нос – Kurir.mk

Французинка доби 3-Д испечатен нос по досега невообичаена процедура

Ивана Ефремовски — Mon, 04 Sep 2023 07:49:45 +0000

Французинка која поради рак останала без дел од лицето, доби нов нос којшто бил 3-Д испечатен во лабораторија. По девет години боледување и неколку неуспешни пластични реконструкции на лицето, носот на пациентката конечно е обновен. Но, научниците прво морале да „ѝ го прикачат“ на раката заради неопходното прилагодување околу потребното снабдување со крв, пишува „Сајенс алерт“ (Science Alert). Откако пациентката „го носела“ новиот нос на раката два месеци, хирурзите ѝ го пресадиле на лицето. Операцијата траела шест часа, а лекарите требало внимателно да ги поврзат крвните садови од новиот орган со слепоочницата на жената. Хирурзите од Институтот за рак при Универзитетот во Тулуз во Франција потврдија дека пациентката закрепнува успешно. - Кога се разбудив следниот ден, бев целосно урнисана. Не бев излегла 10 години, па со мојот сопруг решивме дека наскоро повторно ќе одиме в ресторан... Сега можам да мирисам подобро од кога било, изјави жената за француски „Монд“. „Ваков вид пресадување никогаш досега не била извршена на толку кревка област чувствителна во однос на крвта“, велат од болницата. Хирурзите сега се надеваат дека ќе може да се користи оваа револуционерна техника и за пресадување други телесни импланти во иднина. (МИА)

„Сувенири од Турција“ – познатата тиктокерка ги шокираше следбениците, цело лице и е со модринки, а носот во завој (ВИДЕО)

Дарко Андоновски — Wed, 01 Mar 2023 13:12:24 +0000

Тиктокерката Уна Каблар, попозната како Уки Кју го оперираше носот. Имено, Уна неодамна имаше операција на градите, а за своето заздравување ги известуваше и следбениците, меѓутоа, сега следуваше уште една промена. Уна преку социјалните мрежи сподели како изгледа по операцијата. Покрај завоите, може да се воочат и модринки околу очите што е стандардно за ваков процес. „Сувенири од Турција, го направив тоа“ - се пошегува Уна. Како изгледа по операцијата, погледнете во продолжение:

@ukiqukiqSmuki ajz✌🏼🤣♬ original sound - MinistarTikToka

Може да биде и опасно: Еве како да постапите ако ви тече крв од носот

Ивана Ефремовски — Mon, 05 Dec 2022 19:00:32 +0000

Причините за оваа појава можат да бидат многубројни: фрактура, зголемен крвен притисок, болест на срцето, анемија, заразна болест или преголем физички напор. Крвавењето од нос најчесто се јавува кај деца или постари лица, а посебно во текот на вирусните епидемии, при крајот на зимата и почетокот на пролетта, кога доаѓа по витамински дефицит во организмот. Крвавењето доаѓа ненадејно, често навечер, во текот на спиењето. Слузокожата на носот е богата со капилари, посебно во предниот дел од носната преграда, каде најчесто доаѓа до крвавење. Изгледот и општата состојба на пациентот зависат од интензитетот на крвавењето. Доколку тоа е потешко, се воочува бледило на кожата, забрзан пулс, а понекогаш доаѓа и до колапс. Неопходно е најпрво да се смири човекот чиј нос крвари. Неговата глава мора да биде навалена напред, а со палецот и показалецот да се стисне носот во траење од 2-3 минути. На вратот е потребно да се стави ладна облога. Ако крвавењето не престанува, болниот мора да се одведе на лекар, каде ќе му биде запрено крварењето, а на пациентот ќе биде извршено дијагностицирање и откривање на причината која довела до оваа појава.

