нова – Kurir.mk

РКЕ со нова одлука: Еве по која цена ќе се продаваат горивата!

Тале Кристо — Wed, 16 Mar 2022 17:44:51 +0000

Регулаторната комисија за енергетика и водни услуги (РКЕ) денеска донесе нова одлука за цените на нафтените деривати што ќе важат од полноќ. Највисоките малопродажни цени на нафтените деривати и горива за транспорт, ќе изнесуваат: - Моторен бензин - ЕУРОСУПЕР БС - 95 - 81,50 (денари/литар) - Моторен бензин - ЕУРОСУПЕР БС – 98 - 83,50 (денари/литар) - Дизел гориво - ЕУРОДИЗЕЛ БС (Д-Е V) - 79,00 (денари/литар) - Масло за горење - Екстра лесно 1 (ЕЛ-1) - 75,50 (денари/литар) - Мазут М-1 НС - 56,749 (денари/килограм), објавија од РКЕ.

Нова вакцина против коронавирус: Голем интерес кај земјите од ЕУ

Тале Кристо — Tue, 21 Sep 2021 16:28:43 +0000

Иако сѐ уште нема одобрување за употреба од ЕМА агенцијата се повеќе европски земји ја нарачуваат новата протеинска вакцина против ковид-19 која е произведена од француската фармацевтска компанија „Санофи“/„ГСК“, а која е поразлична и поевтина од мРНА вакцината. Веста за новата протеинска вакцина на француската компанија „Санофи“, предизвика интерес кај луѓето околу тоа колку е делотворна и по што се разликува од достапните вакцини. Познатиот имунолог Златко Тробоњача за хрватските медиуми ја објаснил разликата помеѓу постоечките векторски вакцини и вакцината која наскоро треба да пристигне во Хрватска. -Нема никаков генетски материјал, тоа не е таканаречената РНК или ДНК вакцина, туку чист протеин кој влегува во нашето тело и веднаш делува на имунолошкиот систем. Она што е исто така важно е дека овие вакцини, протеински, се релативно слични со оние традиционалните вакцини на кои сме навикнати, да речеме вакцини против тетанус и слично, вели тој. Тробоњача претпоставува дека ќе се дава една доза и смета дека и таа една би можела да произведе доволна количина на антитела за заштита. -Ако компанијата „Санофи“ предвиди можност да се произведуваат антитела кои нема да го опфатат само изворниот облик на вирусот, туку и некои други соеви, тогаш тоа би можело да има поголемо значење во сузбивањето на постојните варијанти на Ковид-19, додава имунологот. Сепак, оваа можност сѐ уште треба да се истражи. Вирусот постојано мутира, па се поставува прашањето колку би било исплатливо за компаниите да произведуваат и пласираат вакцини против секој сој што ќе се појави.

Се крчка создавање на нова македонска политичка партија во Албанија!

Тале Кристо — Thu, 18 Mar 2021 08:43:50 +0000

Периодот кој што следува можеби ќе биде клучен за основање на нова македонска партија. Ова ексклузивно за Курир го тврди нашиот соговорник, бидејќи во изминатиот период се случија многу турбулентни настани, од кои како што вели најмногу е погоден македонскиот народ, а особено Македонците од соседството, кои што се оставени на милост и немилост, односно оставени самите на себе. - Сведоци сме дека изминатиот период донесе многу политички турбуленции во регионот од кои најмногу настрадаа само Македонците. Македонците од соседните држави се оставени самите на себе, додека одредени земји немилосредно роварат низ овие делови и сакаат со сила во 21от век да им одредат друга националност. Таков е и случајот со Македонците од Мала Преспа каде што една земја, членка на ЕУ на секој можен начин се обидува да не асимилира и пред светот да не претстави како припадници на друга националност. Откако Македонија ги потпиша двата договори со Бугарија, односно со Грција апетитите на оние кои што сонуваат дека овие краишта им припаѓале ним се зголемија стократно. -После потпишаните таканаречените договори за добрососедство помеѓу Македонија со Бугарија и Грција, апетитите на македонските негатори кои се желни и кои буквално сонуваат за овој дел, особено Мала Преспа, Гора и секаде каде што живеат Македонци во Албанија се зголеми стократно. И покрај ваквите јавни обиди немаше речиси никакви реакции од македонската партија во Албанија, од здрушенијата, односно да бидеме коректни, единствени реакции против овие асимилаторски настроени "европски" земји доаѓаа од македонското здружение "Илинден"-Тирана, вели нашиот соговорник. Овие турбулентни времиња ја доведоа во прашање работата и воопшто функционирањето на единствената македонска парија во Албанија, од причина што во сиот изминат период не се покажа на висина на задачата и немаше никакви реакции во однос на овие асимулаторски напади кон Македонците во Албанија. -Македонската партија во Аланија во изминатиот период не се покажа на висина на задачата и речиси воопшто не се обиде да ги заштити македонските национални интереси на нашето малцинство во Албанија, иако истата е создадена за да ги заштитува, негува и унапредува македонските вредности. За жал во изминатиот период партијата ништо не направи од овие зацртани цели. Освен лични интереси, друго ништо не се направи. Затоа, време е за некакви промени, односно да се тргне од негде и да не се остави работите да си течат сами. Нашиот соговорник вели дека најклучен ќе биде идниот период, односно исходот на изборите и положбата во која ќе бидат доведени Македонците и македонската партија во Албанија. -Клучен ќе биде постизборниот период и положбата во која ќе биде доведено македонското малцинство во Албанија. Доколку се продолжи со истото темпо, во период кога македонското малцинсто пред очите на целата јавност се асимилира, а од нашата партија нема никаква реакција, принудени ќе бидеме да преземеме нови чекори. Тука се разбира спаѓа и создавањето на нова македонска партија која што вистински ќе застане во заштита на македонското население, култура и промоција на македонските вредности. Напоменав и претходно, моментално македонската партија не е на висина на својата задача на која треба да биде и не успева да ги заштити македонските национални интереси. Да поминат парламентарните избори, да се види во која положба е доведена партијата, со тоа што личните интереси ќе бидат тргнати на страна, а доколку се продолжи на ист начин со работа, не останува ништо друго, освен да остани сателит партија, бидејќи истата ја загуби општина Пустец, го загуби пратеничкото место во собранието, односно Стерјовски е поставен високо на 12т-то место на социјалистичката партија, што дополнително ја влошува позицијата на истата, а во меѓувреме исто така умаме уште дополнителни двајца Македонци на листите од другите партии. И токму од овие причини ќе биде клучен идниот период за македонско делување, и токму затоа не се исклучува можноста за создавање на нова македонска партија која најпрвин ќе има за цел инфраструктурно да се постави и да ги привлече сите разодени во своето јадро, а притоа тврдо и немилосредно ќе се бори против сите асимилатори и негатори на македонскиот народ, како во Албанија така и пошироко, вели тој.

