Три лица загинаа кај Нова Градишка во сообраќајка која потсетува на несреќата во која загина Тоше

Катерина Бојаџиева — Fri, 22 Oct 2021 20:02:59 +0000

Во сообраќајна несреќа на автопатот А-3 во Хрватска, кај Окучани, меѓу местата Новска и Нова Градишка, попладнево загинаа тројца српски државјани, откако со автомобилот се судриле со камион, јавуваат локалните медиуми. Во сообраќајката чии околности и локација потсетуваат на несреќата во која загина македонската музичка легенда Тоше Проески, според првичните информации, загинале две машки лица од 35 и 38 години, како и жена стара 57 години. Според извештаите, возачот на камионот е 25-годишен Босанец, кој бил во голем шок. Тој изјавил дека во моментите кога сакал да се исклучи од автопатот, во камионот со голема брзина се забил автомобилот во кој биле патниците од Србија.

Во чест на Тоше, од Нова Градишка до Крушево на велосипед

Дарко Андоновски — Thu, 27 Sep 2018 15:39:13 +0000

Четворица велосипедисти, почитувачи на името и делото на Тоше Проески, денеска пристигнаа во Крушево по повеќе од 900 километри поминати на велосипед во чест на нашиот пејач.

Велосипедистите Драган Јованов, Тони Стефанов, Маријан Хаџи Мустафов и Ѓорѓе Белевски се од Кавадарци кои пред седум дена го започнаа патешествието од Нова Градишка, Хрватска во чест на Тоше, за денес, околу 14 часот, да пристигнат во Крушево.

Градоначалникот на општина Крушево Томе Христоски преку социјалните мрежи порача дека е чест што ги пречекува овие упорни луѓе и најави дека Крушево ќе продолжи да го чува и да го промовира она што Тоше Проески го остави.

- Како Градоначалник на општина Крушево ми беше чест и огромно задоволство да ги пречекам овие наши промотори и амбасадори на Крушево после поминати толку километри и во разни временски услови пред Спомен-куќата на Тоше Проески. Преку организација на вакви и други настани културни, музички и спортски настани ќе продолжиме и понатаму како општина да го негуваме ликот и делото на нашиот Тоше, порача Христоски.

нова градишка – Kurir.mk

Три лица загинаа кај Нова Градишка во сообраќајка која потсетува на несреќата во која загина Тоше

Во чест на Тоше, од Нова Градишка до Крушево на велосипед