ФОТО: Роналдо го повреди носот на мечот со Чешка

Ивона Петрова — Sun, 25 Sep 2022 07:51:21 +0000

Кристијано Роналдо се здоби со скршеница на носот синоќа на натпреварот со Чешка во Прага. Португалецот во 14. минута од првото полувреме по еден воздушен дуел со домашниот голман Томаш Вацлик остана да лежи на теренот со раскрвавен нос. Португалските репрезентативните лекари успеаја да ја санираат повредата и играчот со фластер на носот го продолжи натпреварот и асистираше на Диего Жота при постигнувањето на конечните 4:0 за Португалија. -Одлична игра, важна победа за репрезентацијата. Остануваме фокусирани на нашата цел, пласман во плејофот на Лигата на нации. Благодарам на португалската јавност за фантастичната поддршка, изјави Роналдо. На едно коло пред крајот на групната фаза Португалија е лидер во втората група од А-дивизијата со 10 бодови, пред Шпанија која има 8. Швајцарија е трета со 6, Чешка има 4.

Клекна пред трендот кој го избегнуваше 14 години: Рада ќе легне “под нож“, сите очекуваат да го среди носот, но таа има друг приоритет!

Ивана Ефремовски — Tue, 31 May 2022 18:07:54 +0000

По раскинувањето со Харис Берковиќ, Рада Манојловиќ наводно решила да си се почести убаво деколте. Според гласините, таа планира да стави силикони во градите, а како број избрала „јаки тројки“. Имено, пејачката по 14 години на сцената клекна пред трендот и реши како и повеќето нејзини колешки да ги зголеми градите. Рада на овој чекор се реши откако ја прекина шестгодишната врска со пејачот Харис Берковиќ. -Нејзин адут секогаш биле долгите нозе и добар глас, а никогаш немала комплекс поради малите гради. Кога раскина со Харис, ми рече дека сака да промени нешто на себе. Мислев дека сака да ја смени фризурата, како и повеќето жени по раскинувањето, но ме изненади. Таа ми кажа дека има намера да вгради силикони! - вели пријателка на Рада која инсистирала да остане анонимна. Изворот додава дека фолк ѕвездата дури и разговарала со докторот за операција на носот. Таа нејзина несовршеност е всушност нешто кое многумина ја советуваа да го среди со текот на годините. -Рада се распрашувала и за операција на носот, но на крајот се откажала. Таа рече дека нема доволно храброст за таа операција, иако ми призна дека и пречеле повиците на колегите дека има голем нос. Дури и кога веќе решила да ги оперира градите, ја убедувам да го намали и носот, но не верувам дека ќе ме послуша, додава соговорникот, пренесе ПИНК.РС.

ИМАТЕ МАЛКУ НЕПРАВИЛЕН НОС? Еве КАКО да го контурирате – вашето лице ќе изгледа многу поубаво! (ВИДЕО)

Ристе Здравков — Wed, 11 May 2022 15:37:22 +0000

Ако имате испакнатина на носот, можете визуелно да ја намалите со правилно контурирање. Секако, свесни сме дека совршен нос не постои (освен ако не одлучите да одите под нож), сепак, тоа не значи дека не можете да го „направите“ со помош на шминка. Контурирањето на лицето и истакнувањето на предностите и криењето на недостатоците со помош на шминката е одамна „тренд“, па многу дами претпочитаат ваков тип на „корекција“ наместо естетски зафати. Се што треба да направите е правилно да се нашминкате и на тој начин дополнително да ја истакнете вашата убавина. Нанесете потемна сенка над нерамнината, а потоа светол коректор околу неа. Сè убаво изблендирајте и готово.

View this post on Instagram

A post shared by Mary Sher (@marysherb)

Каков ви е носот, таков ви е карактерот – проценете дали има вистина во ова за вас

Ивана Ефремовски — Thu, 07 Apr 2022 14:32:02 +0000

Звучи чудно, но е вистинито. Погледнете ги овие осум различни облици на носеви и кои карактеристики се врзуваат за нив, па самите проценете дали има вистина во тоа.

