Хрватски научник за нус појавите од вакцините: Алергиски реакции, краток здив и осип се нормални

Тале Кристо — Thu, 10 Dec 2020 08:59:37 +0000

Алергиски реакции, осип на кожата, чешање, краток здив, се многу чести појави при давањето вакцина, изјави хрватскиот научник и член на владиниот Научен совет Драган Приморац. Еден ден откако започна вакцинацијата во Велика Британија, почнаа и првите несакани ефекти. Луѓето со тешка алергија не треба да примаат вакцина затоа што двајца здравствени работници имале алергиски реакции. Извештаи за нус појави доаѓаат и од САД. Четворица учесници во клинички испитувања доживеале реакција за форма на делумна и привремена парализа на лицето, потсетува Хина. – Постојат две клучни работи. Екстремно силна алергиска реакција се појави кај луѓе кои имаат историја на болест на која реагирале премногу бурно и развиле специфична реакција. Тие имале покрај себе адреналин затоа што знаеја што им треба. Во спротивно тоа може да биде реакција опасна по живот, рече Приморац, кој е педијатар субспецијалист по медицинска генетика и експерт од областа на форензичка генетика. При госпувањето во емисија на РТЛ, тој додаде дека што се однесува до случаите во САД, парезата обично завршува во рок од три месеци без никакви проблеми. Тој истакна дека е важно да се евидентира сето ова. – Кога го толкуваат тоа, велат дека е статистички нормално тоа што се случува кај населението. ЕУ има голема предност затоа што сме набљудувачи на она што се случува во Велика Британија и САД. Тоа е огромна предност, рече тој и додаде дека нема шанси европската агенција ќе дозволи вакцината да се администрира во ЕУ доколку се појават несакани ефекти со неочекуван интензитет. Хрватскиот лекар и универзитетски професор ја објасни и разликата во вакцините. – Модерна и Фајзер користат целосно нова технологија, рече тој, додавајќи дека станува збор за технологија на информациона рибонуклеинска киселина. – Молекулата не може да стори ништо ако таа генска порака не биде препишана на таа рибонуклеинска киселина. Таа на рибозомите им дава протеин, објасни Приморац, додавајќи дека идејата е штом вакцината се инјектира во мускул, таа влегува и се ослободува од липидната обвивка, влегува во клетката, но во цитоплазмата и веднаш започнува синтезата на протеините. – Исклучително е важно да се каже дека според сегашните сознанија, оваа киселина не влегува во јадрото и не се интегрира во нашиот геном, рече Приморац, додавајќи дека основната порака е дека не може да ја промени нашата ДНК. Приморац повтори дека стапката на вакцинација треба да биде над 70 проценти и додаде дека доколку не се постигне колективен имунитет, нема да се дојде до позиција кога може сериозно да се спречи ширењето на пандемијата ширум светот. „Само вистината што доаѓа до луѓето може да ги разбие тие стравови, заклучи Приморац на госпувањето во емисијата РТЛ Директ.

ФОТО: Во Словенија повторно се живее „нормално”

Тале Кристо — Mon, 04 May 2020 16:47:40 +0000

Убавото време и укинувањето на повеќе ограничувања донесени поради епидемијата на коронавирусот е причина Словенија по подолго време да помине релативно „нормален” ден, јави дописникот на МИА од Љубљана. По речиси два месеца, како и низ целата држава така и во Марибор повторно беа отворени кафулињата и рестораните. Почитувајќи ги сите мерки на Националниот институт за јавно здравје, граѓаните повторно можеа надвор од своите домови да испијат кафе или да ручаат. Отворени се само надворешните делови, односно терасите од објектите, а на иста маса можат да седат само членови на исто семејство. Персоналот задолжително носи заштитни маски, а истото треба да го сторат и гостите кои сакаат да влезат во внатрешниот дел од угостителските објекти за да одат во тоалет. Слично беше и во Целје, каде што пред се постарите кои беа на пазарите го искористија убавото време и за да седнат во локалните кафулиња на пијалок и да се одморат. Според тоа каква беше сликава утринава во главниот град, по се изгледа на Љубљанчани највеќе им недостасуваа фризерските салони. Редовите пред овие објекти се направија поради тоа што за нивната работа сега важат строги протокли. Така на пример, за да се дојде на фризер неопходно е претходно телефонски да се закаже термин, а во објектот не смее да се влезе доколку се уште некој има внатре. Фризерите задолжително мораат да носат визир, заштитна маска и ракавици. Од денеска да се средат можеа и домашните миленици бидејќи и салоните за нега на домашните животни повторно беа отворени. Во Словенија денеска, втор ден по ред, не се регистрирани нови случаи на новозаразени со коронавирусот. Според најавата на Владата, набрзо ќе биде активиран и јавниот превоз, но како и за се друго и таму ќе важат строги мерки со цел спречување на повторното ширење на вирусот.

нормално – Kurir.mk

Хрватски научник за нус појавите од вакцините: Алергиски реакции, краток здив и осип се нормални

ФОТО: Во Словенија повторно се живее „нормално”