новак ѓоковиќ – Kurir.mk

Ѓоковиќ победува и со стомачен вирус

Бошко Тасиќ — Fri, 03 Nov 2023 05:19:15 +0000

Новак Ѓоковиќ имаше евидентни проблеми и не покажуваше нервоза која е карактеристична за него на секој меч, па дури и во ситуација кога ситуацијата изгледаше доста сложена за него. Грикспор направи пресврт во првиот сет и го искористи големиот пад на Ноле за да врзе пет гејма во низа, но кога се чинеше дека Србинот ќе биде во голема неволја поради физички проблеми, светскиот рекет број еден уште еднаш ја демонстрираше својата истрајност. Иако беше далеку од најдоброто ниво, Ноле успеа да се одржи во егал ситуација и го доби вториот сет во тајбрејкот, за потоа да добие дополнителна енергија и да го добие и третиот за пласман во четвртфиналето. По победата од 4:6, 7:6 и 6:4, Ноле доби директно прашање за проблемот кој беше очигледен, а Србинот откри дека се мачи со стомачен вирус во изминатите неколку дена. – Не сакам да одземам ништо од играта која ја прикажа Грикспор. Играше на високо ниво и ќе заслужеше ако победеше. Јас почнав добро, но останав без гориво и без енергија кога ми направи брејк. Имам проблем со стомакот, не се чувствував добро на теренот.Имам некој стомачен вирус, веќе неколку дена минувам повеќе време на тоалетната школка, отколку на теренот. Но, најважно е што пронајдов начин да се извлечам. Бев блиску до пораз, но пронајдов начин да се вратам. Се обидував само да го задржам својот сервис и да дојдам до тајбрејк, а потоа се чувствував подобро и среќен сум што ја минав оваа пречка, – изјави Србинот.

ВИДЕО: Ова никој не го очекуваше – Новак Ѓоковиќ во друштво на Рита Ора го гледаше финалето на СП во рагби

Ивона Петрова — Sun, 29 Oct 2023 16:33:46 +0000

Финалето во Светското првенство во рагби се одржа вчеравечер меѓу Нов Зеланд и Јужна Африка, а на трибините беше и Новак Ѓоковиќ, кој е во Париз пред почетокот на Мастерсот во Париз. Ноле беше во неочекуваното друштво на познатата пејачка Рита Ора.

Novak Djokovic just got caught out in the crowd with Rita Ora 😂😂😂😂 pic.twitter.com/m9hLZ7ohfu
— Parody Pablo ⚒️ (@ParodyPabs) October 28, 2023

Тие двајца не беа единствените познати личности на трибините, бидејќи таму беше и Софи Тарнер, познатата актерка од серијата „Игра на тронови“, како и тенискиот ас Роџер Федерер.

Roger Federer watching the 2023 Rugby World Cup Final 👀🇿🇦#RWCFInal pic.twitter.com/TrgNZAQnHY
— Relevant Tennis (@RelevantTennis) October 28, 2023

Страшна трагедија го погоди тенискиот турнир: Ѓоковиќ и Надал итно се огласија (ФОТО)

Ивона Петрова — Sat, 28 Oct 2023 18:40:17 +0000

Ураганот Отис го погоди тенискиот стадион Акапулко во Мексико. По тој повод се огласија и Новак Ѓоковиќ и Рафаел Надал. Двајца тенисери испратија пораки со поддршка на социјалните мрежи. -Тажно е да се видат сликите од уништувањето предизвикано од ураганот Отис, на место каде што сум играл толку многу пати. Храброст и сила за сите во Акапулко, напиша Надал.

View this post on Instagram

A post shared by Rafa Nadal (@rafaelnadal)

Мексиканската влада објави дека ураганот однел 27 животи и предизвикал огромна материјална штета. Тежок удар доживеа и тенискиот комплекс во Акапулко каде се игра познатиот турнир од серијата АТП 500. Ѓоковиќ никогаш не го освоил овој турнир, додека Надал има три титули.

Калин Ивановски во Белград тренира со Новак Ѓоковиќ

Бошко Тасиќ — Wed, 25 Oct 2023 04:33:40 +0000

Најдобриот македонскиот тенисер, Калин Ивановски, одработи тренинг со најдобриот тенисер во светот, Новак Ѓоковиќ. Ивановски ова го објави на својот профил на „Инстаграм“. Ивановски и Ѓоковиќ се знаат од порано, а во една прилика светскиот број 1 изјави дека би сакал да одигра меч со Македонецот.

