„Во ВМРО-ДПМНЕ има нова генерација, денешните признанија во судскиот процес се доказ за постоење брутален политички прогон и терор од страна на власта“

Тале Кристо — Fri, 11 Feb 2022 16:31:03 +0000

Има ли некој воопшто во СДСМ кој размислува разумно па го мести Дарко Каевски да изнесува лаги и клевети. Ако размислуваа разумно немаше сигурно да го пуштат Каевски да зборува за криминал бидејќи тој сеуште нема одговор како со државна плата за една година се стекнал со три стана куќа? Сигурно одговорот на ова прашање ќе се случи по промена на власта, реагираат од ВМРО-ДПМНЕ на изјавата на Дарко Каевски од СДСМ. А сега околу неговите тврдења: денес во ВМРО ДПМНЕ е нова генерација на луѓе кои креираат автентична политика што треба да донесе промени што на државата и се неопходни. Ова е време на големи предизвици со коишто оваа Влада не може да се справи поради својата неспособност. Сведоци сме на ад хок решенија во економијата, на енормно задолжување на државата и на комплетно сервилно однесување во преговорите со Бугарија. Денешните признанија во судскиот процес се доказ за постоење брутален политичкиот прогон и терор од страна на власта. Очигледно соочени со притисокот на овој прогон со закани за големи казни денешните искази се индивидуален чин на луѓето да се спасат од овој притисок. Методите на Заев продолжуваат и од неговиот двојник Ковачевски. Само за потсетување дека се соочуваме со власт којашто држеше во заложништво пратеник во премиерската вила само за да опстане извршната власт. Ако тоа се случи пред некој месец на овој начин, може само го замислиме степенот на теророт врз овие луѓе за да се спроведе денешното сценарио на “признавање на вина”. Оваа власт го потценува овој народ кој беше сведоци на многу вакви епизоди последните пет години. Оваа власт е на колена. За оваа власт се приоритет криминалот и корупцијата што се тера под изговор на кризна ситуација. Ова власт не турка се подоле во сиромаштија додека индивидуалци се богатат. Сакаме да им порачаме дека го потценуваат овој народ и дека многу брзо ќе дојде времето кога ќе треба да одговараат за се што направија. Сакаме да порачаме дека овој пат нема да има отстапки за криминалите. ВМРО ДПМНЕ има луѓе што ќе направат позитивна промена во оваа држава и нема да отстапиме пред какви било притисоци. Времето на промени доаѓа брзо.

Циципас шампион на турнирот „Следната генерација“

Дарко Андоновски — Sun, 11 Nov 2018 08:52:03 +0000

Стефанос Циципас го освои второто издание на АТП турнирот „Нова генерација“, кој се одржа во италијанскиот град Милано. Во финалната средба Циципас победи со 2:4, 4:1, 4:3 (3), 4:3 (3) над Австралиецот Алекс де Минор, а средбата траеше 1 час и 45 минути. Гркот, кој беше бр.1 во шемата, го загуби првиот сет, но потоа го стабилизира настапот и направи целосен пресврт, покажувајќи поцврсти нерви во двата тајбрејка во третиот и четвртиот сет. Русинот Андреј Рубљов го освои третото место на турнирот, откако триумфираше над Шпанецот Хауме Мунар со 1:4, 4:3 (3), 2:4, 4:2, 4:3 (3). Во турнирот „Следната генерација“ учествуваат осумте најдобро пласирани тенисери на АТП листата до 21 година, кои се натпреваруваа во формат три од пет сета во четири гема.

нова генерација – Kurir.mk

„Во ВМРО-ДПМНЕ има нова генерација, денешните признанија во судскиот процес се доказ за постоење брутален политички прогон и терор од страна на власта“

Циципас шампион на турнирот „Следната генерација“