нов вид – Kurir.mk

Официјален претставник на СЗО за новата варијанта на коронавирусот: Омикрон е многу пренослив, но не паничете

Магдалена Андонова — Fri, 03 Dec 2021 14:04:17 +0000

Главниот научник на Светската здравствена организација Сумја Сваминатан денеска изјави дека новата варијанта на коронавирусот, омикрон е многу пренослива, но дека луѓето не треба да паничат поради тоа. За време на интервјуто за конференцијата Ројтерс Некст, Сваминатан рече дека вистинскиот одговор е да се биде подготвен и внимателен и да не се паничи за новата варијанта. - Колку треба да бидеме загрижени? Мора да бидеме спремни и внимателни, а не да паничиме, бидејќи сме во поинаква ситуација од пред една година - рече Сваминатан. Појавата на новата варијанта не е добредојдена, рече таа, но додаде и дека светот е многу подобро подготвен со оглед на развојот на вакцините од почетокот на пандемијата. Делови од Европа веќе се бореа со бранот делта инфекции. - Мора да почекаме, да се надеваме дека ќе биде поблаго... но рано е да се заклучи за варијантата во целина - истакна Сваминатанова.

Во Белгија нов случај на омикрон кај вакцинирано лице, болниците ги одложуваат операциите

Магдалена Андонова — Wed, 01 Dec 2021 15:33:27 +0000

Во Белгија е идентификуван нов случај на новит вид на коронавирус - омикрон. Станува збор за вакцинирано лице кое немало контакт со првиот идентификуван носител на овој вирус на територијата на Белгија, кој не патувал сам во странство, туку имал контакти со некој што патувал. Лекарите додаваат дека симптомите на инфекцијата кај оваа личност се благи. - Досега имаме два потврдени случаи на омикрон во Белгија. Овие двајца пациенти не се поврзани. Бројот на заразени би можел да достигне 10 во следните неколку часа - изјави микробиологот Емануел Андре, одговорен за белгиската национална лабораторија за ковид-19. Вчера, белгиските национални власти ги повикаа сите болници во Белгија веднаш да ги одложат сите итни третмани за две недели со цел да се ослободат креветите за пациентите со коронавирусот.Се проценува дека до 10 декември над 1.000 пациенти со Ковид ќе бидат на интензивна нега во белгиските болници. За две недели се одложуваат сите итни операции и активности кои користат интензивна нега, класични хоспитализации кои не користат интензивна нега, како и еднодневни хируршки интервенции кои не користат интензивна нега. Спасувачките операции и терапии како хемотерапија, дијализа или неопходна рехабилитација ќе продолжат како и досега. - Извесно е дека приливот на пациенти ќе продолжи и во наредните недели. Тоа повеќе не можеме да го спречиме, а новите мерки ќе имаат ефект дури во наредниот период - предупредуваат белгиските здравствени власти.

Словенски имунолог: Вакцинираните се помалку заштитетени од новата варијанта од прележаните

Магдалена Андонова — Mon, 29 Nov 2021 13:27:48 +0000

Оние кои се вакцинирале против Ковид-19 ќе бидат помалку заштитени од новата омикронска варијанта на коронавирусот отколку оние кои се заразиле и го прележале Ковид, изјави познатиот словенечки имунолог др. Алојза Ихана. Вакцините добиваат главно антитела кои се многу чувствителни на нови варијанти, што значи дека имаат помала отпорност на мутираниот вирус, рече Ихан во понеделникот во интервју за Словенечката телевизија, додавајќи дека за разлика од нив, оние кои биле подложени на некои од претходните варијанти на Ковид-19 го штити и клеточниот имунитет, кој на тој начин се развива во нивното тело. Оние кои се опоравиле од Ковид-19, покрај антителата, развиваат и клеточен имунитет, така што мала е веројатноста дека нивниот имунолошки одговор ќе биде послаб отколку за претходните варијанти, па затоа не мора да бидат толку загрижени за новиот вид, кажа Ихан. Тој додаде дека варијантата омикрон има необична комбинација на промени во структурата на вирусот, што укажува дека тој се развивал во подолг временски период „на имунокомпромитирана личност“. Што се однесува до зголемениот број земји што ги затвораат границите во обид да го спречат воведувањето на нова варијанта омикрон од странство, Ихан рече дека тоа е „рефлексна реакција“ бидејќи реагирала во случај на некои претходни видови, иако во некои случаи тоа било подоцна покажано дека не било потребно. - Дури подоцна ќе можеме да кажеме дали мерките што се преземаат сега биле неопходни или не, но во оваа епидемиолошка ситуација подобро е да се биде внимателен и да се преземат мерки однапред отколку подоцна, рече Ихан. Во Словенија се уште не е откриена нова омикронска варијанта на вирусот, а референтните лаборатории кои ги секвенционираат примероците тврдат дека ќе биде навремено откриено, за да се преземат неопходните мерки. Засега, епидемиолозите препорачуваат сите оние кои ќе почувствуваат слабост и симптоми на инфекција по враќањето од странство веднаш да се јават на лекар и што поскоро да се тестираат.

