нора шаќири – Kurir.mk

Нора Шаќири за ТВ 24: Според гласините, моето разрешување е заради кандидатурата на брат ми

Катерина Бојаџиева — Wed, 01 Dec 2021 21:07:21 +0000

Нора Шаќири, екс-директорката на театар Комедија, во емисијата 24 анализа објасни дека била разрешена по анонимна пријава за мобинг и дека е извршена инспекција која донела записник во кој не можеле да дадат инспекциска мерка -Анонимниот точно ја раскажал целата приказна. Точно е дека водев три дисциплински постапки согласно законот. Спорната постапка е дека човекот кој беше казнет беше три дена отсутен од работа, немаше денови за користеше и беше на одмор. Требаше да му дадам отказ, но комисијата реши да биде казнет со 30% од платата на шест месеци. Едната постапка е се уште во тек зошто човекот се жалеше и управниот одбор ќе донесе некаква одлука. Ниту јас и брат ми Бени сме членови на таа партија. Од партијата нема да кажат дали е реваншизам. Од она што го слушам во јавноста, е дека да и јас сум им благодарна што ми ја испорачаа фактурата заради кандидатурата на Бени која е скапо платена, рече Шаќири.

Коалициониот партнер на Заев го смета владиното разрешување на Нора Шаќири за политички чин

Ивана Ефремовски — Wed, 24 Nov 2021 17:15:42 +0000

Горан Милевски, претседателот на ЛДП, дел од владината коалиција, го смета владиното разрешување на Нора Шаќири за политички чин. „Поддршка за Нора Шаќири! Политиката надвор од културата. Многу непромислен чекор“ - напиша тој на својот Фејсбук профил. Милевски, коалициониот партнер на Заев, го сподели и Фјсбук статусот на екс-директорката на театар Комедија.

Откако Бени Шаќири се судри со Шилегов, сестрата Нора остана без работа

Катерина Бојаџиева — Wed, 24 Nov 2021 12:03:40 +0000

Нора Шаќири Марковиќ е разрешена од функција в.д. директорка на „Театар комедија“, потврдија од Министерството за култура за МКД.мк. Одлуката за нејзино разрешување ја донесе министерката за култура Ирена Стефоска по добиениот извештај од Државниот инспекторат за труд. За нова директорка е назначена актерката Магдалена Ризова Черних. „Во Извештајот е констатирано дека раководното лице презело активности спротивни на член 34, став 1, алинеа 3, од Законот за спречување на корупција и судир на интереси, член 8-а став 1 алиниеа 3 од Изборниот законик и член 11 од Законот за заштита од вознемирување на работно место. Со тоа се потврдува дека раководното лице водело и ја завршило дисциплинската постапка врз вработени во време на изборен процес“, се вели во одговорот за МКД.мк од Министерството за култура. За нов в.д. директор на НУ „Театар комедија“ е назначена актерката Магдалена Ризова Черних која и е вработена во театарот, информираат од Министерството. Инаку, минатата недела во театарот влегла вонредна инспекциска контрола по пријава, според која, како што тогаш беше објавено во некои медиуми, Шаќири-Марковиќ вршела мобинг и психичко вознемирување врз вработените во „Театар комедија“. За медиумите тогаш таа изјави дека таквиот навод не е точен и дека е најдобро да се прашаат самите вработени и додаде дека „Театар комедија“ токму сега, иако уште е пандемиско време, работи со полна пареа и има претстави кои се добро посетени. Инаку, ова следи откако кандидатот за градоначалник на Град Скопје на овогодинешните локални избори, Бени Шаќири, се судри со Петре Шилегов. Шакири тогаш објасни, односно ја демантираше изјавата на Петре Шилегов дека тие се пријатели и дека всусшност Шилегов нема да ги добие неговите гласови во вториот круг. – Актуелниот градоначалник Петре Шилегов веќе три и пол години е пасивен и сега прави офанзивна во последните месец дена. Од првиот ден треба да се засукаат ракавите, не постои проект на кој му требаат 10 и повеќе години. За помалите проекти не постои нешто што не може да се заврши од пола до една година. Јас сум само познаник со него, ние не сме пријатели и секако нема да ги добие моите гласови во вториот круг, појасни Шаќири за неговиот однос со сегашниот градоначалник, во гостување на дневникот на ТВ Сител.