Нубијски нос

Овој облик на нос се издвојува од другите со својата должина. Мостот е речиси рамен, додека пошироката точка на носот е насочена надолу. Лицата со ваков облик на нос се љубопитни и радознали. Исто така се оптимистични, симпатични и секогаш се трудат да најдат решение за секој проблем.

Грчки нос

Обликот на овој нос потекнува од познатите грчки скулптури за кои бил карактеристичен. Тој се одликува со тоа што е тесен и прав. Луѓето со овој облик на нос се обично повлечени и не сакаат да бидат во центарот на вниманието. Мошне се практични и лојални. Тешко е да се разговара со нив отворено за емоциите.

Кукаст нос

Многумина го споредуваат овој облик на носот со оној што потсетува на птичји клун. Тоје свиткан од основата односно од веѓите до врвот на носот. Луѓето со ваков нос се креативни и пожртвувани. Страсно ги бранат сопствените верувања и не се плашат да ризикуваат за да ги постигнат сопствените цели.

Извиткан нос

Мошне е сличен на претходниот, но овој нос е превиткан од носната коска до врвот. Сепак врвот е значително пошилест. Луѓето со овој облик на нос се смета дека се мошне одлучни, мошне се посветени на својата работа и добри се во организација.

Копчест нос

Овој нос е мошне краток и делува мошне симпатично. Тоа е најпопуларниот облик, затоа што не ги нервира луѓето. Тие имаат прилично силна волја, сакаат да бидат директни и мошне се одлучни во тоа секогаш да го добијат тоа што го сакаат.

Рамен нос

Овој облик е најчест во Азија и малку е порамен од другите облици. Врвот на носот е кружен, а носниците се пошироки. Лицата со рамен нос имаат силен карактер. Тие се мошне темпераментни и страствени, а може мошне да се налутат ако некој си игра со нивното трпение.

Конкавен нос

Обликот на овој нос се одликува со мал лак на носната коска. Слично како и копчестиот нос и овој е мошне популарен затоа што не е мошне впечатлив и изгледа мошне нежно. Луѓето чијшто нос има ваков облик се великодушни и секогаш подготвени да им помогнат на другите. Мошне се чувствителни.

Накривен нос

Можеби називот на овој нос не е особено ласкав, но овој облик на носот укажува на нежен карактер. Мостот на носот се истакнува додека врвот е мошне заоблен. Лицата со ваков нос се мошне добри во тоа што го прават и знаат да ги сослушаат другите, што ги прави прекрасни пријатели или партнери. Мошне ги ценат лицата што цврсто стојат на земјата.

ОВАА ФОТОГРАФИЈА САКА ДА ЈА ЗАПАЛИ: Емина Јаховиќ дури пет пати го оперираше носот кој и го грдеше лицето до неодамна

Дарко Андоновски — Mon, 30 Nov 2020 17:06:13 +0000

Речиси малкумина се сеќаваат на изгледот на срамежливата тогаш 20 годишна пејачка Емина Јаховиќ која во 2002 година за прв пат се појави во јавноста со надеж да ја освои регионалната музичка свена. Српските медиуми денес, 20 години подоцна објавија фотографии од младоста на Емина Јаховиќ која пејачката сака буквално да ги запали. На истите таа има долг нос кој и го грди лицето, а денес сето тоа е умешно корегирано со помош на естетска операција. За операцијата на носот таа говори и денес, правдајќи се дека тоа морала да го направи првенствено поради здравствени проблеми.

View this post on Instagram

A post shared by ⬆⬆🔝Zapratite🔝⬆⬆ (@srbija_showbizz)

Медиумите објавуваат и дека таа дури пет пати го оперирала носот, што пејачката никогаш го нема демантирано ова.

