нова градинка – Kurir.mk

Муцунски: 100.000 евра инвестиција во училиштето „Ѓорѓија Пулевски“, во септември Аеродром ќе добие нова градинка, а ќе се изградат и уште две

Тале Кристо — Fri, 15 Apr 2022 11:31:59 +0000

Во основното училиште „Ѓорѓија Пулевски“ во општина Аеродром моментов се изведуваат работи со инвестиција на над 100.000 евра во средување на дворот во основното училиште и спортската и рекреативна инфраструктура која што е опфатена со истото, изјави денеска градоначалникот на општината Тимчо Муцунски. -Денеска заедно со претседателот на Советот на Општина Аеродром, Дејан Митески сме тука пред основното училиште „Ѓорѓија Пулевски“ каде што во моментов се изведуваат работи со инвестиција на над 100.000 евра во средување на дворот во основното училиште и спортската и рекреативна инфраструктура која што е опфатена со истото, изјави Муцунски. Муцунски додаде дека исто така се работи и во основните училишта во општината „Блаже Конески“ и „Гоце Делчев“. Во истиот момент се има градежни работи во основното училиште „Блаже Конески“, таму има целосна промена на фасадата. При крај се работите поврзани со проект за проширување и реконструкција на истото училиште на „Блаже Конески“. И наскоро таму ќе почнеме со работа. Инвестициите во образовната инфраструктура исто така продолжуваат и кај основното училиште „Гоце Делчев“ каде што ќе има проширување на капацитетите и реконструкција на училиштето, додаде Муцунски. Во делот на инфраструктурата отпочнати се радежни работи на повеќе километри на улици во општината. Во делот на инфраструктурата сакаме да најавиме дека се отпочнати градежни работи во населба Лисиче, во општина Аеродром на повеќе километри улици кои што треба да се изградат. Така да работиме на сериозни инфраструктурни подобрувања, истакна муцунски. Тој меѓудругото најави дека од месец септември ќе започне со работа и нова градинка, а во летниот период се очекува да започнат градежните работи на уште две детски градинки. -Во месец септември очекуваме да отпочне со работа нова градинка. После летниот период да отпочнеме со градежни работи на најмалку две нови градинки. Што значи дека приоритетот ни е пред се образовната инфраструктура, уличната инфраструктура, инфраструктурата поврзана со рекреацијата. Наскоро почнуваме со работа и на три нови детски игралишта, Стар Аеродром, Реонски центар, Ново Лисиче. Така да работиме сериозно, посветено, многу инвестиции во општина Аеродром кои што некои се тековни, некои наскоро почнуваме со работи кога ќе бидат создадени услови согласно соодветните процедури, посочи Муцунски. Муцунски на крај ги повика скопјани на вечерашниот натпревар на МЗТ – Скопје од полуфиналето во АБА 2 лигата. -На крај, би сакал да кажам дека се радувавме на победата на МЗТ – Скопје во првиот наптпревар од АБА 2 турнирот, вечерва во 21 часот е полуфинале. Така да не само аеродромци, туку сите скопјани ги очекуваме на натпреварот, да навиваме за МЗТ – Скопје, бидејќи очекуваме да го добие своето заслужено место и повторно да се врати во АБА 1 лигата, рече Муцунски.

