носорог – Kurir.mk

Останаа без “старата дама“: Берлинската зоолошка тагува по смртта на најстариот носорог на светот

Ивана Ефремовски — Thu, 22 Oct 2020 15:44:39 +0000

Најстариот црн носорог на светот угина на 46 години во Зоолошката градина во Берлин, од каде што се простуваат од „старата дама“, за која велат дека имала долг и исполнет живот. Килагуни, чиј заштитен знак беше исклучително изразен рог, пристигна во Берлин на 19 октомври 1975 и зад себе остава две ќерки од 18 и 25 години, како и два внука, Маиша и Карл, кои имаат две години. Староста веќе неколку години ѝ причинуваше големи проблеми на Килагуни и откако таа веќе некое време не можеше сама да стане, зоолошката градина по консултации со експерти донесе одлука да ја успие. „Одговорно грижење за животни исто така значи тие да се поштедат од непотребно страдање, колку и да е тешка таа одлука. Со своите 46 години, таа веќе достигна завидна старост. Таа беше најстариот црн носорог на светот“, изјави директорот на зоолошката, Андреас Книрим. Во дивина, црните носорози ретко живеат повеќе од 30 години. Нивниот број денес е значително намален поради незаконски лов.

Хонг Конг: Запленети 40 кг рогови од носорог вредни еден милион долари

Предраг Кукиќ — Fri, 15 Feb 2019 11:51:27 +0000

Властите во Хонг Конг запленија 40 килограми рогови од носорог, чија вредност е проценета на еден милион долари. При акцијата се притворени шверцерите на роговите. Виетнам и Кина се главните илегални пазари за препродажба на рогови од носорог. Постои верување дека рогот лекува некои болести ако се земе во облик на прав, иако нема медицински докази дека има лековита вредност. Сите видови носорози се заштитени со закон, а денес во дивина и заточеништво живеат околу 29.000 примероци од ова животно.

Хит видео: Вработените во зоолошката му украсиле новогодишна елка на носорогот, а за само неколку секунди се случило пресврт

Дарко Андоновски — Fri, 29 Dec 2017 15:22:00 +0000

Станува збор за носорог кој во својот дом во зоолошката градина во Берлин вработените чувари го изненадиле со украсена елка. Поставената елка украсена со новогодишни лампиони за само неколку секунди заврши во неговата уста, погледнете.