нова година – Kurir.mk

Карлеуша откри колку пари заработила за Нова година – многу не ни можат ова да го претпостават ниту на сон!

Дарко Андоновски — Tue, 17 Jan 2023 09:15:41 +0000

Јелена Карлеуша за прославата на Новата година одбра несекојдневен стајлинг кој се уште се зборува низ целиот регион, а сега откри и колкав хонорар земала таа ноќ. Пејачката во една изјава за српските медиуми прво се осврна на разводот со Душко Тошиќ за кој кажа дека штом ја оженил и со неа има две деца, значи имал намера да го направи тоа и ја сакал, а веднаш потоа ги пресече новинарите и изјави дека сака повеќе да зборува за неа и нејзините настапи. Откако потоа беше запрашана за нејзиниот хонорар таа даде изјава која ги шокираше многумина.

View this post on Instagram

A post shared by Jelena Karleuša (@karleusastar)

-Мојот хонорар е беден. Просто можете да ме нарекувате „хуманитарна организација“, вели таа. Потоа изјави дека нејзините нови колеги се занимаваат на аматерски начин со оваа професија затоа многу малку траат. -Песните после една недела вртење ги снемува и тие веќе не постојат, изјави таа.

Јапонското царско семејство ги поздрави Јапонците по повод Нова Година

Тале Кристо — Mon, 02 Jan 2023 18:50:35 +0000

Jапонскиот цар Нарухито и неговото семејство денеска од балконот на Царската палата ја поздравија толпата народ за Нова година. Ова е прва јавна новогодишна честитка во последните две години, откако новогодишните прослави беа откажани за време на пандемијата на Ковид-19. Јапонскиот цар во последните две години испраќа видео пораки по повод Новата година. Нарухито, придружуван од неговата сопруга, царицата Масако и нивната ќерка, принцезата Аико, упатија молитви за среќа на луѓето и мир во светот. Ова е прва јавна новогодишна честитка од принцезата Аико, која во декември наполни 21 година. Во Јапонија, полнолетната возраст е 20 години, што е и услов за прием на некои настани на кои присуствува и царското семејство. На Нарухито му се придружија и поранешниот цар Акихито, кој абдицира во корист на неговиот син во 2019 година, и неговата сопруга, царицата Мичико. Нарухито истакна дека изминатите неколку години беа исполнети со тешкотии предизвикани од пандемијата. – Ова сигурно беа тешки времиња за многумина од вас, им рече тој на луѓето пред палатата, од кои многумина вееја јапонски знамиња. Пред дворецот пристап им беше дозволен само на луѓе кои аплицирале и претходно добиле одобрение бидејќи во Јапонија сè уште се во сила ограничувања за големи собири поради Ковид-19.

Поставете си предизвици за новата 2023-та да ви биде среќна и успешна

Ивана Ефремовски — Mon, 02 Jan 2023 13:30:19 +0000

Без разлика дали изминатата година била лоша или неверојатно добра, почетокот на новата година е совршен момент за да си поставите пред себе реални предизвици. На самиот старт на јануари, зацртајте си ги своите цели без разлика дали станува збор за ново животно поглавје, патување или едноставно кафе со пријатели со кои одамна не сте се виделе. За да си го проектирате полесно патот кон посреќна, поздрава и позабавна 2023-та година, уште на почетокот на месецов направете го следново: Исчистете си го фрижидерот Без разлика колку целото ова и да ви изгледа смешно и банално, доколку сте сериозни во идејата дека сакате во 2023-та да стекнете поздрави навики, чистењето на фрижидерот е веројатно првиот важен чекор кон постигнување на целта. Поради новогодишните подготовки повеќе од веројатно е дека вашиот фрижидер сте го наполниле со секакви слатки и солени „задоволства“ кои едноставно може само да ја зголемат бројката на вагата, но и да ја отежнат работата на вашиот организам. Па, фатете се за работа и не размислувајте многу околу тоа. Најдете начин како да менаџирате со стресот Новите предизвици многу често несвесно ни вршат притисок. Без паника, потребно е само да ја преземете контролата во свои раце. Размислете што ви е потребно за да се релаксирате и направете го тоа. Направете си амбиентална атмосфера, наполнете ја кадата, испијте чаша вино или едноставно купете си боенка и бидете креативни. Што и да ве смирува, тоа е токму она што ви е потребно за да започнете без притисок. Испланирајте патување Можеби овој предлог ви изгледа смешно, покрај сите трошоци кои што ги имавте во предновогодишниот период, но овој период од годината можете да букирате најевтини летови, да резервирате сместување за летниот одмор или едноставно да видите кои места навистина вреди да ги посетите надвор од сезона. Прекинете ја токсичната врска Нова година – нови почетоци! Ставете крај на врската која што ве заморува, немојте да се губите себеси и оваа година. Исчистете си го бирото Новите почетоци се секогаш добредојдени и на професионален план. Не само физички, своето биро исчистете го и од старите предмети, заостанати обврски и влезете во новата година со чисто портфолио и уште почисти мисли, подготвени за свежи идеи. Декорирајте ги ѕидовите Направете промена во просторијата во која најчесто престојувате. Обојте ги ѕидовите, врамете ги убавите спомени, свежината во домот ќе направи да се чувствувате поразлично, а самото тоа ќе ви ги одведе мислите во друга насока. Најдете ново хоби Ви здодеа да гледате филмови и да одите во теретана!? Изгаснете светло во собата и пуштете си тивка музика. Промената ќе биде и повеќе од видлива. Планинарењето е секогаш добра и здрава варијанта. Доколку не сакате да одите сами, приклучете се на некоја од планинарските групи кои што ги има на социјалните мрежи и новите пријателства се секогаш добредојдени.