Инспекција во Театар Комедија: Нора Шаќири пријавена за мобинг, се огласи директорката

Ивана Ефремовски — Fri, 19 Nov 2021 13:29:18 +0000

Во Театар Комедија денес имало вонредна инспекциска контрола, дознава Фронтлајн. Вработени во установата пријавиле мобинг и психичко вознемирување од страна на директорката Нора Шаќири. Таа на прашањето на „Локално“ да даде коментар за ситуацијата во нејзиниот театар, кратко изјави дека нема одговор на прашањето и ја „префрли топката“ на колективот. -Најдобро е да го прашате колективот дали им е вршен мобинг. Не знам каде да ве упатам за да се јавите. Во институцијата никој од вработените нема поднесено пријава против мене, така да не знам што да ви кажам, ни одговори директорката. Таа додадека дека „не знае со што е поткрепена ваквата објава“. -Во време кога театарот работи под полна пареа, со вратен долг дава премиери, работи и гостува на фестивали, не знам дека тоа е мобинг, вели Шаќири за „Локално“.

Нора Шаќири именувана за директор за „Театар Комедија“

Ивона Петрова — Tue, 02 Feb 2021 09:55:53 +0000

Нора Шаќири Марковиќ е именувана за в.д. директор на НУ Театар Комедија. Министерството за култура соопштува дека поради неправилности во работењето, утврдени од вонредниот инспекциски надзор од Министерството за култура, денеска е разрешен Сашо Ристовски од функцијата директор на НУ Театар Комедија. -При надзорот е утврдено дека директорот на театарот презел обврски над одобрените средства од Министерството за култура во вкупен износ од 8.734 486,оо денари без притоа истите да ги обезбеди од други извори. Со тоа е сторена повреда на чл.70 а, став 4 од Законот за култура. До изборот на нов директор, заради непречено фунционирање на оваа установа, за в.д. директор е назначена Нора Шаќири Марковиќ, вработена во театарот, соопштуваат од Министерството.

ФОТО: Нора Шаќири стана мајка, се роди Ијан

Ивона Петрова — Mon, 06 Apr 2020 09:36:55 +0000

Поранешната ТВ водителка Нора Шаќири стана мајка. Таа и нејзиниот сопруг Марко денеска станаа за првпат родители. Нора и преку социјалните мрежи му посака добредојде на синот Ијан. Среќниот татко, пак, објави дека е горд.

Нора Шаќири „паднала“ на испитот за државни службеници

Катерина Бојаџиева — Wed, 09 May 2018 17:52:20 +0000

Нора Шаќири Марковиќ, Поранешката тв-водителка, инаку дипломиран социолог, не успеала да го положи испитот за државни административни службеници, пишува порталот „Инфомакс“. Ако Шаќири Марковиќ го положела испитот, ќе се стекнела со право да се вработи во некоја од државните институции. Таа гласно се побуни кога Заев го вработи Мухамед Зекири во СДСМ и го стави на платниот список на партијата, по што Заев реагираше и во преписките преку Фејсбук ја покани на кафе. По одредени медиуми имаше информации дека по преписката со Заев, Нора Шаќири уште лани експресно беше вработена во кабинетот на министерот за култура Роберт Алаѓозовски. Како што пишува „Инфомакс“ за да се положи теоретскиот дел се потребни минимум 15 бода, а таа успеала да направи 13,75. Максимум на испит се 40, од кои 25 за теоретски дел на кој Шаќири паднала и 15 за познавање странски јазик, а тоа не полагала бидејќи паднала на овој првиот, односно теоретскиот дел.