новаќ ѓоковиќ – Kurir.mk

Ѓоковиќ откри како ја запросил Јелена: Се’ не се одвивало според планираното, балонот се запалил

Ивона Петрова — Wed, 04 Jan 2023 13:17:24 +0000

Начинот на кој тенисерот Новак Ѓоковиќ ја запросил сопругата Јелена по многу нешта бил невообичаен. Ноле по неколку години врска одлучил да ја запроси Јелена. Го смислил целото сценарио, но се не се одвивало според планираното. - Изнајмив два балони, во едниот бевме јас и Јелена, а другиот требаше да пушти порака на која пишува: „Ќе се омажиш ли за мене“. Проблемот настана кога балонот се запалил! Јелена почна да паничи: „О Боже! Имаме дупка во балонот!“ – рекол Ноле во емисијата на Греам Бесинџер. Ноле е еден од спортистите со најдобра концентрација, што се докажало и во оваа ситуација. Тој не дозволил овој ненадеен настан да го исфрли од фокусот и се свртел кон човекот кој управувал со балонот. - Се свртев кон возачот и му реков „Ве молам помогнете. Ќе ја пропуштам шансата. Во тој момент се појави уште еден балон со порака. Кога Јелена се сврте да види што пишува, клекнав и го извадив прстенот. Така се веривме, изјави Ноле. А едно од најубавите и најлудите искуства во нивните животи Јелена го опиша од нејзина гледна точка. - Тогаш видов уште еден балон на кој се појави, како што мислев тогаш, реклама. Помислив „Дали тој е луд, што ќе прави оваа реклама во тоа време“, а потоа само прочитав што пишува. Се свртев, а тој веќе клечеше со прстенот, открила Јелена. Парот се венчаше во 2014 година на Свети Стефан.

Ѓоковиќ со голем респект кон сестрите Вилијамс

Ристе Здравков — Fri, 31 Aug 2018 09:12:45 +0000

Српскиот тенисер Новак Ѓоковиќ рече дека многу ги респектира сестрите Серена и Венус Вилијамс поради начинот на кој ги играат меѓусебните дуели. Американките денес на УС Опен ќе имаат дуел во рамките на третото коло. - Искрено не знам како го прават тоа. Многу ги почитувам. Јас имам двајца помали браќа, си замислувам како би било да играм против еден од нив, но навистина не знам. За среќа, нема да го доживеам тоа, бидејќи не знам дали би можел да играм толку жестоко против брат ми,. Но сестрите Вилијамс го прават тоа. Тие играа 30 пати меѓусебено, тоа е импресивно, тие се инспирација за сите нас, рече Ѓоковиќ. Ѓоковиќ на Отвореното првенство на САД во третото коло ќе игра против Французинот Ричард Гаске.

Циципас: Ѓоковиќ не беше подготвен и делуваше уморно

Матеја Петровски — Fri, 10 Aug 2018 20:57:07 +0000

Грчкиот тенисер Стефанос Циципас изјави дека се чувствува среќно, откако во осминафиналето на Роџерс купот го совлада најдобриот српски тенисер Новак Ѓоковиќ. За Циципас ова е најзначајна победа во неговата кариера, а во првиот дуел против Ѓоковиќ победи со 2:1 во сетови по два часа и 18 минути игра. - Навистина е неверојатно. Никогаш не сум бил толку среќен. Одиграв перфектно. Излегов на теренот со мали очекувања, а остварив толку важна победа. Новак не беше сосема подготвен, а делуваше и уморно. Јас го искористив тоа и играв агресивно, добро сервирав и уживав на теренот, нагласи 19-годишниот тенисер. Циципас во четвртфиналето ќе се соочи со германскиот тенисер Александар Зверев.