нов стадион – Kurir.mk

ВИДЕО: Лутите италијански калчолигаши ќе добијат нов дом од 1 милијарда евра

Тале Кристо — Tue, 21 Dec 2021 21:09:56 +0000

Лутите италијански калчолигаши од Милано, Интер и Милан ќе добија нов модерен фудбалски дом, откако во следните десетина дена ќе биде потпишана и проверена целата документација и американските инвеститори ќе добијат дозвола за градба. Новиот стадион ќе почне да се гради по крајот на ЗОИ во 2026 година а ќе биде завршен за почетокот на сезоната 2027/2028. По изградбата на новиот стадион, сегашниот дом на овие два клуба ќе биде срушен.

🚨 #Gazzetta: The project of the new stadium that has been chosen is "Populous" whose design is inspired by the Duomo and the Galleria Vittorio Emanuele II. The games will start in 2027. The 80K spectators of San Siro will be reduced to about 60K/65K.pic.twitter.com/t9WXfgHNNV
— Milan Posts (@MilanPosts) December 21, 2021

Пинда за новиот стадион на Беласица: Градот и Македонија ќе бидат горди на него!

Магдалена Андонова — Fri, 11 Sep 2020 17:50:46 +0000

Славчо Васков - Пинда, сопственикот на ФК Беласица, пред медиумите говореше за новиот планиран проект во Струмица, а тоа е доградба на стадионот „Благој Истатов“ кој според најавите ќе добие супер-модерен лик. Новиот стадион на Беласица ќе остане на старото место, а Пинда вели дека сите ќе бидат горди на новата градба. Истовремено, очекува овој потег да биде мотив за сите спортски работници и сите клубови да почнат со инвестирање во инфрастуктурата. -Станува збор за еден проект кој треба да биде споменик за Струмица. Проектот е така дизајниран и натправен градот да може да се пофали со него. Стадионот ќе биде по сите УЕФА и ФИФА стандарди, во соработка со ФФМ. Ќе биде доградба на започнатиот проект од времето на Ванчо Таковски. Оваа трибина на која го правиме пресот е постоечка и ќе остане во проектираниот план. На стадионот ќе има и други содржини кои ќе може да ги користат граѓаните и сите спортисти, а исто енергетски ќе биде ефикасен и клубот ќе заработува од работите кои се дел од стадионот и ќе може да се одржува. Во координација сме со УЕФА, чекаме да видиме и нивен одговор дали треба нешто да се додаде во проектот. Потоа ќе започнат преговорите со Општина Струмица и Владата на Република Македонија. Со овој проект може да ги поттикнеме клубовите во сите спортови да инвестираат, изјави Пинда. Новиот капацитет на стадионот „Благој Истатов“ ќе биде нешто околу 8.000 гледачи.

Интер и Милан го презентираа проектот за новиот стадион

Тале Кристо — Fri, 08 May 2020 17:42:56 +0000

Миланските фудбалски великани Интер и Милан доставија до градската власт проект за нов стадион проект, соопшти прес-службата на „неро-азурите“. Предлозите се во согласност со 16 услови што градскиот совет ги достави во ноември 2019 година. Проектот вклучува не само нов стадион, туку и иновативна спортска област, достапна 365 дена годишно. Планирано е да се зголеми површината на зелените површини на 106.000 метри квадратни (сега се 56.000). Дел од услугите ќе бидат бесплатни за сите. Милан и Интер го делат стадионот „Сан Сиро“ (Џузепе Меаца). Арената е изградена во 1925 година и беше реконструирана во 1956 и 1989 година.