Нов Јужен Велс – Kurir.mk

Рекорден број новозаболени во Нов Јужен Велс

Ивона Петрова — Fri, 03 Sep 2021 05:50:22 +0000

Австралиската држава Нов Јужен Велс денеска регистрираше рекорден број на инфекции со коронавирус и смртни случаи од Ковид-19 во еден ден, јави ДПА. Во изминатите 24 часа се регистрирани се 1.414 нови локални случаи на инфекција и еден од странство. Има 12 нови смртни случаи. Ова е најлоша статистика за 24 часа во Нов Јужен Велс од почетокот на пандемијата на коронавирусот.

Поради Ковид-19, се затвора границата меѓу двете најнаселени австралиски држави

Ивона Петрова — Mon, 06 Jul 2020 06:42:23 +0000

Границата помеѓу двете најнаселени австралиски држави, Викторија и Нов Јужен Велс, од денеска ќе биде затворена, со цел да се спречи ширењето на Ковид-19, изјави премиерот на Викторија, Даниел Ендрус. Ова е првпат во последните 100 години да се затвори границата – последен пат кога се случи тоа беше во 1919 година, за време на епидемијата на шпанската треска. Бројот на луѓе заразени со коронавирус се зголеми во последните денови во Мелбурн, главниот град Викторија, поради што властите препрачаа строго дистанцирање во 30 предградија и наредија девет висококатници да бидат во целосен карантин. Затворањето на границата меѓу двете земји ќе започне во вторник во 11.59 часот по локално време. Инаку, Викторија, која граничи со Јужна Австралија, претходно ја затвори таа граница.

Вонредна состојба во Нов Јужен Велс поради жештини и пожари

Ивона Петрова — Thu, 19 Dec 2019 08:46:39 +0000

Во Нов Јужен Велс, југоисточна Австралија, денеска е прогласена седумдневна вонредна состојба поради рекордно високите температури кои предизвикаа околу сто пожари. Околу 2.000 пожарникари се обидуваат да ги изгасат пожарите од кои половина се ставени под контрола со поддршка на американски и канадски тимови и припадници на австралиските сили за одбрана. Претходно, во средината на ноември, исто така беше прогласена вонредна состојба. Во пожарите досега настрадаа пет лица, изгореа повеќе од 680 куќи и речиси 1,2 милиони хектари шума. Вчера беше најтоплиот ден во Австралија откако се води статистика. Просечните температури во земјата беа 40,9 степени Целзиусови. Се очекува денеска да биде соборен и овој рекорд. Топлотниот бран што ја зафати Австралија и густиот чад од пожарите над населените подрачја иницираа бројни здравствени предупредувања, особено за оние кои имаат респираторни проблеми. – Луѓето треба сериозно да ги сфатат тие услови и да направат се што можат за да се заштитат од жештините, рече Ричард Брум, директор за заштита на животната средина во нов Јужен Велс.