Не смеете да ја игнорирате оваа навика кај децата, може да биде со страшни последици

Ивана Ефремовски — Thu, 19 Nov 2020 09:41:16 +0000

Родителите чии деца ги игнорираат молбите да престанат да ги ставаат прстите во носот имаат сериозна причина за загриженост. Пнеумокок, причителен за бактериско воспаление на белите дробови, инфекции на белодробното ткиво кои можат да бидат смртоносни ако не се излечат, се пренесуваат преку воздухот, односно индикациите најчесто упатуваат на кашлица и кивавица. Британските експерти сега тврдат дека првпат докажале дека таа бактериска болест може да се пренесе и преку рацете. Во студијата, чии резултати се објавени во магазинот „European Respiratory“, групата на возрасните испитаници велат дека пнеумкок е „размачкан“ по дланките. Потоа добиле задача да го допрат, тријат и пипкаат носот. -Оваа студија покажа дека бактериите можат да се шират и преку рацете, а дури и предмети како мобилен или детски играчки можат да допринесат на нејзиното ширење, изјави експерт од Ливерпул, Викторија Конор. На глобално ниво воспалението на белите дробови секоја година усмртува околу 1,3 милиони деца помлади од пет години. Според истражувањето спроведено на возрасните, Конор наведува дека резултатите од студијата првенствено се насочени кон родителите на младите деца. -Можеби не е реално да се спречат децата да чепкаат по носот или го тријат подрачјето на носот, но советот за родителите е – редовна и добра хигиена на рацете. Чистењето и перењето на играчките и другите површини можат да го намалат ширењето на бактериите, како и ризикот од развој на инфекции како воспаление на белите дробови, истакна Конор.

Лего-коцка стоела две години во носот на дете

Тале Кристо — Wed, 19 Aug 2020 08:09:30 +0000

Лего-коцка стоела цели две години во носот на едно седумгодишно дете, па тоа ја исфрлило само од себе. Настанот се случил 2018 година, на Нов Зеланд. Таткото на момчето, Мудасир Анвар изјави дека неговиот син Самер Анвар му кажал дека загубил една од коцките и оти таа му се заглавила во едната ноздра. – Мала Лего-коцка навистина ѕиркаше од неговата ноздра. Се обидовме да ја извлечеме од таму, но без никаков успех, рече таткото на Самер. Родителите потоа го однеле детето на лекар, но тој не нашол ништо и им рекол дека коцката веројатно е веќе испадната или ќе исчезне од телото по природен пат. Оттогаш, момчето не се пожалило, а семејството заборавило на проблемот. Но, викендов Самер помирисал шеќер во прав од торта, по што кивнал и малото црно парче излетало од неговиот нос. Момчето се исплашило… Лего-коцките се предмет на бројни истражувања. Едно од нив посочува дека се потребни 1.300 години за пластиката да се распадне во океанот… Сега пак, знаеме и дека треба околу две години за една коцка да испадне од носот.

нос – Kurir.mk

Французинка доби 3-Д испечатен нос по досега невообичаена процедура

„Сувенири од Турција“ – познатата тиктокерка ги шокираше следбениците, цело лице и е со модринки, а носот во завој (ВИДЕО)

Може да биде и опасно: Еве како да постапите ако ви тече крв од носот

ФОТО: Роналдо го повреди носот на мечот со Чешка

Клекна пред трендот кој го избегнуваше 14 години: Рада ќе легне “под нож“, сите очекуваат да го среди носот, но таа има друг приоритет!

ИМАТЕ МАЛКУ НЕПРАВИЛЕН НОС? Еве КАКО да го контурирате – вашето лице ќе изгледа многу поубаво! (ВИДЕО)

Каков ви е носот, таков ви е карактерот – проценете дали има вистина во ова за вас

Нубијски нос

Грчки нос

Кукаст нос

Извиткан нос

Копчест нос

Рамен нос

Конкавен нос

Накривен нос

ОВАА ФОТОГРАФИЈА САКА ДА ЈА ЗАПАЛИ: Емина Јаховиќ дури пет пати го оперираше носот кој и го грдеше лицето до неодамна

Не смеете да ја игнорирате оваа навика кај децата, може да биде со страшни последици

Лего-коцка стоела две години во носот на дете