Новак Ѓоковиќ во друштво на „Барби“: Погледот на актерката кажува повеќе од 1000 зборови (ФОТО)

Ивана Ефремовски — Sat, 21 Oct 2023 14:04:09 +0000

Новак Ѓоковиќ, освен што е вистински професионалец кога е во прашање неговата работа, важи и за една од најпопуларните јавни личности во светот, па не е ни чудо што многумина се негови обожаватели. Покрај тоа што го обожаваат милиони фанови, тој е сакан и од познати личности, меѓу нив и многу холивудски фаци. Една од нив е веројатно најпопуларната жена во светот во моментов - Марго Роби. Марго и пред да ги сруши сите рекорди со популарниот филм „Барби“, беше обожавател на Ѓоковиќ, а доказ за тоа е фотографија направена пред една деценија. Двајцата беа фотографирани на меч кој се одржа во 2013 година во Аргентина, каде Новак играше против Надал. Марго во тоа време снимала филм во Буенос Аирес, па таа и нејзиниот партнер Вил Смит одвоиле време да одат на овој натпревар. Колку Марго била воодушевена од Новак, можете да видите на фотографијата каде е во екстаза, бидејќи не можела да го сокрие тоа, а сликата кажува повеќе од 1000 зборови.

😌😌😌😌 pic.twitter.com/bcyWZ4jgH9
— sunshine. (@crazyheadimp) January 24, 2023

Ѓоковиќ и Алкараз ќе играат пред 40.000 гледачи во Саудиска Арабија

Бошко Тасиќ — Fri, 20 Oct 2023 04:20:38 +0000

Првиот и вториот светски рекет ќе ги одмерат силите до крајот на годината во меч кој ќе се игра во Саудиска Арабија. Нема сомневање дека тениските фанови едвај чекаат повторно да ги гледаат Ѓоковиќ и Алкараз еден против друг, а такво нешто до крајот на годината сигурно ќе се случи Саудиска Арабија. Последен пат двајцата најдобри тенисери во овој момент ги вкрстија копјата на мастерсот во Синсинати. Ќе настапуваат Ѓоковиоќ и Алкараз во Париз (од 28. ноември до 5. октомври) и на мастерсот во Торино (од 12. до 19. ноември), додека во Саудиска Арабија ќе одиграат еден меѓусебен меч.

Конорс го предупреди Алкараз за неговите коментари за Ѓоковиќ

Бошко Тасиќ — Sun, 08 Oct 2023 06:19:56 +0000

Легендарниот американски тенисер Џими Конорс ја коментираше изјавата на Карлос Алкараз дека Новак Ѓоковиќ постојано му е во мислите. Шпанскиот тенисер е во Шангај, каде уште еднаш подвлече дека целта му е до крајот на годината да го престигне Ѓоковиќ. „Нема да лажам. Новак Ѓоковиќ ми е во мислите на секој тренинг. Тренирам со цел, на турнири одам со цел. Се обидувам да ја завршам годината на прво место, па Новак Ѓоковиќ ми е во мислите. Речиси на секој тренинг“, изјави Алкараз низ насмевка за „Тенис ТВ“. Наскоро стигна одговорот на Конорс. “Алкараз рече дека секогаш кога тренира, кога игра, мисли на Ѓоковиќ. Мојата првата мисла е дека можам да разберам дека иако Алкараз го победи Новак и тоа беше нешто како “трн во око”. Мора да бидете внимателни кога тоа го кажувате затоа што тогаш се подготвувате за само еден играч. Исто така, разбирам ако си кажеш дека ако играш доволно добро за да го победиш тој човек, ќе ги победиш и другите. Но, тоа не е нужно точно, бидејќи другите тенисери играат поинаку како што мможевме да видиме и во мечот против Синер. Јаник Синер неодамна го совлада Алкараз со 7:6 (4), 6:1 во полуфиналето на Мастерсот во Пекинг и потоа ја освои титулата во финалето по дуелот против Данило Медведев.