СЗО: Омикрон претставува висок ризик, мутациите се загрижувачки

Магдалена Андонова — Mon, 29 Nov 2021 09:02:03 +0000

Видот омикрон на коронавирус најверојатно ќе се шири и претставува многу висок глобален ризик, каде што зголемувањето на бројот на заразени со Ковид-19 во некои области може да има тешки последици, соопшти утринава Светската здравствена организација. СЗО ги советуваше земјите-членки да ја забрзаат вакцинацијата на приоритетните групи и да „обезбедат планови за ублажување“ за одржување на основните здравствени услуги. - Омикрон има невиден број на шилести мутации, од кои некои се загрижувачки поради нивното потенцијално влијание врз траекторијата на пандемијата - соопшти СЗО, додавајќи дека севкупниот глобален ризик поврзан со новата варијанта се проценува дека е многу висок. Тие велат дека се потребни повеќе истражувања за подобро да се разбере потенцијалот на омикрон за да се избегне заштита од имунитет предизвикан од вакцини и претходни инфекции и додаваат дека се очекуваат повеќе податоци во наредните недели. - Се очекуваат случаи на зараза со Ковид-19 и кај вакцинирани лица, иако во мали и предвидливи размери - се наведува.

Со појавата на новиот сој на коронавирус падна цената на нафтата во светот

Магдалена Андонова — Fri, 26 Nov 2021 14:45:56 +0000

Цените на нафтата денеска се намалија по под 78 долари за барел на меѓународните берзи, поради стравот на трговците дека новиот сој на коронавирусот може да го забави закрепнувањето на економијата и побарувачката на нафта, што би можело а резултира со значителен вишок во понудата. На лондонскиот берза барел нафта попладнево беше повисока за 4,28 долари во однос на претходното затворање и се продаваше за 77,94 долари. На американскиот берза вредноста на нафтата забележа пад од 4,31 долари и се тргуваше за 74,08 долари. Цените на нафтата и акциите паднаа на крајот на неделата бидејќи инвеститорите стравуваат дека новиот сој коронавирусот може да го запре закрепнувањето на економијата и побарувачката. Европските земји веќе ги ограничија пристигнувањата на патници од Јужна Африка каде што е откриен новиот сој. Повтореното разгорување на пандемијата го привлече вниманието на пазарот кон проценките на Организацијата на земјите извознички на нафта (ОПЕК) и нејзините сојузници дека понудата на нафта ќе ја надмине побарувачката на крајот на оваа година и почетокот на следната година. ОПЕК плус одлучи само скромно да го зголеми снабдувањето во декември, за 400.000 барели дневно, отфрлајќи ги повиците од САД и другите купувачи да понудат повеќе барели за да го запрат растот на цената на нафтата. (МИА)

Што досега знаеме за новиот опасен вид на коронавирусот? Еве како ќе се вика, постои опасност да го покори светот

