нов рекорд – Kurir.mk

Феникс постави клупски рекорд

Дарко Андоновски — Wed, 06 Apr 2022 08:11:47 +0000

Тимот на Феникс санс утрово ги совлада Лос Анџелес лејкерс со 121:110 во натпреварот од регуларната сезона во НБА. Санс ја забележаа 63. победа и поставија клупскиот рекорд за најмногу победи во основниот дел од сезоната. Феникс го обезбеди првото место во западната конференција со 63 победи и 16 порази. Рекордната победа на Феникс ги лиши Лејкерси од шансите за влез во плеј-ин. Тимот од Лос Анџелес нема да може да се искачи над 11. место на табелата на Западната конференција.

Нов рекорд и историско достигнување за Кристијано Роналдо

Тале Кристо — Wed, 03 Mar 2021 07:50:17 +0000

Фудбалерот на Јувентус, Кристијано Роналдо постигна гол синоќа на натпреварот од 25. коло на италијанскиот шампионат против Специја (3:0). За него, овој погодок беше 20-ти сезонава во Серија А. Триесет и шестгодишниот Португалец стана првиот играч во историјата на фудбалот кој постигнал најмалку 20 гола во националната лига во 12 последователни сезони. Претходно, Роналдо играше за Реал Мадрид, Манчестер јунајтед и Спортинг Лисабон.

Во САД нов рекорд во бројот на хоспитализации

Дарко Андоновски — Tue, 22 Dec 2020 07:31:28 +0000

Во САД се хоспитализирани 115.351 пациент со коронавирус, што е нов рекорд од почетокот на пандемијата. Тоа е дваесетти ден како САД имаат над 100.000 хоспитализирани пациенти со Ковид-19, пренесува Си-ен-ен. САД се земја која е најпогодена од пандемијата на коронавирусот и во однос на бројот на заразени и според бројот на смртни случаи. Од почетокот на пандемијата се потврдени 18.006.061 случаи на коронавирус, а најмалку 320.000 луѓе починале како резултат на Ковид-19, соопшти Универзитетот Џон Хопкинс.

Нов рекорд на Филипините: 5.032 нови случаи на коронавирусот

Магдалена Андонова — Sun, 02 Aug 2020 10:21:29 +0000

На Филипините се регистрирана 5.032 нови случаи на коронавирус, што е најголемо дневно зголемување на бројот на заразени лица во земјата, со што вкупниот број на потврдени случаи на Ковид-19 се искачи на 103.185. Министерството за здравство исто така објави дека бројот на жртвите од Ковид-19 се зголемил за 20, на 2.059. Портпаролот на претседателот на Филипините, Родриго Дутерте, изјави дека Дутерте денеска треба да се сретне со клучни членови на Владата за да го разгледаат повикот на здравствените работници од „првата борбена линија“ за борба против пандемијата со повторно воведување построги мерки за карантин во главниот град Манила. (МИА)

Солскјер и Јунајтед со нов рекорд

Тале Кристо — Fri, 10 Jul 2020 07:05:53 +0000

Не толку одамна, Манчестер Јунајтед беше на „работ“ и беше прашање на денови кога клубот целосно ќе се распадне. Заминувањето на Сер Алекс Фергусон остави огромна дупка, тренери се менуваа, но никој не успеа да постигне баланс. Се чинеше дека слична судбина го очекува и Оле Гунар Солскјер, но… Норвежанецот, кој е фудбалска легенда на клубот, на пат е да го постигне тоа и како менаџер. По почетниот период на адаптација и создавање на сопствената филозофија, се чини дека Солскјер успеа да го најде вистинскиот рецепт. Од почетокот на календарската година, Јунајтед е еден од најдобрите тимови во Европа, а сезоната ја завршува во одличен стил. Неодамнешните игри го вклучија Солскјер во редовите на елитните тренери, бидејќи тој стана првиот менаџер во историјата на Премиер лигата кој остварил четири победи во низа со разлика од повеќе од три гола. До крајот на сезоната остануваат уште четири кола, Јунајтед е петти на табелата со 58 бода и има шанса да се бори за место кое води во Лигата на шампионите.

Најстариот нуркач на светот Реј Вули (96) повторно собори рекорд

Дарко Андоновски — Sat, 31 Aug 2019 13:30:44 +0000

Британскиот ветеран од Втора светска војна Реј Вули, кој има 96 години, тврди дека го собори сопствениот светски рекорд како најстар нуркач, нуркајќи во близина на остатоците на траектот Зеноби кај јужниот брег на Кипар. Вули нуркаше 48 минути на длабочина од 42,4 метри. Тој истакна дека сака да нурка се додека не наполни 100 години. Тракетот Зеноби, кој превезуваше 108 камиони се преврти и потона во близина на Ларнака во 1980 година. Траектот е оценет како еден од петте најдобри остатоци на светот за нуркуње.