Нотингем Форест – Kurir.mk

Фудбалер суспендиран и казнет поради обложување, правилата ги прекршил 375 пати

Ивана Ефремовски — Thu, 14 Sep 2023 15:44:19 +0000

Дефанзивецот на премиерлигашот Нотингем Форест, Хари Тофоло (26) е суспендиран на период од пет месеци и парично казнет со 20.956 фунти поради кршење на правилата за обложување во англискиот фудбал, објави Фудбалската федерација на Англија (ФА). Англискиот фудбалер вкупно 375 пати од јануари 2014 до март 2017 година ги прекршил правилата на ФА кои им забрануваат на играчите обложување или проследување информации кои би можеле да се користат при обложување. Тофоло во тој период беше под договор со Норич, а настапуваше како позајмен фудбалер за Свиндон, Ротерам, Питерборо и Сканторп. На Нотингем Форест му се приклучи во јули лани и оттогаш одигра 21 натпревари за премиерлигашот. (МИА)

Навас продолжува во Нотингем Форест

Тале Кристо — Wed, 01 Feb 2023 16:26:50 +0000

Костариканскиот репрезентативен голман Кејлор Навас до крајот на сезоната ќе го носи дресот на премиерлигашот Нотингем Форест, откако на последниот ден од јануарскиот преоден рок беше позајмен од францускиот првак ПСЖ. Навас (36), кој во текот на кариерата со Реал Мадрид освои три последователни титули во Лигата на шампиони, е еден од тројцата нови играчи во редовите на англискиот прволигаш кои пристигнаа на самиот крај на преодниот рок. Покрај Навас, на Форест му се приклучија и Џонџо Шелви од Њукасл и Фелипе од Атлетико Мадрид. Во својата прва премиерлигашка сезона по долга пауза, Нотингем Форест во моментов е на 13 место на табелата со 21 бодови, пет над зоната за испаѓање.

Кејлор Навас се пресели во Премиер Лигата

Бошко Тасиќ — Wed, 01 Feb 2023 05:59:42 +0000

Нотингем форест го ангажираше Кејлор Навас кој доаѓа како позајмица од ПСЖ до крајот на сезоната. Овој 36-годишен голман има огромно искуство на меѓународната сцена, со голем број на титули освоени со Реал Мадрид и ПСЖ. За првпат во неговата кариера ќе игра во Премиер лигата каде што моментно по 20 кола составот на Стив Купер е на 13 место со 21 бод. Во последниот ден од зимскиот преоден рок Нотингем форест ги доведе и Џорџо Шелви, досегашниот играч од средниот ред на Њукасл и одбранбениот фудбалер Фелипе кој доаѓа од Атлетико Мадрид.

Данило во Нотингем форест, Дуран во Астон Вила

Ивана Ефремовски — Tue, 17 Jan 2023 15:39:11 +0000

Англиските фудбалски прволигаши, Нотингем форест и Астон вила, ги засилија своите редови за продолжението на сезоната во Премиер лигата со играчи од Јужна Америка. Нотингем Форест го донесе во своите редови 21-годишниот бразилски дефанзивец Данило, додека Астон вила се засили со 19 – годишниот колумбиски напаѓач Џон Дуран. Форест со Данило потпиша договор на шест и пол години и за неговите услуги на бразилскиот прволигаш Палмеирас му плати обесштетување од 20 милиони евра. Дуран се пресели во Вила од редовите на американскиот клуб Чикаго во кој мина една година и постигна осум голови на 27 натпревари. За комплетирање на трансферот ќе се почека Дуран да добие работна дозвола. (МИА)

Нотингем Форест нов англиски рекордер според бројот на засилувања

Тале Кристо — Fri, 02 Sep 2022 17:03:20 +0000

Повратникот во Премиер лигата, Нотингем Форест, донесе во летниот преоден рок 21 фудбалери и со тоа го урна англискиот рекорд според бројот на засилувања. Досегашниот рекорд го држеше Кристал Палас, кој во летото 2013 година донесе во своите редови 17 фудбалери. Нотингем Форест овој преоден рок потроши 150 милиони фунти на нови фудбалери. Најскапото засилување е играчот за врска Морган Гибс – Вајт за кого платија 25 милиони фунти, што е клупски рекорд.

Нотингем Форест го донесе 18. засилување ова лето

Тале Кристо — Mon, 29 Aug 2022 18:28:06 +0000

Англискиот фудбалски прволигаш Нотингем Форест објави денеска дека го довел на едногодишна позајмица во своите редови бразилскиот лев бек од Атлетико Мадрид, Ренан Лоди. Бразилскиот дефанзивец, кој го носеше дресот на мадридски Атлетико од 2019 година, е 18. засилување на новиот премиерлигаш во летниот преоден рок. Лоди за Атлетико одигра 118 натпревари и беше еден од клучните играчи во освојувањето на шпанската титула во сезоната 2020/21. Британските медиуми објавија дека Форест за услугите на Лоди ќе му плати обесштетување во износ од пет милиони евра, а договорот има клаузула според која англискиот клуб може да го откупи бразилскиот репрезентативец на крајот на сезоната за 30 милиони евра.

Нотингем Форест го бара Дефо

Ристе Здравков — Wed, 29 Aug 2018 12:31:18 +0000

Напаѓачот на Борнмут Џермејн Дефо може да ја продолжи кариерата во Нотингем Форест, објави „Дејли Мирор“. Според весникот, тренерот на клубот од Чемпионшип Дивизија, Аитор Каранка, сака во тимот да го има поранешниот англиски репрезентативец. 35-годишниот Дефо во својата богата кариера има настапувано и за Вест Хем, Тотенхем, Портсмут, Сандерленд и Торонто. Во Борнмут, тој се преселил во 2017 година. За националниот тим на Англија, Дефо има одиграно 57 натпревари и постигнато 20 голови.

Каранка нов менаџер на Нотингем

Александар Михаилов — Tue, 09 Jan 2018 08:45:52 +0000

Двократниот европски шампион Нотингем Форест, кој го елиминира Арсенал во третиот круг од Купот на Англија, за нов менаџер го назначи Шпанецот Аитор Каранка де ла Хоз. Нотингем кој се натпреварува во Чемпионшип дивизијата, сензационално го елиминира Арсенал од купот со 4:2 во неделата, а во овој натпревар тимот беше воден од привремениот менаџер Гери Бразил. Каранка, поранешен фудбалер на Реал Мадрид и Атлетик Билбао, последен пат беше на чело на Мидлзборо, но беше ослободен минатата сезона, откако тимот испадна од елитата.