КОД: Нов огромен скандал го тресе МВР – припадници од министерството шпиунирале во странски земји? (ВИДЕО)

Тале Кристо — Sun, 15 Dec 2019 21:48:16 +0000

Нов неверојатен скандал кој го открива емисијата Код на Снежана Лупевска ги тресе Владата и МВР. Оперативци на МВР вршеле шпионски акции во странство за потреби на странска држава. Аферата со шпионски камперски возила на УБК може да има далекусежни последици во македонските евроинтеграции. Кoд дознава дека повеќе припадници на МВР биле во тајна мисија во странски земји. Нивна задача се до пред неколку месеци била со лажен идентитет и со помош на специјална техника да шпионираат надвор од границите на службата и државата – во земји членки на Европската Унија или НАТО. Задачата им била следење, снимање, собирање податоци за лица. Во извештајот на служби на МВР според извор на КОД стои и дека се користени возила со уреди за следење за кои биле користени камп возила со светла боја и скопски таблички но таблиците биле фалсификат. Но сето ова тајните агенти не го вршеле за македонската тајна служба – матичната УБК, туку за служба пријателска на петтата управа со која има долгогодишна соработка. Код вечерва ќе открие што крие одземеното досие од претресот кај Фросина Ременски осомничена во случајот Рекет?

Нов скандал: Фирмата на Вице која гради згради во Струмица, пред две недели добила концесија за руда од владата на Зоран Заев, Заев фатен во лага

Дарко Андоновски — Fri, 11 May 2018 13:05:02 +0000

Веќе е познато дека фирмата „Тотал Инжинеринг“ во сопственост на братот на премиерот Зоран Заев – Вице Заев прави бизнис тежок 4,5 милиони евра по принципот купи-продај земјиште во Струмичката касарна на кое сега градат згради, истата оваа фирма сега добива уште еден вносен бизнис од државата, ова на денешната прес конференција го потенцираше Игор Јанушев од ВМРО-ДПМНЕ. -Имено фирмата „Тотал Инжинеринг“, во сопственост на Вице Заев пред само две недели, или поточно на 24 април добила концесија за експлотација на минерални суровини на локација во село Дукатино, општина Василево. Оваа концесија ја добива од Владата на Зоран Заев. Значи повторно Заев му дава бизнис на Заев и на тој начин ја шират бизнис империјата како канцер во македонската економија. За да не биде до толку очигледно во јавноста, одлуката со која избира фирмата, во име на владата ја потпишува Оливер Спасовски како потпретседател. За оваа точка, ниту владата информираше, ниту ја објави во јавност, вели Јанушев. Тој додава дека ова е одлуката на Владата на Зоран Заев донесена на 24 април 2018 година, а објавена на страна 29 во Службен весник на Република Македонија бр.78 на 2 мај. -За да скандалот биде уште поголем Зоран Заев повторно е фатен во лага. Имено кога фирмата на неговиот брат Вице Заев, „Тотал Инжинеринг“ се доведе во корелација со скандалот каде има сомнеж за превоз на јаглен во РЕК Битола, тогаш Заев изјави дека камионите и механизацијата која припаѓа на истата таа фирма донеле одлука да ја продадат. ИСТИОТ ДЕН кога го кажа ова, во Службен Весник е објавено дека фирмата „Тотал Инженеринг“ добила концесија за ископ на глина. Премиерот Заев е повторно фатен во лага!, истакнува Јанушев. Тој вели и дека како може да ги продале камионите и механизацијата, а истиот тој ден која ја дава оваа изјава, фирмата на неговиот брат добива уште еден вносен бизнис за ископ на глина? -Колку милиони евра ќе тежи новиот бизнис кој пред неколку дена го доби „Тотал Инжинеринг“ – директно од владата на Зоран Заев? Уште колку бизниси добиваат Заеви во исто време, додека Зоран Заев е премиер на Република Македонија? Дали обвинителството не гледа во ова сомнеж за криминал и злоупотреба на службената позиција?!?, прашува Јанушев.

нов скандал – Kurir.mk

КОД: Нов огромен скандал го тресе МВР – припадници од министерството шпиунирале во странски земји? (ВИДЕО)

Нов скандал: Фирмата на Вице која гради згради во Струмица, пред две недели добила концесија за руда од владата на Зоран Заев, Заев фатен во лага