Магдалена Андонова — Fri, 26 Nov 2021 11:57:15 +0000

Новата варијанта на коронавирусот има голем број на мутации и се стравува дека е многу пренослива, но и дека има голем потенцијал да избегне имунитет стекнат со вакцинација. Новиот вид е откриен во Јужна Африка, поради што СЗО ќе се сретне и ќе го оцени сојот и дали ќе ја означи варијантата Б.1.1.529 како онаа што треба да се следи и да се смета за „загрижувачка“, поради големиот број на мутации. Дали постои закана дека овој вид е посмртоносен? Истражувачите се обидуваат да најдат одговор на ова прашање. СЗО ги анализира информациите за да одлучи дали оваа варијанта може да се карактеризира како „сој за загриженост“. Меѓутоа, забележан е голем број на мутации кои би можело да бидат пречка за вакциналниот имунитет од Ковид-19. На Б.1.1.529, беа забележани 50 мутации, а 30 беа пронајдени на спајк протеинот. Повеќето од вакцините за коронавирус што се користат го таргетираат спајк протеинот, бидејќи вирусот го користи за да добие поголем пристап до клетките на нашето тело. Варијантата, која СЗО најверојатно ќе ја именува како „НУ“ во наредните денови, предизвика големо зголемување на бројот на заразени случаи во Јужна Африка, а беше откриена и во Боцвана и Хонг Конг, меѓу патниците од Јужна Африка. Покрај тоа, луѓето заразени со новата варијанта имале посериозни симптоми, а се стравува дека овој вид е поопасен од варијантата делта. Научниците од Јужна Африка вчера објавија дека откриле нова варијанта на коронавирусот со голем број мутации, обвинувајќи ја за зголемувањето на бројот на заразени лица. Бројот на дневни инфекции во најтешко погодената земја во Африка е зголемен за 10 пати од почетокот на овој месец. – Првите наоди на новата варијанта покажуваат дека таа има голем број мутации кои бараат и ќе бидат подложени на понатамошно проучување – изјавија претставници на СЗО. Израел денеска објави дека идентификувал случај на варијанта на ковид-19 со голем број мутации, кој првпат беше откриен во Јужна Африка. Израелското Министерство за здравство денеска соопшти: - Варијанта откриена во јужноафриканските земји е идентификувана во Израел кај лице кое се вратило од Малави, а уште два случаи, лица кои се враќале од странство, се ставени во карантин. Загриженост за ефектот на вакцината Д-р Марија Ван Керхове, технички директор на СЗО за Ковид 19, рече дека „сè уште не се знае многу за новата варијанта на вирусот“. - Она што го знаеме е дека оваа варијанта има голем број на мутации. И постои загриженост бидејќи кога имате толку многу мутации, тоа може да влијае на тоа како се однесува вирусот - истакна д-р Керхове. Епидемиолозите, специјалисти за заразни болести, најавија дека ќе истражат „од каде потекнуваат овие мутации и што потенцијално би можеле да значат“ во однос на тоа дали се повеќе преносливи или имаат потенцијал да избегнат имунитет, односно заштита од вакцината против Ковид 19. Извори од британската државна служба оценија дека новата варијанта, за која се стравува дека е пренослива и дека има потенцијал да го избегне имунитетот, претставува „потенцијална значајна закана за програмата за вакцинација која мора да се заштити по секоја цена“. Некои здравствени службеници сметаат дека ова е најзначајната варијанта што сме ја сретнале досега и во тек е итно истражување за да се дознае повеќе за преносливоста, сериозноста и чувствителноста на вакцината.

Хрватска носи посебна одлука за граничните премини и карантини поради новиот вид на коронавирусот

Магдалена Андонова — Fri, 26 Nov 2021 11:35:38 +0000

Хрватскиот национален штаб донесе нова одлука поради појавата на новиот вид на коронавирус од Јужна Африка, за кој се верува дека е поотпорен и позаразен. – Денеска штабот ќе донесе посебна одлука за ограничување на преминувањето на државната граница, со оглед на појавата на нова варијанта на вирусот. Новата варијанта има потенцијал да биде позаразна од варијантата делта, така што ќе се направи одредена препорака за земјите членки на ниво на ЕК, а ние ќе ги наведеме земјите од кои ќе биде забрането пристигнувањето или хрватските државјани кои доаѓаат од тие земји ќе мора да одат во 14 - дневен карантин - изјави началникот на Генералштабот и министер Давор Божиновиќ. Тој рече дека станува збор за Јужна Африка, Боцвана, поранешен Свазиленд, Намибија, Зимбабве и Хонг Конг, пренесува Индекс.хр.

