Албанската полиција нов кластер на Ковид-19

Тале Кристо — Fri, 20 Nov 2020 13:42:26 +0000

Албанската полиција станува ново жариште на Ковид-19, во чии редови само во последните 24 часа се заразени 16 полициски службеници, јави Ора њуз телевизија. Меѓу новодијагностицирани е директорот на државната полиција Арди Велиу, кој веста за позитивниот резултат на тестот ја објави лично. Во негово отсуство со државната полиција ќе раководи неговиот заменик, Алберт Дервишај. Дека е позитивен денеска потврди и Арди Бита, портпарол на министерот за внатрешни работи. Претходно позитивен беше портпаролот на државната полиција Гентиан Мулаи, кој денеска објави дека ја добил битката со опасниот вирус, наведува телевизијата. Според телевизијата моментно 317 полициски службеници се заразени со Ковид-19 од нив петмина се хоспитализирани. Од почетокот на пандемијата опасниот вирус е дијагностициран кај 699 полициски службеници, при што 10 од нив починале. Албанските медиуми, во очекување на официјалните податоци за состојбата во последните 24 часа, јавуваат за поголем број починати, меѓу нив и 16-месечно бебе, кое во последните два дена било интубирано.

Новите 280 илјади платежни картички што ги планира владата, од кои 180 илјади наменети за пензионерите, ќе отворат нови кластери на заразени пред банките

Дарко Андоновски — Thu, 22 Oct 2020 08:18:41 +0000

Владата во четвртиот сет мерки планира да подели уште околу 280 илјади платежни картички, како за социјално-ранливите групи така и за 180 илјади пензионери кои земаат пензија под 15 илјади денари. Тоа ќе значи дополнителни гужви пред банките, со часови чекање пред вратите кој со маска кој без маска и на недоволно растојание еден од друг. Граѓаните подучени од претходното искуство со државните картички кои се делеа по банките во текот на месец јули годинава, велат дека овој пат со плус 180 илјади пензионери ситуацијата ќе биде хаос. Тие велат Министерството за здравство слободно да отвори нов кластер на заразени од корона вирус и нека го нарече „Платежни картички”. На ова предупреди и професорот и член на ИК на ВМРО-ДПМНЕ Трајко Славески кој за медиум изјави дека сега во услови кога во државата има уште поголема корона криза, со платежните картички кои ќе се доделуваат во банките граѓаните ќе се доведат во опасност да бидат заразени од Ковид-19. На проблеми околу подигањето на претходните картички се жалеа жители на Тетово и Куманово кои на министерот за здравство Венко Филипче тогаш му испратија и фотографии на кои се гледа дека метежот во Тетово и Куманово бил поголем отколку во Скопје. Граѓаните очекуваат иста ситуација и овој пат, кога ќе се поделат новите државни картички.

нов кластер – Kurir.mk

Албанската полиција нов кластер на Ковид-19

Новите 280 илјади платежни картички што ги планира владата, од кои 180 илјади наменети за пензионерите, ќе отворат нови кластери на заразени пред банките