нова каледонија – Kurir.mk

Силен земјотрес во Нова Каледонија

Ивона Петрова — Thu, 31 Mar 2022 07:30:21 +0000

Земјотрес со интензитет од 6.8 степени според Рихтаровата скала денеска е регистриран на Нова Каледонија, објави американскиот геолошки институт (УСГС). По земјотресот беше објавено предупредување за појава на цунами на островот Лојалити, а беше повлечено по кратко време. Засега нема информации за евентуални жртви и причинета материјална штета.

Нова Каледонија од Франција бара организирање на референдум за независност

Тале Кристо — Thu, 08 Apr 2021 09:37:11 +0000

Сепаратистите, на власт во Нова Каледпонија од февруари, побараа од државата да го организира третиот и последен референдум за независност на Нова Каледонија предвиден со договорот од Нумеа (1998), јави дописникот на МИА. Политичкото биро (БП) на коалицијата за независност усвои овој четврток „унитарен пристап“ што се состои од испраќање до Високиот комесар на Република едно единствено писмо, потпишано од двете групи на ФЛНКС во Конгресот, УНИ и УЦ(Каледонска унија ), изјави Виктор Тутугоро, член на БП.

Нова Каледонија на втор референдум за независност од Франција

Ивона Петрова — Sun, 04 Oct 2020 10:14:36 +0000

Утрово се отворени 304 избирачки места во Нова Каледонија на втор референдум за самоопределување, на кој жителите на таа француска прекуморска територија на Пацификот ќе се изјаснат дали сакаат независност од Франција. Речиси 180.000 гласачи треба да одговорат на прашањето дали сакаат Нова Каледонија „да добие целосен суверенитет и да стане независна“. На тој архипелаг, оддалечен 18.000 километри од Париз, првиот референдум се одржа на 4 ноември 2018 година, а приврзаниците за останување дел од Франција победија со 56,7 проценти од гласовите. Нова Каледонија стана француска територија во 1853 година и првично беше казнена колонија. Оттогаш, независноста е цел на домородното население Канак, кое сочинува околу 40 проценти од населението. Резултатите од првиот референдум за независност во 2018 година беа потесни отколку што се очекуваше, што поборниците за независност го сметаа за нивна мала победа што ќе им помогне на идните референдуми. Резултатите беа подеднакво поделени и по расна основа. Регионите со доминантно европско население, вклучително и главниот град Нумеу, со огромно мнозинство гласаа за останување во Франција, а областите населени со Канаци со огромно мнозинство гласаа за независност. Европејците сочинуваат 27 проценти од населението во Нова Каледонија, која располага со големи резерви на никел. Разликата меѓу двата табора во 2018 година беше околу 18 000 гласови, така што овој пат битката се води за гласовите на 33 000 гласачи кои не гласаа во тоа време. Но, без објавени анкети во последните шест месеци, тешко е да се предвиди колку биле успешни кампањите. Нова Каледонија, според договорот потпишан во 1998 година има право на три референдуми за независност. Следната можност е во 2022 година.

Силен земјотрес во близина на Нова Каледонија

Дарко Андоновски — Sun, 19 May 2019 07:37:05 +0000

Силен земјотрес со интензитет од 6,8 степени според Рихтеровата скала денеска погоди област во Јужниот Пацифик во близина на Нова Каледонија, соопшти американскиот Геолошки завод. За сега нема податоци за евентуална штета или повредени луѓе. Не е издадено ниту предупредување за цунами. Епицентарот на потресот бил на длабочина од 14 километри.

Нов силен земјотрес во близина на Нова Каледонија

Ивона Петрова — Wed, 05 Dec 2018 07:47:52 +0000

Нов земјотрес со интензитет од најмалку 6,7 степени според Рихтеровата скала утрово е регистиран во Тихиот Океан во близина на француската прекуморска територија Нова Каледонија, откако претходно истиот регион го погодија потреси со јачина од 7,5 и 6 степени. Последниот земјотрес се случил 7.43 минути по средноевропско време. По најсилниот од трите потреси, што се случи во 5.18 часот по средноевропско време, кој според според Американскиот геофизички институт, бил на длабочина од 10 километри со епицентар на 160 километри источно од градот Тадин, Пацифичкиот центар за предупредување за цунами соопшти дека е можна појава на големи бранови. Според Центарот, во реоните на Нова Каледонија и Вануату можни се бранови високи од еден до три метри, а во областа на Фиџи до еден метар. Првиот од серијата од трите потреси со интензитет од 6 степени според Рихтер, бил регистриран во 5.14 часот по средноевропско време. Засега нема инфорамции за жртви или предизвикани материјални штети од земјотресите. МИА

