Аљишериф Синани: Kако Нола стана Нула, 8-та станува нервозна, како завршува нивната употребна вредност

Ивана Ефремовски — Mon, 02 Dec 2019 15:18:03 +0000

Аљишериф Синани, претседател на ВМРО-ДПМНЕ Боговиње, порачува дека во моменти кога власта тоне во скандали се јавија слугите на Заев. „Па ајде да се обратам до Нола и Александрова, и до останатите малкумина нивни поддржувачи, ги разбирам што се нервозни, бидејќи за кратко ќе им истече мандатот и нивната употребна вредност за властаќе ја снема. Но единствено ќе остане желбата да продолжат да одработуваат за власта која ќе стане опозиција, зошто тоа е местото кое е нивното друштво. Но околу самата содржина на ставот на Нола дека ги редел Мицкоски покрај зид а сега ги тера да потпишат за Северна, зошто рекол дека треба да се потпише договорот за НАТО! Ова е изјава со која Нола стана Нула. Договорот за НАТО не е исто што и договорот со Грција кој ти Нола го поддржа, иако јавно ветуваше дека нема. И на крај имате неколку контрадикторности...Нели Мицкоски велевте дека имал договор со Заев, како сега велите дека ги редел пратениците до зид да не гласаат за Уставните измени. Нели вие самите велевте дека ВМРО и Мицкоски се антизападни, а сега велите дека Мицкоски го поддржува НАТО. Кога лажевте, тогаш или сега? ВМРО ќе ја води Македонија по 12-ти април, а вие и тогаш, како и сега ќе имате став ист онаков каков што ќе ви каже вашиот стопан, кој како тргнало, нема да заврши поразлино од неговиот пулен Катица, посрамотено со ќулавка на главата“-напиша тој.

Вчера гласаа за уставни измени, а еве што пишуваа пратениците Исмајлоска, Рамчиловиќ и Александрова пред неполн месец

Ивона Петрова — Sat, 20 Oct 2018 11:28:48 +0000

Нола Исмајлоска-Старова и Зеќир Рамчиловиќ беа првите двајца пратеници кои на социјалните мрежи го искажаа својот став дека немаат намера да гласаат за уставните измени и да одат против волјата на граѓаните. Набрзо со статус на Фејсбук истиот став го искажа и пратеничката Емилија Александрова. Сите тројца вчера го погазија својот збор. -Како што се приближува 30 септември се почесто Референдумот е тема на разговор. Во кампањата ја побарав вашата поддршка и чувствувам одговорностд а го споделам својот став. Како пратеник, моја должност е да го почитувам Уставот и да бидат гласот на оние кои ме избрале. Никој не е над волјата на народот, затоа што функцијата треба и мора да биде гласот на луѓето кои живеат во Република Македонија. Верувам во вашата мудрост и немам намера да бидам против вашата одлука на 30 септември, објави Исмајлоска - Старова на Фесјбук додавајќи дека нема да гласа за уставните измени. Втор кој се огласи на социјалните мрежи беше пратеникот Зеќир Рамчиловиќ. -Како припадници на бошњачкиот народ за нас е прифатливо решение само доколку истото е прифатено до мнозинството на македонскиот народ и од мнозинството на сите македонски граѓани. Приоритетот го даваме на македонскиот народ, а потоа на сите македонски граѓани затоа што како Бошњаци сме дел и од нација на друга држава. А, особено што ние Бошњаците сме доживеале и промена на име од Босна во Босна и Херцеговина, промена на име на јазик од босански во земаљски, потоа во српско-хрватски, па и забрана за изјаснување како Бошњаци се до 28 септември 1993 кога ги вративме сите елементи на нашиот идентитет, напиша Рамчиловиќ. -Како народен претставник непосредно избран да ги застапува граѓаните во Собранието, имам дадено свечена изјава дека ќе го почитувам Уставот и ќе ги бранам интересите на Република Македонија. Како пратеник, немам ниту мандат, ниту овластување, а ни лична намера, да гласам за било какви измени во Уставот со кои би се променило уставното име на мојата татковина - Република Македонија, пишуваше пратеничката Емилија Александрова. Овие тројца пратеници се меѓу осуммината народни избраници на ВМРО-ДПМНЕ кои вчера во закнодавниот дом го погазија својот став и гласаа „ЗА“ уставни измени. По гласањето, партијата на вонреден извршен комитет донесе одлука пратениците на ВМРО-ДПМНЕ кои ги поддржаа уставните измени да бидат веднаш исклучени од партијата. Ваквата одлука доцна синоќа на прес-конференција ја соопшти партискиот лидер Христијан Мицкоски.

нола исмајлоска старова – Kurir.mk

Аљишериф Синани: Kако Нола стана Нула, 8-та станува нервозна, како завршува нивната употребна вредност

Вчера гласаа за уставни измени, а еве што пишуваа пратениците Исмајлоска, Рамчиловиќ и Александрова пред неполн месец