Саботковски: Потпишан е договорот за изградба на градинка во општина Могила

Дарко Андоновски — Thu, 31 Mar 2022 12:49:46 +0000

Градоначалникот на општина Могила, Драганчо Саботковски преку статус на Фејсбук пишува дека во општината е потпишан договор за изградба на градинка. -Денес на мое огромно задоволство ве информирам дека потпишав договор за изградба на првата градинка во општина Могила, значаен проект за жителите на општина Могила. Договорот за соработка и договорот за групна набавка на градежни работи го потпишавме со министерката за труд и социјална политика Јованка Тренчевска за изградба и опрема на детска градинка со капацитет од 40 деца, во вкупен износ од 12.819.667,59 денари. Детската градинка ќе се гради во училишниот двор на ОУ „ Гоце Делчев “ – Могила. Апликацијата е заведена од 28.02.2022 за финансирање на проект доставен од страна на Општина Могила до Министерството за труд и социјална политика со прилог документација и Основен проект за Изградба на детска градинка. Постапката за јавна набавка ќе ја спроведе Министерството за труд и социјална политика. Предвидениот рок за изведба на градежни работи од предмер пресметката изнесува 14 месеци сметајќи од денот определен за вовед во работа на Изведувачот, а предвидениот рок за набавка, испорака и монтажа на опрема изнесува не повеќе од 1 месец, по завршувањето на градежниот дел. Општината се обврзува да ги обезбеди сите потребни услови за пуштање и непречено функционирење на објектот, како и да обезбеди траен приклучок за електрична енергија, водовод, канализација и греење пред технички прием на објектот, стои во неговиот пост на Фејсбук.

Нова градинка во Општина Илинден од септември- изградбата во завршна фаза

Дарко Андоновски — Tue, 28 Jul 2020 10:56:56 +0000

Во населеното место Миладиновци во завршна фаза е изградбата на градинка – капитален проект што Општина Илинден го реализира во соработка со Министерството за труд и социјална политика. Објектот ќе биде пуштен во употреба во септември годинава. Вкупната вредност на инвестицијата е 30 милиони денари, од кои од Буџетот на општината се обезбедени 24 милиони денари и шест милиони денари од Министерството за труд и социјална политика. Новата градинка, која се наоѓа веднаш до централното општинско основно училиште „Браќа Миладиновци” и новоизградената амбуланта во населено место Миладиновци, се простира на површина од 540 метри квадратни со капацитет за згрижување на 90 деца на возраст од 2 до 6 години, како и на деца на возраст од 9 месеци до 2 години, односно ќе бидат воведени јасли. Од општинската прес-служба информираат дека со изградбата на градинката ќе се создадат услови за згрижување на најмладите од околните населени места кадешто живеат приближно 4 000 жители. – Со реализацијата на овој проект дополнително ќе се овозможи да се ослободи простор во веќе постоечката градина „Гоце Делчев” којашто е со капацитет од 450 деца на возраст од 2 до 6 години, и ќе се создадат услови за згрижување на деца од најмалата возраст (од 9 месеци до 2 години) и воведување на јасли и во оваа детска градинка, соопштуваат од општината. Општинската градинка „Гоце Делчев” е изградена и пуштена во употреба во 2009 година и на почетокот згрижуваше 60 деца. Брзиот развој на општината, како и зголемениот прираст на населението наложи потреба од зголемување на нејзиниот капацитет, па така, со надградбата, проширувањата и изградбата на овој нов објект во Миладиновци, создадени се услови за згрижување на вкупно 540 дечиња од предучилишна возраст во општина Илинден. Од локалната самоуправа посочуваат дека и во иднина ќе продолжат со реализација на концептот за изградба на објекти од јавен карактер, во делот на згрижување на деца од предучилишна возраст.

Кавадаречкото село Марена доби нова градинка

Дарко Андоновски — Wed, 19 Jun 2019 14:45:31 +0000

Во рамките на проектот и руралните средини да добијат детски градинки на Министерството за труд и социјална политика, денеска во село Марена беше предаден во работа објектот „Петар пан„ - детска градинка со опфат за грижување на 25 до 30 деца. Градинката ја изгради Локалната самоуправа Кавадарци а целосно ја опреми Министерството за труд и социјална политика од каде има информација дека годинава се изградени над 30 објект за згрижување на деца, а Кавадарци ке добие уште една голема. Градоначаникот Митко Јанчев, при обраќањето денеска, најави дека во текот на ова лето ке бидат предадени нови занимални со проширување на постојните единици , така што ке се зголеми можноста од запишување на нови деца. Инаку во градот има потреба од изградба на нова градинка која Кавадарци најверојатно ке ја добие. На свеченоста во село Марена присуствуваше и министерката за Труд и социјална политика Мила Царовска.