Новаци – Kurir.mk

Бизнисмени од Турција ќе инвестираат во индустриската зона Новаци

Ивана Ефремовски — Fri, 25 Nov 2022 11:58:38 +0000

Бизнисмени од Сакариа, Турција, предводени од Умит Карајака, претседател на тамошната Стопанска комора, ќе инвестираат и продолжат со својот бизнис во индустриската зона Новаци. Делегацијата од 24 успешни бизнимени во Турција на средба со градоначалникот Стевче Стевановски во Новаци потврдија дека се подготвени да купат градежно земјиште, а во знак на поддршка општината ќе го зголеми опфатот на индустрската зона и ќе објави оглас за лицитација на земјиштето. -Сите заедно имаме иста цел, да направиме раст и развој во Општина Новаци, да отвориме нови работни места и да го подобриме квалитот на живот на населението кое гравитира во овие простори и во поширокиот регион. Во рамки на новиот урбанистички план за Новаци, предвидуваме проширување на Индустриската зона затоа што заинтересираноста на потенцијалните инвесритори се зголемува. Ако ја постигнеме оваа цел која ја договоривме со бизнисмените од Турција, тогаш ќе имаме голем дел од Сакариа во Новаци, посочи градоначалникот Стевановски. Бизнисмените од Турција располагаат со готови проекти за изградба на фабрики и се фокусирани на тексилната индустрија, градежништвото, производство на амбалажа, мебел и делови за автомобилска и дрвна индустрија. -Посакуваме постапките што ќе следат за продажбата на земјиштето, подготовката на основните проекти за изградба на фабриките, правилата и законските прописи и регулативи да се одвиваат подинамично, за да можеме навреме да ги реализираме нашите стратешки планови, нагласија Карајака, претседател на Стопанската комора во Сакариа. Општина Новаци со стопанственици и градоначалници од Турција негува пријателски односи подолг времени период. (МИА)

Кандидатите на ВМРО-ДПМНЕ победија во Могила и Новаци

Ивана Ефремовски — Mon, 18 Oct 2021 08:01:34 +0000

Кандидатите за градоначалници на ВМРО-ДПМНЕ во Могила и Новаци вчера, во првиот круг на локалните избори добија убедлива победа. Драганчо Саботковски од ВМРО-ДПМНЕ е новиот градоначалник на Могила. Тој освои 57,28% од гласовите. Кандидатот на СДСМ Јасмина Гулевска изгуби со 36,81% освоени гласови. Новаци доби градоначалник во првиот круг. И таму победи кандидатот на ВМРО-ДПМНЕ. Стевче Стевановски освои 51,29% од гласовите на граѓаните.

Отворени избирачките места во пелагониските општини Демир Хисар, Могила и Новаци

Тале Кристо — Sun, 17 Oct 2021 07:42:16 +0000

Во 7 часот се отворени сите избирачки места во пелагониските општини Демир Хисар, Могила и Новаци. Технички проблеми регистрирани се само на едно избирачко место во Општина Демир Хисар. Во Општина Демир Хисар право на глас имаат 6.959 полнолетни граѓани, во Општина Могила право на глас имаат 5.193 лица, а според Единствениот избирачки список, во Општина Новаци право на глас имаат 2.868 лица.

Трипуновски: Новаци ќе ја води домаќин човек!

Ивана Ефремовски — Fri, 15 Oct 2021 21:02:55 +0000

Новаци ќе ја води домаќин човек, порачува Цветан Трипуновски од ВМРО-ДПМНЕ. Кандидатот за градоначалник на ВМРО-ДПМНЕ, Стевче Стевановски, вечерва беше меѓу граѓаните со кои зборуваше за неговата програма и проектите кои има за цел да ги исполни доколку ја добие нивната доверба.

