со физичка пресметка помеѓу М.Т.(35) и В.К.(24), двајцата од Битола. Се преземаат мерки за расчистување на случајот.

ФУДБАЛОТ ПРЕД СЀ: Околу него играат танчерки а тој на телефон го гледа Челзи – ова видео од Балак стана хит на социјалните мрежи (ВИДЕО)

Магдалена Андонова — Sun, 30 May 2021 12:29:11 +0000

Германскиот фудбалер Михаел Балак на двапати играше во финале во Лигата на шампионите но не го освои. Тој и натаму е врзан за Челзи и финалето против Сити го проследи во необична атмосфера. Тој беше во еден ноќен клуб и додека танчерките играа пред него тој гледаше во својот мобилен телефон на кој одеше преносот на мечот од Порто.

Michael @Ballack, you legend! 🤣pic.twitter.com/DQ6lj7nLx2
— Sripad (@falsewinger) May 29, 2021

ФОТО: Забава како во добрите стари времиња, 3.000 луѓе во ноќен клуб во Ливерпул

Ивона Петрова — Sat, 01 May 2021 13:17:48 +0000

По повеќе од една година љубителите на ноќниот живот во Ливерпул конечно уживаа. Три илјади луѓе синоќа се собраа на огромна забава во ноќниот клуб Circus (некогашен магацин), а други 3.000 ќе се забавуваат утре на истата локација. Всушност станува збор за нов проект, со кој се истражува потенцијалното пренесување на коронавирусот во ситуација кога сите присутни на забавата пристигнале со најнов негативен ПЦР тест. Тестот бил доволен за влез на забавата, не биле потребни ниту маски, ниту одржување дистанца. Луѓето се прегрнувале и танцувале едни до други, како во „добрите стари времиња“. – Луѓето се поттикнати да танцуваат, да се испотат, да уживаат, односно да се однесуваат како да е се нормално. На некои тоа им беше сосема нереално и чудно што никој не носи маска, изјави еден учесник на забавата за Скај Њуз.

Полицијата поднесе кривична пријава против „Аватар“

Дарко Андоновски — Tue, 21 Jul 2020 12:55:21 +0000

Секторот за внатрешни работи Струмица подготви кривична пријава која ќе биде доставена до Основното јавно обвинителство Струмица против правно лице од Струмица и одговорно лице И.В. (45) кои сториле кривично дело „непостапување според здравствени прописи за време на епидемија“, казниво по член 206 од Кривичен закон на Република Северна Македонија, соопштија денес од струмичката полиција. Во соопштението се наведува дека на 18 јули на профил креиран на социјалната мрежа „Инстаграм“, кој го користи пријавениот правен субјект, било објавено дека истата вечер во нивни угостителски објект ќе настапуваат естраден уметник и музичка група. -Од преземените мерки и обезбедените докази било утврдено дека правното и одговорно лице дозволиле во времето од 21:00 до 01:00 во објектот да се одржи настап на естрадниот уметник и музичката група, воедно дозволиле и присуство на неограничен број гости кои биле послужувани на шанк и стоечки маси, со што постапиле спротивно на Протоколот за отварање и работа на кафетериите, а кој протокол произлегува од Планот за намалување на рестриктивните мерки за спречување на ширење на коронавирусот, стои во соопштението на СВР-Струмица.