нокти – Kurir.mk

Безброј прекрасни нијанси: Доказ дека синиот маникир е создаден за топлите летни денови

Ристе Здравков — Thu, 13 Jul 2023 07:37:28 +0000

Розова, портокалова, лаванда, нане зелена… Ова се боите кои често ги избираме кога се во прашање маникирите во летните месеци. Сепак, оваа година една боја е особено популарна кога зборуваме за лак, а тоа е сината. Можевте да видите сини маникир насекаде летово, а можеби и сега, додека го читате овој текст, ги гледате вашите сини нокти. Сините лакови ја должат својата популарност на нивната разноврсност, а одличната работа е што постои цела палета на нијанси на сино за да одговараат на сечиј вкус. Азурно, пудра сино, морнарско… навистина постои опција за секого. Фотографиите во нашата галерија докажуваат дека секоја од овие сини нијанси одлично изгледа на ноктите. Избравме неколку фотографии од сини маникир кои ќе ве натераат да посакате да имате една од омилените летни бои на вашите нокти.

Кристијано Роналдо повторно со лакирани нокти, причината ќе ве изненади

Ристе Здравков — Tue, 18 Apr 2023 08:34:18 +0000

Португалскиот фудбалер Кристијано Роналдо го привлече вниманието со својата најнова објава на Инстаграм на која позира во сауна, а многу фанови забележаа дека има црно обоени нокти на стапалата - постои добра причина зошто тој и другите врвни спортисти се одлучуваат да го направат тоа. И додека неговата импресивна фигура е во преден план, многу фанови се прашуваат зошто му се лакирани ноктите на нозете, а Билд пишува дека причината е многу едноставна. Многу врвни спортисти, како ММА борците, исто така ги лакираат ноктите, а според извор на германски Билд, спортистите ги лакираат или ги покриваат со заштитен слој за да спречат габи и бактерии на ноктите. Не е првпат Роналдо да биде забележан со лакирани нокти, бидејќи уште во јануари ММА борецот Френсис Нгану објави фотографија со Роналдо како се гушка и ги покажува лакираните нокти на португалската ѕвезда. 38-годишникот, кој има освоено пет Златни топки - постигна 11 гола во 12 натпревари откако се приклучи на саудискиот тим Ал-Наср на почетокот на годината.

ФОТО: Ова е новиот тренд, поп арт маникир за уникатни нокти

Ивона Петрова — Mon, 13 Feb 2023 20:12:12 +0000

Разни форми, бои, идеи, украси. Навистина има многу начини како сможе да ги направите вашите нокти. Актуелен хит маникир е поп арт, а жените полудеа по овој нов тренд за украсување на своите нокти. Поп-арт маникирот црпи инспирација од стриповите. Овој иновативен и креативен маникир изгледа како цртеж на ноктите, а се карактеризира со 3Д ефект создаден со помош на црно-бели линии. На овој начин се создава димензијата која сме навикнати да ја гледаме во старите цртани и стрипови. Одлично е затоа што можете да ја пуштите вашата имагинација и да создадете уникатен маникир каков што досега не сте виделе. Поп-арт маникирот е толку забавен и креативен. За момент нè враќа во 1950-тите и 1960-тите, кога во САД и Велика Британија се развиваше поп-артот, уметнички стил кој беше наменет за обичниот човек и кој предизвикуваше висока уметност.

ПРИРОДНА СОСТОЈКА КОЈА ГО РЕШАВА ПРОБЛЕМОТ СО ГАБИТЕ НА НОКТИТЕ! Направете сами ДОМА!

