ВНИМАВАЈТЕ: Утре центарот на Скопје блокирано поради протест

Дарко Андоновски — Thu, 31 Oct 2019 15:38:46 +0000

На 01.11.2019 (петок) со почеток во 13,00 часот е најавен протестен марш, кој ќе започне од паркот во Чаир, продолжува право по улицата „Христијан Тодоровски Карпош“, право по улицата „Цветан Димов“, десно по булеварот „Гоце Делчев“, лево по улицата „Филип Втори“, десно по улицата „11-ти Октомври“ до пред Собрание на Р. Северна Македонија. Од тие причини Одделението за безбедност на патниот сообраќај во наведениот период ќе преземе мерки за посебен режим на сообраќајот при што сообраќајот ќе се пренасочува по околните сообраќајници.МВР апелира до граѓаните да ги почитуваат наредбите што ги издаваат полициските службеници по сообраќајниците по кои ќе се одвива настанот.

Промоција на новиот портал за отворени податоци на МИОА

Ивона Петрова — Mon, 24 Dec 2018 06:32:53 +0000

Во Владата денеска ќе биде промовиран новиот портал за отворени податоци што го изработи Министерството за информатичко општество и администрација (МИОА). Порталот, како што наведува владината прес-служба, е изготвен согласно заложбите за транспарентност во работењето на сите институции. На промоцијата ќе се обратат министерот за информатичко општество и администрација Дамјан Манчевски, министерот без ресор задолжен за комуникации, транспарентност и отчетност Роберт Поповски, амбасадорката на Велика Британија Рејчел Галовеј, Љупчо Вангелски од Стопанска комора за информатички и комуникациски технологии и Неда Малеска од Центарот за управување со промени. Покрај промоцијата на порталот и податочните сетови објавени од институциите, на настанот ќе се претстават и придобивките од отворањето на податоците за граѓаните, бизнис заедницата, медиумите и граѓанскиот сектор. МИА

нов портал – Kurir.mk

ВНИМАВАЈТЕ: Утре центарот на Скопје блокирано поради протест

Промоција на новиот портал за отворени податоци на МИОА