ТРАГЕДИЈА НА ПРВИОТ ДЕН ОД ГОДИНАТА ВО МАКЕДОНИЈА: Младо момче загина откако во него удрил автомобил!

Тале Кристо — Sun, 01 Jan 2023 16:15:13 +0000

Денеска (01.01.2022) околу 05.20 часот во СВР Штип било пријавено дека на магистрален пат Штип – Кочани, на место викано „Брилијант“, патничко возило „опел астра“ со скопски регистарски ознаки, управувано од К.Т. од Скопје, удрило во А.Ѓ.(21) од с.Кадино, скопско и во А.П. од с.Трубарево, скопско, кои претходно патувале во истото возило. Д вајцата се здобиле со повреди и биле пренесени во Клиничка болница Штип, каде што во 07.15 часот А.Ѓ. починал , а кај А.П. биле констатирани телесни повреди. Увид извршила екипа од СВР Штип.

Првороденото бебе во Новата година во Битола е женско

Тале Кристо — Sun, 01 Jan 2023 14:59:57 +0000

Градоначалникот на општина Битола, Тони Коњановски, денес го посети гинеколошко – акушерското одделение во Клиничката болница во Битола, каде во првото јануарско утро од оваа година, се роди првото женско новороденче Христина. Мајката Сара Поп Атанасова го донесе на свет во 1:42 после полноќ. Дежурните доктори прим. д-р Елизабета Чипуровска и д-р Христо Ѓорѓиевски, раководителката на одделението Маја Аврамовска и директорот на болницата, д-р Александар Обедниковски, го информираа градоначалникот дека, пред полноќ беа родени уште две здрави деца, машко и женско, од мајките Виолета Начковска Митровска и Риние Мемедовска. Градоначалникот ја посети и Болницата „Плодност“, каде само една минута по полноќ на свет дојде женско новороденче, Бојана, од мајката Стефани Чалеска Димитријевска, а во 05.01 часот се роди и Александар од мајка Славица Тановска од Ресен. Сопственикот и директор на Болница „Плодност“, прим. д-р Таше Трпчевски, истакна дека двете новороденчиња се убав знак за нова и успешна година во болницата. Со најубави желби, градоначалникот Коњановски им ја честиташе приновата на родителите, подарувајќи им вредносен ваучер на родилките и подароци за новороденчињата.

