Назначени нови директори на Клиниката за дерматовенерологија и на Клиниката за кардиологија

Катерина Бојаџиева — Sat, 14 Oct 2023 13:40:18 +0000

Министерот за здравство д-р Фатмир Меџити именуваше нови медицински директори на Клиниката за дерматовенерологија и на Клиниката за кардиологија. На Универзитетската клиника за дерматовенерологија за нов в.д. медицински директор е назначен д-р Дејан Филиповиќ, кој од 2018 година е вработен на оваа клиника како специјалист дерматовенеролог и асистент по дерматовенерологија при Медицинскиот факултет во Скопје. Тој, во моментот е докторанд на клиничка медицина, во областа дерматовенерологија, на Универзитет „Кирил и Методиј”, член на Здружението на дерматовенеролози на Македонија, како и член на Европската академија за дерматологија и венерологија. Исто така, за нов медицински в.д. директор на Универзитетската клиника за кардиологија е назначен д-р Беким Поцеста, долгогодишен специјалист по кардиологија, кој од 2005 година е вработен на Клиниката за кардиологија на одделот за интензивно лекување, како и во службата за електрофизиологија и имплантација наелектростимулациски уреди. Во 2019 година се стекнал со звање примариус, а има искуство и како директор на УК за кардиологија од јули 2017 до февруари 2018 година.

Штипските градинки „Астибо“ и „Вера Циривири-Трена“ имаат нови директори

Тале Кристо — Thu, 21 Sep 2023 16:01:12 +0000

Штипските градинки „Астибо“ и „Вера Циривири-Трена“ имаат нови директори. За вршител на должност директор на детската градинка „Вера Циривири Трена“ е назначена Ивана Арсов, а на детската градинка „Астибо“ е Илија Митров. Од кабинетот на градоначалникот на Општина Штип, Иван Јорданов, информираат дека двајцата директори на позицијата се од 12 септември. Митров доаѓа од позиција стручен соработник – музички педагог, а Арсов претходно била советник сметководител. Од Општина Штип во однос на причината за овие директорски промени велат дека станува збор за зајакнување на капацитетите. - Општина Штип работи во насока на зајакнување на капацитетите на сите институции под наша надлежност, а во исто време сакаме да дадеме можност на поголем број луѓе да бидат дел од оваа успешна приказна која Општината ја испишува во текот на овој мандат, се вели со писменото соопштение на Општина Штип. Претходните директорки, Ивана Ангеличкова на „Вера Циривири Трена“ и Наташа Мусева на градинката „Астибо“, на оваа функција беа нешто повеќе од една година, а беа назначени откако истече четиригодишниот мандат на претходните директорки. Ова е втор случај оваа локална власт во Штип да менува директор по вторпат, по првиот случај во штипската Гимназија. Останатите директори во штипските образовни установи на функцијата се од почетокот на мандатот на локалната власт.

нови директори – Kurir.mk

Назначени нови директори на Клиниката за дерматовенерологија и на Клиниката за кардиологија

Штипските градинки „Астибо“ и „Вера Циривири-Трена“ имаат нови директори