номинација – Kurir.mk

Џинобили номиниран за член на Куќата на славни

Тале Кристо — Wed, 22 Dec 2021 17:26:02 +0000

Аргентинскиот кошаркар Ману Џинобили (44) е меѓу номинираните играчи за влез во кошаркарската Куќа на славните во 2022 година. Џинобили настапуваше за Сан Антонио од 2002 до 2018 година и со „Спарси“ освои четири НБА титули (2003, 2005, 2007, 2014). Исто така, беше клучен играч во аргентинската репрезентација, која на Игрите 2004 во Атина го освои олимпиското злато. На европско почва со италијанската екипа Виртус Болоња ја освои Евролигата. Финалистите во изборот ќе бидат претставени на НБА Ол-стар натпреварот во февруари во Кливленд, додека имињата на новите членови на Куќата на славните ќе бидат соопштени во април за време на фајналфор турнирот на американската универзитетска кошаркарска лига.

Трпчески со номинација за Меѓународните награди за класична музика

Тале Кристо — Mon, 13 Dec 2021 13:05:32 +0000

Во три етапи, жирито ги соопшти номинираните во секоја од 16-те категории за влез во Салата на славните на Меѓународните награди за класична музика - ИЦМА (ICMA – International Classical Music Awards). Меѓу трите проекти номинирани во категоријата „разновидна програма“ е и последниот компакт диск на кој македонскиот пијанист Симон Трпчески заедно со Јаначек филхармонискиот оркестар од Острава, Чешка и прославениот диригент Кристијан Мачелару од Романија, изведуваат програма со дела од Шостакович, а што во мај годинава го издаде престижната британска етикета „Лин Рекордс“. Во изјавата за Македонското радио по повод ова издание, Симон Трпчески тогаш појасни: -Станува збор за еден производ од оваа пандемија што јас го иницирав за да бидам продуктивен кога веќе немав концерти. Заедно со „Лин Рекордс“, Јаначек филхармонискиот оркестар од Острава и романскиот диригент Кристијан Мачелару, кој е шеф-диригент на Националниот оркестар на Франција, како и првиот трубач на овој оркестар - Андреј Кавалински од Белорусија, на моја иницијатива успеавме да организираме снимање на двата пијано концерти на Дмитри Шостакович, како и на Второто трио за виолина, виолончело и пијано, со моите драги колеги од проектот МАКЕДОНИСИМО – Александар Краповски и Александар Сомов. Овој избор е еден опис на различните творечки периоди од животот на Шостакович, а кои сведочат за неговата креативност и оригиналност.“ – рече тогаш Трпчески. Имињата на добитниците на наградените ќе бидат соопштени на 18 јануари, а признанијата на лауреатите ќе им бидат врачени на свеченоста во Луксембуршката филхармонија на 21 април наредната година.

Трамп ја повлече номинацијата на генералот Ентони Тати

Тале Кристо — Tue, 04 Aug 2020 06:02:17 +0000

Американскиот претседател Доналд Трамп ја повлече номинацијата на бригадниот генерал во пензија Ентони Тати, кој поранешниот американски претседател Барак Обама го нарече „терористички лидер“, за помошник министер за одбрана задолжен за политика, соопшти Белата куќа. Соопштението на Белата куќа е објавено еден ден откако портпаролката на Пентагон рече дека Тати, кој не успеа да обезбеди сослушување на американскиот Сенат за да ја потврди номинацијата, зазеде втора, пониска позиција во Министерството за одбрана.

Петмина вардарци номинирани во гласањето на ЕХФ за најдобри во Лигата на шампионите

Дарко Андоновски — Thu, 25 Apr 2019 12:22:09 +0000

Четири играчи и тренерот Парондо од македонскиот ракометен првак Вардар се номинирани во пет од десетте категории од кои ЕХФ со гласање ќе ги избере најдобрите во Лигата на шампионите за сезоната 2018/19. Гласањето ќе се одвива преку смартфон апликацијата „VELUX EHF FINAL4“. Во номинациите учествуваа тренери, играчи, новинари, спортски работници. Номинирани по категории: Голмани: –Дејан Милосављев (Вардар) – Марин Шего (Пик Сегед) – Гонзало Перез де Варгас (Барселона) – Арпад Штербик (Веспрем) – Бенџамин Буриќ (Фленсбург). Лево крило: – Уве Генсхајмер (ПСЖ) – Валеро Ривера (Нант) – Тимур Дибиров (Вардар) – Мануел Штрлек (Веспрем) – Стефан Рафн Сигурмансон (Пик Сегед). Лев бек: – Микел Хансен (ПСЖ) – Расмус Лауге (Фленсбург) – Нико Ренберг (Рихимаен) – Роман Лагард (Нант) – Ричард Бодо (Пик Сегед). Централен бек: – Енди Шмид (РНЛ) – Сандер Сагосен (ПСЖ) – Барис Пухоски (Мотор Запорожје) – Кентин Мае (Веспрем) – Карлос Русега (Спортинг). Пивот: – Јаник Колбахер (РНЛ) – Бенче Банхиди (Пик Сегед) – Николас Турнат (Нант) – Џулен Агинагалде (Киелце) – Андреас Нилсон (Веспрем). Десен бек: – Даинис Криштопанс (Вардар) – Алекс Душебаев (Киелце) – Дика Мем (Барселона) – Недим Ремили (ПСЖ) – Ласло Наѓ (Веспрем). Десно крило: – Блаж Јанц (Киелце) – Алекс Гомез (Барселона) – Златко Хорват (ППД Загреб) – Иван Чупиќ (Вардар) – Дарко Џукиќ (Мешков Брест). Дефанзивец: – Тобиас Карлсон (Фленсбург) – Блаж Благотиншек (Веспрем) – Хорхе Македа (Пик Сегед) – Тиагус Петрус (Барселона) – Рок Фелихо (Нант). Млад играч: – Мелвин Ричардсон (Монпеље) – Лудовик Фабрегас (Барселона) – Валтер Кринц (Кристијанштад) – Јоханес Гола (Фленсбург) – Артсем Каралек (Киелце). Тренер: – Хуан Карлос Пастор (Пик Сегед) – Раул Гонзалез (ПСЖ) – Чави Пасквал (Барселона) – Роберто Гарсија Парондо (Вардар) – Маик Мачула (Фленсбург).