нов играч – Kurir.mk

Осимен стана играч на Наполи

Дарко Андоновски — Fri, 31 Jul 2020 17:04:15 +0000

Напаѓачот на Лил, Виктор Осимен се пресели во Наполи, објавено е на веб-страницата на клубот од Неапол. Според извештаите на италијанските медиуми, се верува дека 21-годишниот Нигериец потпишал договор до 2025 година со плата од 4,5 милиони евра годишно плус бонуси. Беше објавено дека „Лил“ ќе добие 50 милиони евра за напаѓачот, плус 10 милиони бонуси. Во сезоната 2019/20, Осимен одигра 38 натпревари за Лил, постигна 18 голови и шест асистенции.

Готово е: Врсаљко е нов фудбалер на Интер

Дарко Андоновски — Tue, 31 Jul 2018 07:10:19 +0000

Хрватскиот репрезентативец и фудбалер на Атлетико Мадрид веќе денес се очекува да биде претставен како нов фудбалер на милански Интер.

Италијанските медиуми потврдија дека е постигнат договор помеѓу Атлетико Мадрид и Интер според кој хрватскиот десен бек на „Џузепе Меаца“ ќе пристигне на едногодишна позајмица со право на откуп на неговиот договор по крајот на идната сезона. Интер за услугите на Врсаљко ќе плати 6,5 милиони евра, а по крајот на оваа сезона италијанскиот клуб ќе може да го откупи фудбалерот целосно од Атлетико Мадрид за 17,5 милиони евра. Тренерот на Атлетико Мадрид, Диего Симеоне се обиде до последен момент да го задржи Хрватот во својата екипа, меѓутоа тој бил одлучен во намерата да се пресели во Интер и да заигра заедно со своите колеги од хрватската репрезентација – Иван Перишиќ и Марсело Брозовиќ.

Велковски е нов играч на Ријека

Дарко Андоновски — Tue, 22 May 2018 15:32:17 +0000

Дарко Велковски е нов играч на фудбалскиот клуб Ријека. Велковски потпиша договор за три години со можност за продолжување за уште една година, а во Хрватска доаѓа од редовите на Вардар. Тој е и поранешен фудбалер на Работнички, а со двата тима го има освоено македонскиот шампионат. - Градот е убав, луѓето се одлични, сите се насмеани. Стефан Ристовски ми кажа сѐ најдобро за Ријека, за клубот и навивачите. Исто така, ги знам Жута и Ристовски. Се надевам дека ќе ги оправдаме нашите очекувања и ќе освоиме трофеи во Ријека, изјави Велковски по потпишувањето на договорот, цитиран од клубот. Тој се заблагодари за дадената шанса во тимот од Хрватска и изрази надеж дека ќе се вклопи во системот на тренерот и дека ќе напредува.