Само заљубени и добри луѓе прават свадба во јануари, еве што велат верувањата за венчавка во другите месеци

Ивана Ефремовски — Sat, 31 Dec 2022 22:00:08 +0000

На балканските простори некогаш се верувало дека секој месец има свое значење и според него се одредува успехот на бракот. Јануари Стапи во брак додека годината е нова - тој ќе биде заљубен, добар и искрен. Февруари Кога февруарските птици спијат, не се венчавај, туку плаши се од својата судбина. Март Ако се омажиш во периодот кога дува мартовски ветер, ќе имаш и уживање и солзи. Април Ако сте во можност, венчајте се во април, тоа е идеално уживање и за него и за неа. Ма Секоја свадба која се одржала во месец мај била несовршена. Јуни Ако се омажиш во период кога растат јунските рози, ќе мора да обиколиш и копно и море заради партнерот. Јули Оние кои ќе се венчаат во јули ќе мора да работат само за да се прехранат. Август Оние кои се венчани во август ќе поминат низ големи промени во текот на животот. Септември Склучувањето на брак во црква во овој месец ќе ви донесе богат и добар живот. Октомври Ако се омажиш или ожениш во овој месец, љубовта ќе расте, но богатството ќе се намалува. Ноември Ако се венчате во темниот ноември, можеби ќе треба време, но уживањето ќе дојде. Декември Кога ќе падне првиот снег, омажи се и заколни се на искрена љубов која ќе трае.

Родители, ова треба да го знаете: Треба ли да ги лажете децата за постоењето на Дедо Мраз?

Ивана Ефремовски — Sat, 31 Dec 2022 21:40:03 +0000

Како родители, знаеме дека Дедо Мраз не постои, но дали тоа значи дека споделувањето на овој мит со нашите деца е лажење? Ако Дедо Мраз не е дел од вашата семејна традиција или култура, тогаш нема ни потреба да размислувате да го поттикнувате тоа верување кај вашите деца. Но ако се мачите околу тоа дали да ја кажете вистината во врска со Дедо Мраз или не, можеби ќе ви олесни впечатокот дека тоа нема да и наштети на имагинацијата на вашите деца. -Децата на возраст од четири, пет, шест, па и седум години, живеат во она што го нарекуваме магични години на живот во фантазија, рекол д-р Бенџамин Сигел, професор по педијатрија и психијатрија на Медицинската школа при Универзитетот во Бостон. „Тие се под влијание на она што го гледаат и слушаат околу нив. Силно се возбудуваат од карактерите во нивниот живот, кои за нив имаат посебно значење“. Меѓу тие карактери се суперхероите, чудовиштата, животните, па дури и Дедо Мраз. Постојат многу начини да ги поттикнете вашите деца да бидат добри, а приказната за Дедо Мраз е само една од нив. Сигел укажувал на тоа дека Дедо Мраз за повеќето семејства е весел човек со помошници, кои им носи подароци на добрите деца. Се разбира, постојат приказни за јаглен во чорапа за немирните деца, но тешко дека ќе најдете дете кое добило нешто такво утрото по Нова Година. Она што родителите треба да го постигнат е вредноста која сакат да ја постигнат во свеста на нивните деца, и дали тој мит поттикнува морал. „Секоја култура има бајки или митови кои припаѓаат на историскиот идентитет“, вели Сигел. „Ако митовите се добри и зборуваат за споделување и помагање на луѓето околу вас, тогаш тоа е навистина убаво“. За многу семејства, возбудата да се оставаат колачиња за Дедо Мраз, гледањето на санката низ прозорецот која лета во ноќта, станувањето рано наутро за да се отворат подароците и споделувањето на сето тоа оди, во прилог на вербата дека Дедо Мраз е посебен и единствен во тоа семејство. Таа традиција е причината зошто толку родители ја кажуваат приказната за Дедо Мраз – затоа што и тие ја научиле додека растеле. Ако решите дека Дедо Мраз ќе биде дел од вашата семејна новогодишна традиција, тогаш постојат повеќе начини како да ја кажете таа приказна. Ќе се изненадите кога ќе откриете дека постојат купишта книги за Дедо Мраз во локалната библиотека кои чекаат да бидат причитани. Постојат книги за еколошката свесност на Дедо Мраз и за животни, дури и за диносауруси кои се облечени како Дедо Мраз. Родителите се загрижени дека ќе мораат да ја прекинат магијата за нивните деца и да ја растурат сета нивна визија за Божик. Сепак, многу деца самите го дознаваат ова на возраст помеѓу седум и осум години.