Митинг на ВМРО-ДПМНЕ во Новаци

Тале Кристо — Fri, 01 Oct 2021 13:03:53 +0000

Денеска со почеток од 16:00 часот ВМРО-ДПМНЕ ќе одржи митинг во Новаци. Истиот ќе биде пред општинската зграда, а ќе се обрати членот на ИК на ВМРО-ДПМНЕ Владимир Ѓорчев. Митингот на ВМРО-ДПМНЕ во Новаци можете да го проследите во живо на Курир.

Бомба од Втората светска војна најдена во Новаци

Ивана Ефремовски — Thu, 02 Sep 2021 16:47:26 +0000

На 01.09.2021 во Полициското одделение Новаци , Л.П.(68) од с.Новаци пријавил дека при изградба на куќа во дворното место во с.Новаци била пронајдена стара неексплодирана рачна бомба од Втората светска војна. Бомбата била безбедно подигната од пиротехничар од Дирекцијата за заштита и спасување.

Сточарите од Новаци излегоа на протест: Бараат поголема откупна цена на млекото и исплаќањето на заостанатите субвенции

Дарко Андоновски — Fri, 02 Oct 2020 11:54:19 +0000

Сточарите од Пелагонија со блокирање на Новачкиот пат денеска излегоа на четвртиот протест бидејќи како што велат трошоците за производство на млеко постојано растат, а откупната цена на млекото со години е иста од 16 до 21 денар во зависност кој какви привилегии и врски има. Како што велат власта нема слух и сеуште не ги плаќа субвенциите за 2019 година барајќи ги ветените пари за субвенции што законски им следуваат. -Денеска сме тука собрани да му кажеме на министерот, да и кажеме на владата, на старо новиот заменик министер дека ние како сточари немаме земено целата 2019 година, еве цела ќе заврши 2020 година, плус не знаеме дали месеци од 2020 година за време на короната, кои тие велеа ќе ги пријават млекарите, ние имаме информација дека не се пријавени тие, бараме да ни се исплати цела 2019, пола 2020 година и субвенциите за по грло за 2020 година, вели еден сточар. На протестот можеа да се слушнат разни проблеми, но и многу песимизам на тукашните фармери околу нивната натамошна судбина. -Сточарството во Македонија се уништува и немаме излез, немаме сила и нашите деца не сакаат повеќе во сточарството. Еве ќе кажам дека премерот Заев од село Муртино и тој како земјоделец, како од огништето на селото, не дојде да кажи еднаш дека ние сега ќе му помогнеме на селанецот, вели загрижен сточар. Власта наместо да ни помогни, таа се зголемува. Шарен јазик, син јазик само дополнителни давачки, а доколку тоа кај нас го нема. Струјата, па се е поврзано со струјата, ако не е таа струја ние како ќе ги одржаваме кравите од молзење од се и за нас веќе не остана и нардоски речен ни изметот, поточно ни лепешката вели револтиран сточар од несоодветниот третман на владата со сточарството во државата. Се појасно е дека разочараноста има основ, а тоа го потврдува и фактот што огромен број на сточари во Пелагонија ги затворија своите фарми, а како што велат само во Могила не така одамна над 300 куќи сточареле а сега останаа уште 30 фамилии. Сточарите поставија ултиматум за исплата на субвенциите од 7 дена, а во спротивно рекоа дека ќе следат радикални мерки од сите сточари во државата. Од подрачната единица за земјоделие, велат дека субвенциите за 2019 година ќе се исплатат по ребалансот на Буџетот, додека субвенциите за 2020 година ќе се исплаќаат во 2021 година.

Блиски до СДСМ: Кои се лицата инволвирани во тепачката во Битола? (ВИДЕО)

Ивана Ефремовски — Sun, 19 Jul 2020 17:00:23 +0000

Утрово во кафе барот „Baroom“ во Битола со ладно оружје беа нападнати две лица. Насилниците, чиј идентитет е познат во нашата редакција се со исто презиме. Станува збор за браќата И.А. и В.А. Овие две лица кои крвнички нападнаа други две лица инаку работат како обезбедување на градоначалникот на СДСМ, Љубе Кузмановски од Новаци. Но, познати во круговите на СДСМ се и нападнатите лица. Претепаниот З.П. со прекар Шваба е лице кое ги добива тендеритево РЕК Битола преку фирмата СВ Инвест. Вториот нападнат, З.П со прекар Тарзан е вработен како шеф на обезбедувањето во РЕК Битола.

