нови членови – Kurir.mk

Избрани нови членови на Одборот за доделување на државната награда „23 Октомври”

Тале Кристо — Wed, 25 Jan 2023 11:46:15 +0000

На денешната 20.седница на собраниската Комисија за прашања на изборите и именувањата, филмологот Мими Ѓоргоска Илиевска е избрана за претседател на Одборот за доделување на државната награда „23 Октомври” за долгогодишни остварувања во областа на науката, културата, образованието, државните интереси и промоција на државните приоритети, вредности и културно-историското наследство во Републиката. За нови членови на овој Одбор беа избрани Милован Стефановски, писател, Роландо Котиров, спортски работник, Љубиша Станковиќ, новинар, Љира Боку, писателка, Марија Пандевска, историчар, Томислав Османли, писател, Перо Арсовски, актер, Љуљзим Хазири, писател, Сергеј Андреевски, уметник, Лидија Милковиќ, доктор, Слободан Деспотовски, филмски работник и Елена Грујовска, универзитетски професор. На дневен ред на оваа собраниска Комисија беше и точката Предлог-Деловникот за изменување на Деловникот на Комисијата за прашања на изборите и именувањата на Собранието. Претседателката на Комисијата за прашања на изборите и именувањата, Марија Георгиевска информира дека до почетокот на денешното продолжение на 20. седница не се доставени предлози за изменување на Деловникот на собраниската Комисијата за прашања на изборите и именувањата. Таа потенцира дека за да може Комисијата да расправа по оваа точка потребно е предлозите за изменување на Деловникот на Комисијата да бидат доставени во писмена форма до претседателот, односно до Комисијата за прашања на изборите и именувањата. Георгиевска ја прекина работата со оваа седница на Комисијата, а дополнително ќе бидат известени членовите на Комисијата за нејзното продолжување.

Новите членови на грчката Влада положија свечена заклетва

Тале Кристо — Tue, 05 Jan 2021 15:01:31 +0000

Поделени во три групи, со претходно направен рапид тест за Ковид-19 и под зголемени мерки за заштита од коронавирусот, новите членови на грчката Влада денеска во претседателската палата положија свечена заклетва, јави дописничката на МИА од Атина. Свечената заклетва на 20 министри, заменици и алтернативни министри, од кои некои се нови, а други со нова позиција, беше дадена пред претседателката на државата Катерина Сакеларопулу и премиерот Кирјакос Мицотакис, по вчерашната реконструкција на Владата. Со исклучок на двајца заменици министри, останатите положија религиозна заклетва, додека пак сите, пред свеченоста, со рапид тестови беа тестирани за Ковид-19. Поради пандемијата и мерките на ограничување, министрите кои положија религиозна заклетва беа поделени во три групи по шест лица.

Џонсон именуваше нови членови на Домот на лордовите

Магдалена Андонова — Sat, 01 Aug 2020 07:12:15 +0000

Британскиот премиер Борис Џонсон вчера именуваше 36 нови членови на Домот на лордовите, вклучително неговиот брат, неколкумина истакнати прврзаници на Брегзит, како и сопственик на медиуми, роден во Русија, чиј татко беше агент на КГБ. На листата на нови членови е и поранешната крикет ѕвезда Јан Ботам, приврзаник на Брегзит. Поранешните министри за финансии Јен Кларк и Филип Хамонд, кои беа против Брегзит, исто така се именувани за членови на Домот на лордовите. Како и Евгениј Лебдев, сопственик на весниците Индепендент и Ивнинг стандард. Татко на Евгениј е рускиот олигарх Алекдандар Лебедев, кој работеше за КГБ. На листата е е и лидерката на шкотските конзервативци Рут Дејвисон, заедно со братот на Џонсон, Џо, кој беше против Брегзит и минатата година ја напушти Владата поради несогласвање со нејзината полиитка, Поголемиот број именувани кандидати се во сојуз со владејачката Конзервативна партија на Џонсон, а има и поранешни пратеници од опозициската Лабиуристичка партија, кои го поддржаа Брегзит. (MИА)

Друштвото на писателите на Македонија прими осум нови членови

Ивона Петрова — Fri, 16 Feb 2018 08:38:15 +0000

Друштвото на писателите на Македонија прими осум нови членови: Живко Грозданоски, Фросина Пармаковска, Игор Станојоски, Ана Мартиноска, Славица Гаџова Свидерска, Лира Бојку, Тихомир Јанчовски и Михајло Свидерски. - Новите членови на ДПМ се од редот на младите генерации и се силно присутни на книжевната сцена, со препознатливи вредности и специфики, со висока книжевна наобразба и култура. Нивните дела од областа на прозата, поезијата, есеистиката, книжевната наука и преводот, се предмет на интересирање на читателската публика и критиката и се впечатлив дел од новите тенденции во македонската литература, соопшти ДПМ. Друштвото наведува дека со приемот на новите членови ја продолжува практиката на подмладување на писателската асоцијација. Во изминатите неколку години примени се триесетина афирмирани автори, со просечна возраст од 26 години во моментот кога станале членови во ДПМ.