носење маска – Kurir.mk

Носењето маска на јавно место е неуставно, пресуди Основниот суд во Брисел

Тале Кристо — Fri, 22 Jan 2021 10:01:44 +0000

Основниот суд во Брисел пресуди дека обврската да се носи маска на јавно место како противепидемиска мерка е неуставна. Ова го објавија белгиските медиуми со образложение дека Обвинителството се жали на одлуката. Се наведува дека судот донел пресуда за случајот на маж за кого полицијата констатирала дека не носи маска додека бил во кланица во една од населбите во главниот град. Според судот, барањето да се носи маска на јавни места произлегува од владината резолуција, несоодветна со основниот закон. Како што пренесуваат медиумите, судијата истакна дека условот да се носи маска не ги зема предвид околностите – дали нарушувањето е направено на отворено или во затворено. Судот утврди дека е соодветно да се воведат ограничувања на личните слободи во обидите да се стави крај на пандемијата, но инсистираше да се направи разлика помеѓу условите во кои е констатирано нарушувањето. Се очекува белгиската Влада денеска да донесе одлука со која до март се забрануваат несуштински патувања надвор од земјата.

Португалија воведува задолжително носење маска на отворено каде има метеж

Магдалена Андонова — Fri, 23 Oct 2020 16:30:32 +0000

Во Португалија денеска е донесена мерка за задолжително носење заштитни маски на отворено каде има метеж, со цел да се запре зголемувањето на бројот на заразени со коронавирус. Сите лица постари од 10 години ќе бидат обврзани да носат заштитни маски на отворено кога не е можно да се одржи физичко растојание, а мерката ќе биде во сила најмалку 70 дена. Прекршителите на оваа мерка ќе бидат казнети со парична казна од 100 до 500 евра. Во земјата, со население од нешто повеќе од 10 милиони, пријавени се вкупно 109.541 случаи на коронавирус, а досега починале 2.245 лица како резултат на Ковид-19. Португалската Влада вчера соопшти дека три општини во северниот дел на земјата ќе бидат ставени во делумен карантин за да се спречи зголемувањето на новите случаи на коронавирус. (МИА)

Филипче со контрадикторни изјави за носењето на маски на отворен простор – еве што кажуваше во февруари

Тале Кристо — Fri, 09 Oct 2020 10:49:49 +0000

Министерот за здравство Венко Филипче во февруари месец оваа година одговарајќи на новинарско прашање за тоа колку маските можат да бидат превенција од ширење на коронавирусот, повтори дека врз основа на мислењето од експертите епидемиолози, маска на отворен простор не е начин за заштита на граѓаните, туку напротив, може да го зголеми ризикот од инфекција. -Може да го зголеми ризикот за инфекција поради манипулацијата на маската со раце, со оглед на тоа што оваа инфекција се пренесува токму преку раце и вирусот одреден период останува на површините, истакна своевремено тогаш Филипче. Ваквата негова изјава и од изјавата за време на вчерашната прес-конференција на која ги објави новите мерки, каде што се прпорачува задолжително носење на маска и на отворен простор, сами по себе се контрадикторни, бидејќи Филипче во еден момент вели дека маска на отворен простор не е начин за заштита на граѓаните, туку напротив, може да го зголеми ризикот од инфекција, а сега за истата препорачува да се носи и на отворено. Еве што меѓудругото во врска со носењето на маска на вчерашната прес-конференција. -Секој како што ќе излезе од дома ќе мора да носи маска или марама, да има прекривка на устата и на носот. Зошто? За да го избегнеме и оној ризик, можеби несвесен кога ќе се случи некакво мини групирање. Во таа смисла е целокупниот пакет на мерки. Да се избегне групирање и да се носат маски, истакна Филипче.