Ристе Здравков — Tue, 06 Dec 2022 14:34:20 +0000

Габичните инфекции на ноктите се проблем за многу луѓе и може да бидат доста упорни, а ако го имате овој проблем, набавете малку масло од чајно дрво и почнете да го решавате. Она што може да помогне со е комбинација од масло од чајно дрво и уште неколку други, како што се масло од темјан и ловор. Познато е дека маслото од чајно дрво има најголем ефект за лекување на габи, но неговото дејство ќе се удвои кога ќе додадеме други моќни масла поради нивниот специфичен хемиски состав. Во случај на тешки и долготрајни инфекции, на овие масла се додава етерично масло од кора од цимет. Доколку сакате сами да го направите овој раствор за третман на габички за ноктите, следете го овој рецепт: 3 мл есенцијално масло од чајно дрво 1 мл есенцијално масло од ловор 1 мл есенцијално масло од темјан 3 мл растително масло Смесата се нанесува на ноктот 2 пати дневно, во период од најмалку еден месец. Во случај на долготрајни инфекции, третманот трае и до неколку месеци. Важно е да знаете дека оваа мешавина од масла е исклучително агресивна за кожата, па дефинитивно треба да избегнувате долготрајни контакти со околната кожа.

Совети како да ги негувате ноктите ако ви се слаби и се кршат

Ивона Петрова — Mon, 31 Oct 2022 10:33:44 +0000

Убавите и негувани нокти се важен дел од сечиј изглед, особено кај дамите. Но, има многу причини зошто некои жени и мажи имаат слаби и кршливи нокти… Меѓу главните се изложеноста на вода, прекумерна употреба на лакови и отстранувачи на лак, или пак, здравствени проблеми. За зајакнување на ноктите, се користат многубројни домашни лекови. Еден од најлесните начини е нанесување обичен вазелин секоја вечер пред спиење. Како што пишува бугарскиот портал „24 часа“, тоа ги хидрира ноктите и ги прави поцврсти. За тоа, пак, помага и сок од портокал. Постапката е следна – се цеди портокал и прстите се потопуваат во сокот и се држат така најмалку 10 минути. Тоа се повторува секој ден. Овој начин на негување на ноктите обезбедува антиоксиданси коишто ќе ја подобрат и цврстината и изгледт, како и побрз раст. На крајот, задолжително се мијат рацете – темелно, со млака вода. Потоа може да нанесете природен хидратантен крем, како маслиново масло, ленено семе или кокосово масло. Маслиновото масло е едно од најдобрите средства за негување нокти. А, во комбинација со сок од лимон ќе го поддржи растот и ќе ги отстрани дамките. За домашен лосион, се мешаат три лажици маслиново масло со лажица сок од лимон. Смесата се става во сад и се потопуваат прстите во неа, 10 минути. И кокосовото масло е делотворно. Заситените масти делуваат како навлажнувач и може да спречат инфекции на ноктите. Добро е само да се загрее мала количина и да се нанесе на ноктите. Потоа нежно се масираат пет минути, заради подобар крвоток и хидратација. Потребно е да се нанесува двапати на ден, за побрз ефект.

Има војска на обожаватели: Дали е ова најубавата боја за маникир на сите времиња?

Ристе Здравков — Wed, 26 Oct 2022 20:07:10 +0000

Црвениот лак за нокти е врвен израз на гламурот. Црвената е смела боја која симболизира страст и самодоверба, а на ноктите изгледа елегантно. Одговара на нокти од сите должини и форми. Создаден е за сезоната на славење, но и за секојдневието каде сакаме да имаме убави, негувани и елегантни нокти. Речиси секој љубител на лакирани нокти има барем еден црвен лак во својата колекција. Тоа е затоа што црвената е класична боја, особено на ноктите. Го издржа тестот на времето и денес е исто толку популарна како и во 20-тите, 40-тите и 50-тите години на минатиот век. Многумина ќе се согласат со изјавата дека црвениот маникир е најдобриот маникир на сите времиња. Ако добивте инспирација следното одење на маникир да изберете црвена, погледнете ја нашата галерија, каде што ќе најдете неколку црвено лакирани нокти кои ќе ви помогнат да одлучите. Изгледаат прекрасно, нели? Црвената боја има толку многу нијанси што секој не би требало да има проблем да ја најде најдобрата опција за себе. Има темни елегантни лакови и похрабри посветли.

