Исмајловска се пронајде во „неекспертите“ за законот за ЈО

Ивана Ефремовски — Tue, 04 Feb 2020 22:04:37 +0000

Панче Тошковски од ВМРО-ДПМНЕ на денешното гостување на 24 Отворено во дискусија за законот за ЈО ја посочи изјавата на еден од професорите на Правниот факултет и рече дека “правото не може да наведне глава пред политиката, тука говориме за материјален и реформски закон“. Истакна дека не му е јасно како одредени луѓе лесно навлегуваат во вакви дискусии на специјализирани теми, без притоа да имаат експертско познавање и од теоретско и од практично ниво . Нола Исмајловска Старова на ова го праша соговорникот Тошковски, кога кажал дека имало вклученост на луѓе коишто не се експерти, дали се однесувало на нејзе, по што Тошковски одговори дека конкретно мислел на господинот Џабир Дерала којшто не знаел од која позиција се вклучил во јавната дискусија за законот за ЈО иако не бил практичар по право.

Независните пратеници кои го поддржаа Заев ќе бараат “бомбите“ да не се докази

Ивана Ефремовски — Tue, 04 Feb 2020 21:47:07 +0000

„Бомбите” да не се користат како докази во судска постапка, туку да бидат само индиции, ова е чекорот што ќе го преземе независната пратеничка група на ВМРО-ДПМНЕ, преку амандманите што ќе ги поднесе во Собранието за предлог законот за Јавно обвинителство. Ова го најави независната пратеничка Нола Исмајловска Старова, истакнувајќи дека „мораме да се осигураме дека незаконските прислушувани материјали нема да бидат злоупотребени“. Таа рече дека амандмански ќе бараат и одложено дејство на законот за 6 месеци, а ќе интервенираат и во врска со начинот на избор на јавни обвинители за организиран криминал и корупција.

Нола Исмајловска Старова – Kurir.mk

Исмајловска се пронајде во „неекспертите“ за законот за ЈО

Независните пратеници кои го поддржаа Заев ќе бараат “бомбите“ да не се докази