нов сопственик – Kurir.mk

Африкански милијардер го купува Шефилд Јунјатед

Дарко Андоновски — Fri, 03 Feb 2023 08:52:40 +0000

По неколку американски, руски, арапски и кинески милијардери, пред вратите на англискиот фудбал сега е и африкански милијардер, откако британските медиуми објавија дека 43-годишниот Нигериец Дозу Мобуси е на чекор од преземање на сопственоста на англискиот второлигаш Шефилд Јунјатед. Според истите извори, нигерискиот милијардер ќе го купи англискиот клуб, кој во моментов е второпласиран во Чемпионшип лигата, за околу 100 милиони евра. Мобуси е роден во Лагос, татко е на три деца, а неговото богатство се проценува на околу седум милијарди евра, Шефилд Јунајтед, кој во моментов е во сопственост на саудиски принц, веќе извесно време е на продажба, а е под суспензија и има забрана за трансфери поради долг кон друг клуб. Минатата година американскиот бизнисмен Хенри Маурис, основач на телевизиската куќа Clear TV, понуди повеќе од 120 милиони евра, меѓутоа зделката пропадна поради сложената финансиска структура која Американецот ја користеше во обидот да го купи клубот од Шефилд. Од вкупно 20 клубови во Премиер лигата, дури 15 се во странски раце, додека од 24 во Чемпионшип лигата, доминантен странски капитал има во 14 од нив.

Челзи официјално има нов сопственик

Дарко Андоновски — Sat, 28 May 2022 11:08:58 +0000

Американски конзорциум на чело со бизнисменот Том Боли официјално ја презеде сопственоста врз англискиот прволигаш Челзи, соопшти денеска лондонскиот клуб. – Фудбалскиот клуб Челзи може да потврди дека синоќа е склучен конечен договор за продажба на клубот на конзорциумот Тод Боли/Клирлејк Капитал (Clearlake Capital). Се очекува трансакцијата да биде комплетирана в понеделник, соопшти Челзи. Американскиот бизнисмен Боли уште на 7 мај го договори купувањето на Челзи за сума од 4,25 милијарди фунти (4,97 милијарди долари) од досегашниот сопственик Роман Абрамович. Челзи беше во сопственост на рускиот олигарх 19 години и за тој период освои вкупно 21 трофеј, вклучувајќи и две титули во Лигата на шампиони.

ГОТОВО Е: Американец нов сопственик на Челзи, „Сините“ продадени за неверојатна сума!

Тале Кристо — Sat, 07 May 2022 08:24:07 +0000

Фудбалскиот клуб Челзи соопшти дека се договорени условите за продажба вредна 4,25 милијарди фунти (5 милијарди евра), на конзорциумот на американскиот бизнисмен Тод Боили. Англискиот фудбалски клуб Челзи ќе биде во рацете на Тод Боили, ко-сопственик на бејзбол тимот Лос Анџелес Доџерс, јавува Би-би-си. Лиценцата на Челзи, која нејзиниот сопственик, рускиот милијардер Роман Абрамович, реши да ја продаде по руската инвазија на Украина и пред воведувањето на британските санкции, истекува на 31 мај. Поради тоа, клубот се соочи со можност да престане со работа доколку не биде продаде или не се обнови лиценцата. Според постигнатиот договор, новите сопственици ќе платат 2,5 милијарди фунти за акциите на клубот, се вели во соопштението, а парите ќе одат на замрзната банкарска сметка за да бидат донирани во хуманитарни цели. Конзорциумот, предводен од американски бизнисмен, ќе обезбеди и 1,75 милијарди фунти за инвестирање во англиската Премиер лига. Во соопштението, Челзи прецизира дека продажбата се очекува да биде завршена до крајот на мај, а за преземање е потребно одобрение од Англиската фудбалска асоцијација и британската влада, пренесе Би-би-си.

Вардар во текот на неделата ќе добие нов сопственик?

Тале Кристо — Sun, 27 Jun 2021 15:37:51 +0000

Македонскиот спортски бренд Вардар во текот на наредната седмица би требало да добие нов сопственик, пишува „Фокус“. Според нашите информации, работите за официјализирање на договорот се во напредна фаза и се очекува кон средината на оваа седмица се да биде официјализирано и соопштено во јавноста. Наводно, долгот од повеќе од два милиони евра на клубот ќе биде подмирен и првична цел на новите луѓе во раководството ќе биде враќање на тимот во Првата лига, откако претходната сезона вардарци испаднаа во второлигашката конкуренција. Извор: Фокус.мк