Претседателот на Нова Либерална Партија го даде својот потпис за поддршка на кандидатурата на Гордана Силјановска – Давкова

Предраг Кукиќ — Sat, 23 Feb 2019 16:51:23 +0000

Во текот на денешниот ден, во подрачното одделение на Државната изборна комисија во Прилеп, својот потпис за поддршка на кандидатурата на професорката Гордана Сиљановска-Давкова за Предтседател на Република Македонија, го даде Претседателот на Нова Либерална партија-Драган Василески. -Професорката Гордана Силјановска- Давкова е кандидат кој во моментов може да го обедини македонското опшество. Нејзиното познавање на начинот на кој треба да функционира правото, не охрабрува дека може да се надеваме дека правото повторно ќе завладее, а вербата во правната држава ќе биде вратена. Народот во неа гледа како на единствен кандидат кој може да допринесе за подбра иднина на Македонската држава, притоа незадирајќи во емоциите на граѓаните. Уште еднаш, ја користам оваа можност, да ги повикам сите наши членови и симпатизери, и сите политички чинители во оваа држава, да ја поддржат кандидатурата на Гордана Силјановска- Давкова и активно да се вклучат во нејзината кампања како единствен начин да излеземе од бездната кон која се движиме – рече Василески.

Нова Либерална партија со поддршка за кандидатурата на професорката Гордана Силјановска-Давкова

Предраг Кукиќ — Thu, 21 Feb 2019 10:25:55 +0000

Нова Либерална партија отворено даде поддршка на професорката Гордана Силјановска Давкова за претстојните претседателски избори. „Нова Либерална партија изразува огромно задоволство од изборот на проф.Гордана Силјановска-Давкова за кандидат за Претседател на Република Македонија. Натпартискиот кандидат е во согласност со договореното на средбите на коалицините партнери- членки на на Коалицијата „За подобра Македонија”, со нагласок дека на Република Македонија во моментов и треба личност која ќе го обедини народот, самостојно ќе размислува и повлекува потези, а истовремено и поседува демократски капацитет да ги води процесите во државата.“, стои во соопштението на партијата. Од таму потенцираат дека радува фактот што професорката Силјановска, е избрана во една фер, демократска и транспарентна постапка, со голем број на против кандидати на Конгресот, за кои се највува дека ќе бидат нејзините идни најблиски соработници во текот на кампањата но и после победата на изборите. „Во кандидатурата на Силјановска, граѓаните гледаат искра надеж и охрабрување дека има реална шанса за победа на овие избори, без разлика кој ќе биде противкандидатот од спротивната страна, што неминовно би придонело до распишување на брзи предвремени парламентарни избори. Нова Либерална партија ги повикува своите членови и симпатизери и сте политички партии кои го препознаваат неспорниот капацитет на проф. Гордана Силјановска-Давкова за државничко и демократско делување, активно да се вклучат во предизборната кампања, да помогнат да се обединиме и заеднички да победиме, додаваат од партијата.

нова либерална партија – Kurir.mk

Претседателот на Нова Либерална Партија го даде својот потпис за поддршка на кандидатурата на Гордана Силјановска – Давкова

Нова Либерална партија со поддршка за кандидатурата на професорката Гордана Силјановска-Давкова