Јужноафриканските истражувачи проучуваат нов вид на коронавирусот кој брзо мутира

Магдалена Андонова — Mon, 30 Aug 2021 09:39:27 +0000

Нов вид на коронавирус - C.1.2 е пронајден во Јужна Африка и неколку други земји, а научниците стравуваат дека може да биде повеќе заразен од другите и е отпорем на вакцини, според новата студија на Јужноафриканскиот институт за инфективни болести. Научниците првпат го забележаа овој нов сој во мај оваа година и заклучија дека тој е „наследник“ на сојот C.1, што е невообичаено бидејќи последен пат C.1 бил откриен во јануари оваа година. Новиот вид, како што истакнаа, „значително мутираше“ во споредба со C.1. Според нив, овој вид на коронавирус напредува во мутација во однос на оригиналниот вирус откриен во Вухан. Првичните истражувања покажуваат дека тој е повеќе вирулентен од кој било претходно откриен вид. Студијата откри значителен пораст на бројот на геноми C.1.2 во Јужна Африка на месечно ниво, што се зголеми од 0,2 проценти од геномот во мај на 1,6 проценти во јуни и потоа на 2 проценти во јули, слично се зголемува како со постојните бета и делта соеви. Научниците додаваат дека се потребни подетални анализи за да се разбере точното влијание на мутациите и да се утврди дали новиот вид има „конкурентска предност“ во однос на видот на делта.

Невидливa за ПЦР-тестовите: Нова варијанта на коронавирусот под истрага

Магдалена Андонова — Fri, 19 Mar 2021 13:39:08 +0000

Почна истрагата во Бретани, Франција, откако геномското секвенцирање откри осум носители на нова варијанта на вирусот корона. Францускиот министер за здравство рече дека оваа нова варијанта се чини дека не е заразна или дека предизвикува потешка форма на Ковид 19, пишува „Зимо“. Но, на прес-конференција, француските здравствени власти изразија загриженост за фактот дека новата варијанта избегнува откривање со стандардни тестови за ПЦР. Белгискиот вирусолог и меѓу-федерален портпарол на КОВИД-19 Стивен Ван Гухт објасни дека осум пациенти покажале вообичаени симптоми на болест 19, но дека ПЦР-тестовите упорно покажале негативни резултати на нив. Појавата на новата варијанта доаѓа во време кога Франција бележи ново зголемување на бројот на заразени лица, а нивниот претседател Емануел Макрон предупредува на нови мерки за затворање во следните неколку дена. Светската здравствена организација ја категоризираше новата варијанта како „варијанта под истрага“, а не како „загрижувачка варијанта“, како што беше случај со, на пример, британските, јужноафриканските и бразилските варијанти. Сепак, Гухт истакна дека постојат многу различни тестови во употреба во различни лаборатории и дека е можно некои тестови да имаат проблем со откривање на одреден вид на коронавирус. Сепак, додаде тој, со добар тест треба да се открие вирусот, а не неговите специфични делови или видови, а тестовите обично откриваат еден до три различни делови на вирусот.

Нов и досега непознат сој на коронавирусот откриен во Јапонија

Магдалена Андонова — Fri, 12 Mar 2021 14:20:03 +0000

Маж кој пристигнал во Јапонија од Филипините во февруари бил заразен со нов вид на вирус, соопшти денеска Министерството за здравство на Јапонија, наведувајќи дека ова е прв ваков случај, пренесе агенцијата Кјодо. Досега непознатиот вид на коронавирус се разликува од соевите пронајдени во Велика Британија, Јужна Африка и Бразил, но се верува дека претставува иста закана како и трите многу заразни соеви, додаде јапонската новинска агенција. Според Министерството за здравство, човекот има над 60 години и дошол преку аеродромот Нарита во близина на Токио на 25 февруари, а станува збор за асимптоматски случај. Тој бил позитивен на тестот кога бил под карантин на аеродромот.