ОВОЈ ФУДБАЛЕР МУ Е КУМ НА ЃОКОВИЌ: Се женел двапати, а особено втората е манекенка која е вистинска секс бомба (ФОТО)

Дарко Андоновски — Thu, 05 Oct 2023 18:35:13 +0000

Во 2014 година најдобриот тенисер на светот Новак Ѓоковиќ се ожени со својата долгогодишна девојка Јелена Ристиќ. Прославата се одржа на Свети Стефан во Црна Гора, а кум на Ноле беше неговиот школски другар, фудбалерот Невен Марковиќ. Една година подоцна, Новак му беше кум на Невен на неговата свадба со Александра Танасковиќ. Невен и Александра ја добија ќерката Ина, а по пет години брак – решија да се разведат. Марковиќ подоцна најде нова љубов – манекенката Наташа Дерикоња од Босна и Херцеговина. Невен се оженил и со Наташа, а кум повторно му бил Ѓоковиќ. Според „Стил“, Наташа дипломирала на Факултетот за технички науки и е инженер по пејзажна архитектура. Покрај тоа, таа се занимава и со манекенство и ги красеше насловните страници на бројни списанија. Невен постојано зборуваше за пријателството со Новак. „Нашето пријателство е безгранично. Бевме секогаш еден за друг, во среќа и радост, но и во тешки животни ситуации, кои можеби беа премногу за момците што бевме. Пријателството опстана благодарение на разбирањето, почитта и борбата за него“, изјави своевремено Невен Марковиќ и додаде: „Тој е фантастичен. Грижлив, секогаш подготвен да слуша и да помогне. Без разлика на сè што постигнал, тој секогаш се сеќава на своите пријатели. Тој има многу пријатели ширум светот, а јас не познавам личност која би можела да каже лош збор за него или да има други чувства освен почит и восхит“.

Фановите на Ѓоковиќ лути на Кинезите: Признанието „Икона на спортот“ оди кај Федерер!

Ристе Здравков — Fri, 29 Sep 2023 17:55:30 +0000

Новак Ѓоковиќ со освоениот трофеј на УС Опен, на еден начин ја затвори дилемата за тоа кој е најдобриот тенисер на светот во историјата. Ноле во Њујорк го прослави 24 Грен слем трофеј и со тоа го подобри својот рекорд кога во прашање се најдобрите АТП турнири, но сè уште се наоѓаат причини за да го минимизираат неговиот успех. Дека некои сè уште се обидуваат, покажува и последниот потег и фиктивната награда за Роџер Федерер. Организаторите на турнирот во Шангај решија новото признание кое се нарекува „Икона на спортот“ прво да му го доделат на Швајцарецот. Ништо од тоа не би било толку чудно доколку Србинот четири пати не го освоил турнирот во овој град, им зборувал и на кинески и на тој начин покажал голема почит кон културата и кон сите. Федерер двапати беше најдобар (во 2014 и 2017 година, кога Новак не учествуваше). Директорот на турнирот Мајкл Луевано ќе му ја врачи наградата. „Врз основа на нашето долгогодишно пријателство со Роџер и неговиот „Тим 8“ и менаџерската компанија, веруваме дека тој е повеќе од спортист за овој град, затоа го воспоставивме ова прво меѓународно признание што ќе му го доделиме“, рече Луевано. Турнирот во Шангај има Мастерс статус и се одржува од 2009 година.

Уште еден доказ дека Ѓоковиќ е крал на тенисот: Важен детаљ од статистиката за последниве 10 години

Ивана Ефремовски — Thu, 28 Sep 2023 18:54:01 +0000

Новак Ѓоковиќ со 36 години е најдобриот тенисер на планетата, што само по себе е достојно за секаква почит во конкуренција на помладите талентирани ривали. Сепак, не сите се склони да ги признаат достигнувањата на Ноле и често да ги минимизираат неговите успеси. Тие се особено гласни кога се во прашање споредбите со Роџер Федерер и Рафаел Надал, но уште еден во низата податоци што одат во прилог на српскиот ас “ископаа“ вредните статистичари. Имено, последен пат Новак загуби сет против Шпанецот на тврда подлога пред приближно десет години, на УС Опен во 2013 година! Тогаш Рафа победи со 3:1 во финалето. Двајцата од тогаш немаат одиграно многу натпревари, само девет, но Надал секој пат губеше со максимален резултат. Податоци кои добиваат уште поголемо значење кога се знае дека во тие десет години Ноле загуби 62 сета на тврд терен.