Новиот корона вирус пристигна и во Србија

Тале Кристо — Sun, 24 Jan 2021 11:47:58 +0000

Претседателот на Србија, Александар Вучиќ, денеска изјави дека новиот вид на коронавирус, кој првпат се појави во Велика Британија, „пристигнал во Србија“, за што бил известен министерот за здравство, Златибор Лончар. – Патничка од Лондон, која беше негативна на PCR-тестот, го донесе тој вид, нејзиниот сопруг имаше сериозни симптоми, истакна Вучиќ за ТВ Прва и додаде дека ги испитале сите контакти на таа жена и се обиделе да ги изолираат. – Ги следевме сите контакти, ги изолиравме и денеска можеме со надеж да кажеме дека ќе го спречиме, ако тоа ни се случи, ќе ни биде пекол, кажа Вучиќ, додавајќи дека вирусот е откриен на институтот Торлак. Претседателот на Србија, Александар Вучиќ, во интервјуто рече дека очекува денеска да бидат вакцинирани до 50.000 лица, како и дека Србија веќе утре би можела да биде трета држава во Европа според бројот на вакцинирани на 100.000 жители. Според министерката за труд, Дарија Кисиќ Тепавќевиќ, во Србија денеска продолжува масовната вакцинација и досега се вакцинирани над 172.000 лица.

Веран: Можно е новиот коронавирус да циркулира низ Франција

Тале Кристо — Mon, 21 Dec 2020 09:58:38 +0000

Францускиот министер за здравство, Оливие Веран, денеска изјави дека е можно во земјата да циркулира новиот вид на коронавирус, иако последните тестови не го утврдија неговото присуство. -Сосема е можно вирусот да е во Франција, изјави Веран за радиото „Европа 1“. Новиот вид на коронавирус, откриен во Лондон и југоисточна Англија, најверојатно е за околу 70 проценти позаразен, заради што Британците воведоа уште построги ограничувачки мерки и добија забрани да одат во многу земји, особено во европските, или по воздушен пат или по копно, додаваат британските медиуми.

нов коронавирус – Kurir.mk

Новиот корона вирус пристигна и во Србија

Веран: Можно е новиот коронавирус да циркулира низ Франција