Романија планира да воведе задолжително носење маски

Магдалена Андонова — Wed, 29 Jul 2020 12:10:15 +0000

Романските власти планираат да воведат задолжително носење маски на јавни места каде има голем број луѓе и затворање на баровите во 23 часот за да се справи со зголемувањето на бројот на новозаразени со коронавирусот. Во Романија, според податоци на универзитетот Џонс Хопкинс, регистрирани се 47.053 случаи на коронавирус и 2.239 смртни случаи, но бројот на заболени од неодамна се зголемува, така што минатата недела имаше повеќе од 1.000 нови случаи секој ден, јави Би-Би-Си. Романската Влада до јули со указ ги хоспитализираше заразените лица и им нареди на оние што се изложени на вирусот да останат дома. Сепак, на почетокот на месецот Уставниот суд донесе одлука дека тоа не е легално, па 972 позитивни пациенти беа пуштени од болница и покрај советите на лекарите, а околу 3.680 заразени лица воопшто не беа лекувани во болница. Од тогаш донесен е нов закон со кој Владата може да спроведе изолација и хоспитализација. Романскиот министер за здравство, Нелу Татару предупреди дека нивното пуштање може да доведе до скок на бројот на нови случаи. Властите лица исто така истакнаа дека луѓето не преземале хигиенски мерки и не одржувале растојание, а не ја почитувале ниту наредбата да носат маски во јавниот превоз. (МИА)

Албанија ќе воведува задолжително носење заштитна маска и парични казни за неносење

Магдалена Андонова — Fri, 10 Jul 2020 11:52:27 +0000

По зголемиот тренд на новозраени со Ковид-19,кој во последното деноноќие забележа највисок број досега или 90 и масовното непотување на мерката, албанските власти размислуваат за воведување парична казна за оние кои не ја почитуваат мерката за носење заштитна маска. Првиот човек на Службата за микробиологија при унивезитетската клника во Тирана, Анди Корачи, вели дека Комитетот на експерти за справување со пандемјата веќе предложил и оти само прашање на днот е кога Владата ќе го прифати овој предлог. -Се предлага носењето заштина маска да биде задолжително, главно во затворени простории или на отворено каде не се почитува физика дистанца од над два метри. Во многу земји носењето маска е задолжително и непочитувањето се казнува,што прдонесеува во ублажувањ на сосотјбата, вели Корачи,за Ора њуз. Според надлежните, градските пазари се најопасните места за ширење на заразата. Во последното деноноќие во Албанија регистрани се 90 нови случаи на заразени со Ковид-19,што е највисока бројка до сега,со што вкупната бројка изнесува 3.278 лица,меѓу нв 110 деца. Во списокот на оздравени се впишани 1.875 а починале 85.Активни на болеста се 1.318 .Се зголемува бројот на оние кои треба болнички да се третираат, поради што се размислува за отворање на нова болница. (МИА)

Носењето маска во Белгија нема да биде задолжително

Магдалена Андонова — Wed, 24 Jun 2020 14:07:34 +0000

Националниот совет за безбедност на Белгија одлучи дополнително олабавување на рестрикциите поврзани за здравствената криза, но власта потсетува дека непочитувањето на основните мерки може да доведе до повторно воведување на старите правила, јави дописничката на МИА од Брисел. Носењето на маска нема да биде задолжително и покрај препораките на дел од експертите, иако секоја компанија или установа може да бара задолжителна маска, таков е веќе случајот со некои супермаркети и настани. Се отвораат и базените, теретаните, театрите, парковите, кино салите, и салите за приеми, но не се дозволува присуство на повеќе од 50 лица, задолжително е почитување на здравствените протоколи, одржување дистанца и се препорачува носење на маска. Дискотеките и масовните собири остануваат забранети, а власта вети поддршка за овој сектор. Културата, која е една од најтешко погодените области, ќе може да прима публика од 1 јули под услов да се почитуваат протоколите. Бројот на присутни не смее да надмине 200 во затворен простор, и 400 на отворено. Се отвораат и пазарите. Конечно, националниот белгиски празник, што се одржува на 21 јули, оваа година ќе им биде посветен на жртвите на коронавирусот, а традиционалната воена парада пред кралската палата е откажана, и ќе биде заменета со уметнички настапи на повеќе локации ширум земјата. (МИА)