Земјотрес од 7,5 степени близу Нова Каледонија

Ивона Петрова — Wed, 05 Dec 2018 07:05:16 +0000

Земјотрес со интензитет од 7,5 степени според Рихтеровата скала утрово е регистриран во Тихиот Океан во близина на француската прекуморска територија Нова Каледонија, по што е издадено предупредување за можна појава на цунами. Според Американскиот геофизички институт, земјотресот бил на длабочина од 10 километри, со епицентар на 160 километри источно од градот Тадин. Пацифичкиот центар за предупредување за цунами соопшти дека е можна појава на големи бранови со височина од еден до три метри во реоните на Нова Каледонија и Вануату и до еден метар во областа на Фиџи. Засега нема инфроамции за жртви или предизвикани материјални штети од земјотресот, што се случил во 5.18 часот по средноевропско време. Четири минути пред овој земјотрес, во истиот регион е регистриран потрес со јачина од 6 степени. МИА

Референдум за независност на Нова Каледонија

Ивона Петрова — Fri, 02 Nov 2018 18:04:15 +0000

Жителите на француската прекуморска територија во Тихиот Океан, Нова Каледонија в недела ќе гласаат на референдум за независност, како последен чекор во тридецениските обиди на локалните сепаратисти за создавање самостојна држава. Гласачите треба да се изјаснат „Дали сакаат Нова Каледонија да стекне целосна сувереност и да стане независна“ држава. Анкетите покажуваат дека околу две третини од жителите на Нова Каледонија ќе гласаат „против“ на референдумот. Нова Каледонија, која има околу 280.000 жители, ужива високо ниво на автономија, но одбраната, полицијата, надворешната политика, правосудството и образованието се во надлежност на властите во Париз. МИА

Два силни земјотреси регистрирани крај Нова Каледонија

Ивона Петрова — Tue, 16 Oct 2018 06:13:14 +0000

Два земјотреса, првиот со интензитет од 6,5 и вториот посилен, со интензитет од 6,8 степени по Рихтер, беа регистрирани денеска во Тихи Океан, источно од Нова Каледонија, соопшти Геофизичкиот институт на САД. Епицентарот на првиот бил на 190 километри источно од островот Лојалти, на длабочина од 33 километри, а вториот - на 160 километри со длабочина од 10 километри. Не се издадени предупредувања за опасност од цунами од Тихоокеанскиот центар за цунами во Хаваи. Нема податоци за жртви и за материјална штета. МИА

Издадено предупредување за појава на цунами на Нова Каледонија

Предраг Кукиќ — Wed, 29 Aug 2018 09:12:46 +0000

Предупредување за опасност од цунами е објавено за Нова Каледонија, Вануату и островите Фиџи по силниот земјотрес што го погоди регионот. - Можна е појава на бранови од 30 сантиметри до еден метар во делови од брегот на Вануату и Фиџи, соопшти Тихоокеанскиот центар за предупредување од цунами. Новозеландскиот сеизмолот Џонатан Хансон изјави дека земјотресот е многу оддалечен од населените места и оти и покрај предупредувањето за појава на цунами, брановите ќе бидат мали. Земјотрес со интензитет од7,1 степени според Рихтеровата скала денеска беше регистриран во близина на Нова Каледонија, во јужниот дел на Пацификот. Епицентарот на земјотресот бил на длабочина од 10 километри, на околу 370 километри од главниот град на Нова Каледонија, Нумеа. (МИА)

Силен земјотрес регистриран во близина на Нова Каледонија

Матеја Петровски — Wed, 29 Aug 2018 05:51:36 +0000

Силен земјотрес со интензитет од седум степени според Рихтеровата скала денеска е регистриран во близина на Нова Каледонија, во јужниот дел на Пацификот. Епицентарот на земјотресот бил на длабочина од 10 километри, на околу 370 километри од главниот град на Нова Каледонија, Нумеа. Тихоокеанскиот центар за предупредување од цунами соопшти дека нема опасност од појава на големи бранови. (Миа)