Жител на Новаци поради знамето со сонцето од Кутлеш ја изгубил работата

Тале Кристо — Wed, 17 Jun 2020 17:29:44 +0000

Дали партиската тупаница на власта во битолско Новаци во предизборие, започна да ја покажува својата сила? Така барем може да се рече според она што го снајде Јован Пецуровски со неговото семејство во кое има две непркнати дечиња. Тој е дојденец од Радовиш и досега работеше во фирмата подизведувач “Ремонт“ во РЕК “Битола“. Меѓутоа, откако деновиве на кровот од својата куќа го поставил знамето со сонцето од Виргина, како што вели, добил закани од новачкиот градоначалник Љубе Кузмановски, а потоа ја изгубил работата. -Се мачев и менував фиорми, а сега последно откако го кладов знемето на куќата, јас останав без парче леб. Градоначалникот истата вечер ми прати човек и човекот ми рече знамето да го тргнам сместа оти така рече градоначалникот. сабајлето станав и со жената сипиевме кафе, а истиот човек дојде и ми рече дека градоначалникот те вика на разговор. Појдов на разговор, се поздравивме и го прашав што е работата. Тој ми рече, Јован зошто го ставаш знамето и ме страмиш, плус на фејсбук имаш напишано статус. Му реков дека немаше да го напишам, ама поради тоа знаме останав без работа- рече Јован Пецуровски. Сопругата на Јован, Катерина зема средства за породилно отсуство, меѓутоа со таков скромен буџет и четири гладни усти, куќа не се крепи. -Додека земам породилно, ќе тераме некако. Ама за понатака? Тешко е, сметки немаме платено, кредитот не ни е платен, со две деца теко е- рече сопругата Катерина. Градоначалникот на Новаци, вели дека претходно му помогнал на Јован да се вработи во оваа фирма и категорично одрекува дека интервенирал да ја изгуби работата. Од ДООЕЛ “Ремонт“ велат дека заради намален број на сати го намалиле бројот на вработени на отпепелувањето и дека по десет до петнаесет дена, повторно ќе бидат повикани, а меѓу нив и Јован. Извор: Алфа телевизија

Ѓурултија во Новаци: Градоначалникот исвиркан од земјоделците додека траеше трибината со Цветан Трипуновски

Предраг Кукиќ — Fri, 07 Feb 2020 12:27:08 +0000

Градоначалникот на општина Новаци Љубе Кузмановски, вечерва беше исвиркан од своите сожители откако се обиде да го „поправи“ дополнителниот министер за земјоделство Цветан Трипуновски, потсетувајќи го дека како министер требало да го користи името Република „Северна“ Македонија Градоначалникот на општина Новаци Љубе Кузмановски, вечерва беше исвиркан од своите сожители откако се обиде да го „поправи“ дополнителниот министер за земјоделство Цветан Трипуновски, потсетувајќи го дека како министер требало да го користи името Република „Северна“ Македонија Додека траше посетата на Новаци каде пред земјоделците се обрати дополнителниот министер за земјоделство Цветан Трипуновски, кој секојдневно е на терен каде ги слуша проблемите со кои се соочуваат фармерите, градоначалникот се обиде да го поправи укажувајќи му дека не го користел „Северна“ во името Р.Македонија. На ова жестоко реагираа присутните земјоделци кои го исвиркаа градоначалникот и му порачаа дека „никогаш нема да биде Северна“ туку само „Македонија“. ИЗВОР: ИНФОМАКС

Ѓурултија и во Новаци, исвиркан градоначалникот на Новаци! Ѓурултија и во Новаци, исвиркан градоначалникот на Новаци! Gepostet von infomax.mk am Donnerstag, 6. Februar 2020