Сандра Булок и Ченинг Тејтум во нова трилер-романса

Тале Кристо — Tue, 29 Dec 2020 12:19:27 +0000

Холивудскиот глумец Ченинг Тејтум е во завршни преговори за улога во филмот „Изгубениот град Д“ (The Lost City of D), во којшто ќе се појави и Сандра Булок. Филмот ќе се снима под режисерската палка на Адам и Арон Ни, а во продукција на „Парамаунт пикчрс“. Според првите информации, Тејтум и Булок треба да глумат колеги кои заедно ја промовираат нејзината книга. Заплетот доаѓа при киднапирањето и двајцата се здружуваат за да се спасат. Па, се појавуваат и чувства, што дополнително ја усложнува целата приказна… Идејата за овој филм е на Сет Гордон, а сценариото го напиша Орен Узиел.

Шварценегер ќе глуми во нова шпионска серија

Магдалена Андонова — Tue, 01 Sep 2020 12:35:25 +0000

Легендарниот акционен актер, Арнолд Шварценегер, ќе глуми во новата едночасовна шпионска серија, која ќе се прикажува на „Скајденс“ телевизијата, тврди „Варајети“. Освен главната улога, Шварценегер ќе биде извршен продуцент, а тоа ќе му биде телевизиско деби. Серијата е опишана како шпионска авантура со татко и ќерка во центарот на приказната. Се уште не е познато кој ќе ја глуми ќерката на Арнолд. Со овој проект Шварценегер ќе ја продолжи соработката со „Скајденс“ , која ја оствари на последните два филма за Терминатор.

Објавена нова аудио бомба од министер од владејачка партија

Тале Кристо — Tue, 14 Jul 2020 17:48:55 +0000

На Јутуб се појавија снимки на кои се слушаат гласовите на високи функционери на една владеачка партија кои не бираат метод и начин како да дојдат до глас повеќе, вклучително и со вршење на мобинг и притисоци врз јавната администрација, пишува порталот Лидер. На снимките се слуша како на граѓани им се закануваат со бркање од работно место, дел од нив се вели дека за рака ќе бидат носени на митинзи и партиски настани со цел покажување сила преку бројност на истите. Повеќе прочитајте на Лидер

Нова еколошка катастрофа во северниот дел на Русија

Тале Кристо — Sun, 12 Jul 2020 18:05:17 +0000

Рускиот производител на никел „Норилск никел“ денеска соопшти дека од неговиот цевковод на Арктикот истекле околу 45 тони гориво. Инцидентот се случил кога дошло до пад на притисокот во цевководот за впумпување на гориво во околината на населбата Тухард. „Норилск никел“ наведе дека е затворен цевководот и се собира излеаното гориво, но оти нема опасност по здравјето на луѓето. „Норилск никел“ беше одговорна за инцидентот кон крајот на мај, кога 21.000 тони нафта од електраната протекоа во океанот. Компанијата исто така призна дека исфрлила илјадници тони високо токсичен течен отпад во реките.

Новата австриска Влада стапи на должност

Тале Кристо — Tue, 07 Jan 2020 11:32:00 +0000

Новата австриска Влада на канцеларот Себастијан Курц денеска положи заклетва и стапи на должност. Коалицискиот Кабинет е составен од конзервативната Народна партија на Австрија на Курц со партнери – Зелените. Вицеканцелар е Вернен Коглер, кој ќе го раководи Министерството за спорт и јавни служби. Точно 100 дена од предвремените парламентарни избори, Австрија доби нова влада од која, како што рече претседателот Александар ван дер Белен, граѓаните имаат големи очекувања. Канцеларот Курц, кој вторпат ја предводи Владата, е повторно најмладиот државник во светот. Ова е најмладата влада и влада со најголем процент жени – повеќе од 53 проценти од министрите.