нови детали – Kurir.mk

Нови детали за несреќата во која загина Сала, пилот знаел за проблемите со авионот

Тале Кристо — Wed, 21 Sep 2022 15:44:00 +0000

Пилотот Дејвид Иботсон, кој управуваше со авионот при несреќата во која во 2019 година, покрај него, загина и аргентинскиот фудбалер Емилијано Сала, уште пред полетувањето бил свесен за проблемите со леталото, јави денеска Би-Би-Си. Сала загина на пат од Нант кон Кардиф откако двата клуба претходно се договорија за трансфер на 28-годишниот аргентински фудбалер. Новите детали за авионската несреќа се поврзани со аудио снимка на која може да се слушне како пилотот Иботсон во разговор со пријатели наведува дека леталото е „опасно“ и оти ќе носи „појас за спасување“ на летот од Франција до Велс. Малиот приватен авион се урна во Ла Манш на 19 јануари 2019 година. Подоцна беше утврдено дека 59-годишниот Иботсон не поседувал дозвола за комерцијални и ноќни летови. Неговото тело сè уште не е пронајдено.

Нови детали за пукањето во Илинос, САД: Осомничениот испукал 70 куршуми кон учесниците на парадата

Тале Кристо — Tue, 05 Jul 2022 18:50:37 +0000

Осомничениот за вооружен напад за време на парадата на Денот на независноста на 4 јули во близина на Чикаго испукал „повеќе од 70 куршуми“, изјави денеска претставник на локалната полиција, пренесува Си-Ен-Ен. Осомничениот, идентификуван како Роберт Е. Кримо III, легално ја купил пушката од која беше пукано на вчерашната парада во северното предградие на Чикаго. Полицијата соопшти дека тој поседувал друга пушка, која била пронајдена кога полицијата го запрела во возилото. Во неговата куќа биле пронајдени неколку оружја. Претставник на полицијата изјави дека „според сите индиции“ Кримо сам го извршил нападот. Тој додаде дека полицијата верува дека Кримо го планирал нападот неколку недели однапред. Полицијата се уште не го утврдила мотивот за нападот.

Нови детали за кобната ноќ пред сообраќајката во која загина Шабан Шаулиќ: „Се е јасно, јас не сум виновен!“

Дарко Андоновски — Mon, 25 Feb 2019 14:14:53 +0000

Пејачот Шабан Шаулиќ претходната недела почина во тешка сообраќајна несреќа во Германија. Во медиумите се појавија написи во кои наводно семејството на Шабан е огорчено на менаџерот на познатиот пејач, Сабит Дервишевиќ Саше, кој наводно ноќта кога се случила сообраќајката не пратил возач по пејачот. Се појавија и нови детали кои се однесуваат на ноќта пред сообраќјаката. Имено, менаџерот тврди дека тој не е виновен за смртта на Шабан велејќи дека сопруга на пејачот знае за што се работи. „Се’ е јасно. Нека тој соговорник ја праша Гоца за мојот пост. Гордана и јас сме шефови на екипата. Ако Гордана вели дека јас сум виновен, дека јас одлучив што, како и каде, тогаш може да пренесува. Останатото не ме интеренсира, јас добро знам. Јас добро знам се, како дојде до тоа тој да лета за Дизелдорф, а не е ни време, ни место, ни момент да дискутирам за тоа се додека не се огласи Гордана Шаулиќ. Тој соговорник нека праша кој одлучил“ вели Сабит за „Телеграф“. Наводно Шабан таа вечер одлучил да не спие во хотел во Дизелдорф, туку во Билефелд. За оваа негова одлука сведочи уште еден човек кој се огласи на Фејсбук тврдејќи дека тој наводно ги одвезел Шаулиќ и Слободан за Билефелд кога пејачот одлучил таму да се одмори по настапот.

За потсетување, несреќата се случи во околината на Билефелд каде што пејачот пеел.