Трик со паста за заби кој не сте го знаеле- резултатите се зачудувачки

Катерина Бојаџиева — Thu, 11 Aug 2022 20:09:42 +0000

Прекрасно е кога имате црвени нокти, но што кога сакате да одморите малку и да го извадите лакот? Ви се чини невозможно, затоа што веќе цели нокти ви се обоени? Пробајте го овој трик. Познато е дека пастата за заби има избелувачко својство на забите, па тогаш зошто не би делувала исто и на ноктите? Ви треба само една стара четка за заби и пастата која ја користите. Резултатите се зачудувачки:

Нијанси на ЛАК ЗА НОКТИ кои ќе го нагласат вашиот ТЕН: Идеални се за море и лето (ФОТО)

Ристе Здравков — Mon, 01 Aug 2022 16:29:56 +0000

Доколку не знаете која боја да ја изберете, еве неколку предлози Летото е во тек, па веројатно веќе сте се исончале и сте добиле боја, а доколку не е така, веројатно планирате да одите на одмор во блиска иднина. Бојата на ноктите дополнително ќе го нагласи вашиот исончан тен, па не е сеедно која боја ќе ја изберете во зимските денови, а која во лето. Еве неколку предлози кои ќе ви помогнат да го постигнете овој ефект, па ако се уште не знаете како да ги налакирате, не можете да погрешите со овие бои.

Направете природно средство за зајакнување на ноктите

Ивона Петрова — Sun, 12 Jun 2022 20:57:07 +0000

Лесно и брзо направете природен еликсир за брз раст и заштита на вашите нокти. Потребни ви се само три состојки. Состојки: 4 лажички маслиново масло 2 лажички лимонов сок 1 лажичка растопено кокосово масло Добро измешајте ги и соединете, а потоа потопете ги ноктите и оставете да стојат околу 5-10 минути. Остатокот можете да го искористите и следниот ден.

Убавите нокти се СЕКОГАШ во тренд: Два трика како да направите СОВРШЕН маникир без да одите во салон

Ристе Здравков — Wed, 08 Jun 2022 07:23:19 +0000

Ако сакате сами да ги негувате ноктите, без да одите во салон, новите трикови за совршен маникир секогаш ќе ви значат. Тие се одлична кратенка за убави и негувани нокти во исто време. Не мора да сте професионалец за да имате уредни и убаво лакирани нокти, доволно е да вежбате и знаете трикови кои ви ја олеснуваат работата. 1. Отстранување на гелот од ноктот Доколку имате гел на ноктите и сакате да го отстраните што е можно полесно и побезболно, од најголема помош ќе ви биде маслото од арган. Се што треба да направите е да додадете масло од арган во водата со сапуница, кое ги храни ноктите, но и успешно го отстранува гелот. Во оваа смеса потребно е да ги чувате ноктите неколку минути, додека не забележите дека гелот почнал да се одвојува од ноктот. Потоа со лесни движења одвојте го гелот од ноктот и извадете го за да не ја оштетите плочката за нокти.

@bysugarclaws Soooo i may be changing nails everyday now🤪 #lifehacks #nailhacks #fypppppp ♬ original sound - Haley Lane

2. Лак за нокти без грешки Ако секогаш грешите и лакот завршува на вашите кутикули, сега маките завршија. На Tik-Tok постои трик кој го олеснува лакирањето на ноктите, па вашите нокти секогаш ќе бидат совршено обложени. За овој трик потребен ви е вазелин кој ќе го нанесете околу ноктите и кутикулите пред да го лакирате. Така ќе спречите лакот да се „лепи“ за кожата и брзо да се исуши, па ќе можете да ги отстраните сите несовршености со стапче за уши веднаш по нанесувањето на ноктот.