Новогодишна загатка: Ќе ја пронајдете ли капата на Дедо Мраз? (ФОТО)

Ивана Ефремовски — Sat, 31 Dec 2022 21:20:00 +0000

Некаде на оваа фотографија се наоѓа една птица со капата на Дедо Мраз, а само оние луѓе кои навистина забележуваа ситници можат да ја пронајдат. Оваа слика ја направил унгарскиот сликар Гергели Дудаш, познат како Дудолф. Погледнете ја ДОБРО. Илустрацијата со птици кои на главата имаат различни капи, се наоѓа во неговата книга “Bear’s Merrt Book of Hiden Things”. Во книгата има многу други шарени илустрации со скриени работи. Ако се уште не успеавте да ја пронајдете, одговорот можете да го видите на сликата долу: . . . . . . . . . . . .

Интересни, но чудни обичаи за Нова година во другите држави – ОВИЕ РАБОТИ не смеете да ги правите

Ивана Ефремовски — Sat, 31 Dec 2022 21:00:08 +0000

Данците кршат чинии, Јапонците се смеат, Бразилците носат бело, Шпанците јадат грозје, а Србите прасечко – сето ова во името на благосостојбата во новата година. Обичаите се различни, но низ цела планета луѓето се уверени дека одредени „адети“ носат среќа во идната година. Германците веруваат дека вревата ги брка злите духови, па така во новогодишната ноќ одат по улица ударајќи во тапани и други инструменти. Во Данска цела година чуваат чинии за на 31 да ги искршат пред влезната врата на домовите на своите пријатели. Со тоа пријателството е поцврсто па целта е да се искршат што повеќе чинии. Бразилците на новогодишната ноќ се облекуваат во бело – носело среќа и мир. Ѕвоната во Јапонија се огласуваат 108 пати за да ги избрка исто толкавиот број на човечки слабости. По ова сите мора да се смеат за да ги избркаат злите духови. Во Шпанија е обичај на полноќ да се изедат точно 12 зрна грозје, како во текот на сите 12 месеци во наредната година среќата би им била сојузник. Голема љубов ги чека оние кои на Нова година ќе се бакнат под имела, веруваат жителите на САД. А според едно верување распространето во светот на новогодишната ноќ треба да се носат црвени или жолти гаќи – црвени за љубов, жолти за пари. На Балканот обичаите се некако поврзани со храната. Се верува дека новата година мора да се дочека со полн фрижидер, да има пари во секој паричник во куќата за да се има пари и да се полни цела година. Да се платат сите сметки пред празникот и во нова година да се влезе безгрижно. Ако се јаде прасечко ќе се има напредок во идната година е верување во Србија и во Македонија. Никако немојте! -Голем пропуст е да не се честита празник на драгите луѓе, бидејќи така ја привикувате емотивната дистанца во својот живот. -Никако не се позајмуваат пари на 31 декември ни 1 јануари, ова значи 12 месеци материјални проблеми. -Никако не треба да се изнесува ништо од дома на 1 јануари. Ништо значи апсолутно ништо! Ова важи и за ѓубре. -Не треба да се пере долна облека или чинии на 1 јануари, постоела опасност некој да си замине од куќата во наредната година. -Кршење, плачење и дивеење – ништо од ова не смеете да правите зошто било лош знак за годината што следи.

Сезона на подароци: ОВИЕ РАБОТИ не е убаво да ги подарувате за Нова година, еве какво значење имаат

Ивана Ефремовски — Sat, 31 Dec 2022 20:00:47 +0000

Изборот на подароци за Нова година знае да биде навистина тешка задача. Подарокот зборува за оној кој го добива, но и за оној кој го купува. Овие работи не треба да ги подарувате! Остри предмети – не дарувајте ножеви, ножици, отворачи за писма, отворачи за стаклени шишиња, зашто претставуваат сечење на односот. Празни паричници и торби – ако подарувате паричник или торба, ставете малку пари во нив, парите симболизираат благосостојба на оној кој го прима подарокот. Билки и цвеќе со трње – кактусите и други растенија со трње не се добри подароци, а избегнувајте и рози, зашто означуваат нарушување на односот. Ако добиете роза со трње од партнерот, извадете ги трњето за да си овозможите врска без проблеми. Бонсаи и слични минијатурни билки – одлучете се за бујни и здрави билки со заоблени листови кои симболизираат просперитет и здрав живот. Часовници и антиквитети – предметите кои покажуваат време или го симболизираат неговиот тек се лош подарок зашто го претставуваат односот со ограничен век на траење. Шамичиња – не подарувајте шамичиња, зашто означуваат бришење солзи и повикуваат на плач или болест.