носач на авиони – Kurir.mk

Морнари од носачот на авиони Теодор Рузвелт се хоспитализирани поради Ковид-19

Ивона Петрова — Wed, 22 Apr 2020 05:38:16 +0000

Девет морнари од американскиот носач на авиони Теодор Рузвелт се во болница, каде се лекуваат од новиот коронавирус. Повеќе од 4.100 од 4.800 членови на екипажот на бродот се во карантин, а 710 од нив се позитивни на Ковид-19. Во соопштението на американската морнарица се наведува дека само 42 морнари се излекувани од Ковид-19, а еден почина, откако носачот на авиони пристигна во Гвам, пред 3,5 недели.

На француски носач на авиони со Ковид-19 заразени речиси 700 морнари

Ивона Петрова — Thu, 16 Apr 2020 05:48:02 +0000

Речиси 700 морнари на францускиот носач на авиони „Шарл де Гол“ се позитивни на коронавирусот, соопшти француското Министерство за одбрана. Како што се наведува во соопштението, тестирани биле 1.767 морнари, речиси сите од Шарл де Гол, а резултатите покажале дека најмалку 668 биле заразени со вирусот. Вкупно 31 член на екипажот се во болницата. Овој носач на авиони, кој неодамна учествуваше на вежби со северноевропски морнарица во Балтичкото Море, пристигна две недели порано во Тулон, град на југот на Франција, бидејќи околу 40 членови на екипажот покажаа симптоми на коронавирусот. Шарл де Гол е вториот носач на авиони во светот на кој официјално е потврдено присуство на коронавирусот, после американскиот носач на авиони Теодор Рузвелт. Шефот на француската морнарица нареди истрага.

Локализиран пожарот на рускиот носач на авиони, повредени 10 лица

Дарко Андоновски — Thu, 12 Dec 2019 14:25:56 +0000

Пожарот на рускиот носач на авиони „Адмирал Кузњецов“ е локализиран, а утврдено е дека причина за огнот е изведување заварувачки работи во првата единица за напојување, соопшти шефот на Обединетата бродоградна корпорација Алексеј Рахманов. – Во тој момент се изведуваа работи за замена на единиците за напојување, но искра падна на подот, каде имало истурено гориво, по што дојде до пожар, појасни Рахманов. Во инцидентот се повредени 10 лица, од кои шест се во критична здравствена состојба, а само едно е со полесни повреди. Рахманов уште потсети дека по избувнувањето пожар на бродот „Виктор Черномирдин“ воспоставен е стандард при изведување заварувачки работи, кој подразбира присуство на петмина воени контролори во случај заварувачките работи да ги изведува еден човек. – Прашање е како дошло до пожар ако сите работи се изведувале согласно овој стандард. Одговор ќе добиеме дури откако биде целосно изгаснат пожарот, потенцираше Рахманов.

ВИДЕО: Се запали единствениот руски носач на авиони „Адмирал Кузњецов“

Ивона Петрова — Thu, 12 Dec 2019 09:34:17 +0000

Се запали рускиот носач на авиони „Адмирал Кузњецов“ во текот на поправката на докот во Мурманск, и притоа се повредени три лица, соопшти извор од итната служба. -Според првичните информации, огнот ја зафатил првата единица за напојување на бродот. Од горната палуба се гледа облак од густ црн чад, наведе извор за Тасс. Пожарникарите се обидуваат да го изгаснат пожарот, а се верува дека настанал заради непочитување на безбедносните правила во текот на поправката. Ремонтот на рускиот носач на авиони, што беше користен во руската воена кампања во Сирија како поддршка на сирискиот претседател Башар ал-Асад, почна уште минатата година. „Адмирал Кузњецов“ во моментов е единствениот руски носач на авиони. Изграден е и спуштен во море во времето на Советскиот Сојуз и требаше да биде првиот носач на авиони во својата класа.

В Мурманске загорелся крейсер «Адмирал Кузнецов» с людьми на борту https://t.co/5Uz17ZBZYU pic.twitter.com/7RXarjEeyE
— FlashNord (@flashnord) December 12, 2019

Јапонија ќе го добие првиот носач на авиони во Втората светска војна

Ристе Здравков — Tue, 18 Dec 2018 15:07:35 +0000

Јапонската Влада го одобри петгодишниот план за одбрана со кој се предвидува Воената морнарица на Јапонија да се опреми со два носачи на авиони. Тоа ќе биде првпат по Втората светска војна во составот на Вооружените сили на Јапонија да има и носач на авиони. Ваквата одлука Владата во Токио ја оправдува со „зголеменото воено влијание на Кина во регионот“. Со планот се предвидува два од постоечките носачи на хеликоптери да се модифицираат во бродови што ќе можат да служат за полетување и слетување на авиони од типот Ф-35Б. Тоа нема да бидат класични носачи на авиони, бидејќи леталата нема да бидат постојано стационирани на нив, туку ќе се користат само како логистика за слетување и полетување на ловците при одбранбени операции. Планот на јапонската Влада предвидува во следната деценија Јапонија да купи 42 ловци Ф-25Б и 105 летала од типот Ф-35А. Јапонскиот Устав предвидува дека Вооружените сили на Јапонија имаат само одбранбен какарктер и дека не может да учествуваат во воени операции во странство. Јапонската Армија брои 250.000 лица и за нејзините потреби до март 2024 година се предвидени 215 милијарди евра. На најавата на новиот јапонски план за одбраната реагиташе официјален Пекинг, кој изрази незадоволство од него и ја повика Јапонија „да се придржува кон чисто одбранбената воена политика“.