нов филм – Kurir.mk

Нетфликс ветува по еден нов филм секоја седмица

Тале Кристо — Wed, 13 Jan 2021 09:04:43 +0000

Стрим-платформата Нетфликс се заложи дека ќе објавува најмалку по еден нов филм секоја недела оваа 2021 година. „Нетфликс секоја недела ќе ви претставува нов филм во кој ќе глумат некои од најголемите филмски sвезди. Најмалку 70 нови наслови ќе се појават оваа година“, се вели во соопштението на компанијата на нивната интернет-страница. Меѓу sвездите кои ќе се појават во најавените нови филмови се Леонардо ди Каприо, Двејн Џонсон, Зендеја, Идрис Елба, Гал Гадот, Рајан Рејнолдс, Мерил Стрип и други.

Бетмен нема да ги убива непријателите

Тале Кристо — Wed, 18 Nov 2020 08:18:50 +0000

Во новиот филм, Бетмен нема да ги убива своите непријатели. Како што пренесува порталот „We Got This Closed“, таква одлука донел режисерот на наредниот филм за суперхеројот – Мет Ривс. Така, главниот лик во филмот не би учествувал во смртта на други ликови. Режисерот верува оти на овој начин подобро би ги отсликал основните вредности на Бетмен. Главниот лик овојпат го глуми британскиот глумец Роберт Патинсон. И во оригиналните стрипови на „Дигитал комикс“ стриповите, овој суперхерој им се спротивставува на убиствата и избегнува употреба на оружје. Прикажувањето на новиот филм е закажано за 4 март 2022 година. Во него ќе глумат и Колин Фарел, Пол Дејно, Зои Кравиц, Енди Серкис и други познати глумци. Режисерот на „Бетмен против Супермен: Зора на правдата“ – Зек Снајдер лани беше критикуван за убиството на Бетмен во неговиот филм.

Хју Џекман ќе го игра Енцо Ферари во филмот за основачот на италијанскиот гигант

Магдалена Андонова — Tue, 23 Jun 2020 13:50:54 +0000

Хју Џекман ќе ја игра улогата на Енцо Ферари во новиот филм на Мајкл Ман, едноставно наречен „Ферари“. Џекман (51) ќе има тешка задача да ја долови животната приказна на основачот на емблематичната автомобилска компанија од Италија. Мајкл Ман го преработил сценариото за филмот, напишано од Трој Кенеди Мартин, и фабулата ја изградил врз книгата „Енцо Ферари: Човекот и машината“. Овој свој најнов проект Ман пред дистрибутерите ќе го претстави на виртуалниот пазар во Кан, а филмот е планиран да почне да се снима следната пролет. „Ферари” ќе го раскажува летото 1957 година, кога компанијата на Енцо била исправена пред банкрот и неговиот брак со сопругата Лора му бил на работ од пропаст. Ман со години назанад сака да работи на овој проект. Тој исто така ќе создаде флота од копии на тркачките автомобили од епохата на времето за кое филмот ќе раскажува. (МИА)

Деталите за новиот Бонд филм ќе бидат откриени денеска

Дарко Андоновски — Thu, 25 Apr 2019 07:07:51 +0000

Местото на снимање и глумците во најновиот, 25-ти филм за Џејмс Бонд, ќе бидат објавени денеска на официјално претставување во пресрет на почетокот на снимањето. Досега, малку се знае за новото остварување на режисерот Кери Јоџи Фукунага, но во пренос во живо на повеќе социјални мрежи, денеска филмската екипа ќе ги открие сите подробности. Гласините говорат дека главната улога на 007 агентот за последен петти пат му припаднала на Дениел Крејг. Тој го глумеше Џејмс Бонд и во „Казино Ројал”, „Зрно Утеха”, „Операција Скајфол” и „Спектар”. За Рами Малек пак, ѕвездата од „Боемска Рапсодија” се говори дека ќе го глуми главниот негативец. Снимањето на филмот би требало да почне веќе кон крајот на овој месец.

ФОТО: Свршеницата на Омер го промовираше новиот филм, но кога тој сè појави засени се пред себе

Дарко Андоновски — Wed, 10 Jan 2018 10:56:23 +0000

По премиерата на филмот „Време за среќа“, турскиот актер Бариш Ардуч најпосле има време за себе, па и време за својата сакана. Имено, неговата свршеница, актерката Гупсе Озај сега е на ред да го промовира продолжението на серијата „Делиха 2“ кое деновиве беше објавено во Турција. Како што е редот, на премиерата се појавија доста обожаватели на комедијата и ликот на Озај, а меѓу присутните се појави и Бариш, па целосто внимание наместо кон Гупсе, се насочи кон него. Социјалните мрежи се полни со фотографии од случувањето, а Бариш како и секогаш – убав, згоден, дотеран, маркантен и едноставно неодолив. Инаку, во првиот дел на серијата „Делиха“, Гупсе и Бариш играа заедно, но сега за второто продолжение на негово место дојде друг колега бидејќи тој мораше да го снима „Време за среќа“ со Елчин Сангу или попозната како Дефне.