нови сад – Kurir.mk

ВИДЕО: Силно невреме го зафати Нови Сад, улиците под вода

Ристе Здравков — Sun, 03 Sep 2023 18:15:21 +0000

Силен дожд проследен со град со големина на лешник го зафати Нови Сад попладнево околу 17 часот. Поради невремето без вода останаа и одредени делови од Нови Сад. Поплавени се и одредени раскрсници и улици, а има и коли кои се заглавени на улиците од водата.

View this post on Instagram

A post shared by 192.RS (@192_rs)

Вечерва во Белград и Нови Сад собири на сочувство со семејствата на загинатите во основното училиште

Тале Кристо — Wed, 03 May 2023 18:21:44 +0000

Низ социјалните мрежи се шири повик за собир на сочувство со семејствата на загинатите во престрелката во белградското основно училиште „Владислав Рибникар“, јави дописникот на МИА од Белград. Според најавата, собирот ќе се одржи на белградски Цветни плоштад во 20 часот, кој се наоѓа во непосредна близина на училиштето Владислав Рибникар. На собирот се повикани бројни активисти и организации. -Родителите и неколку просветни здруженија ќе одржат собир по повод невидената трагедија што го снајде нашето општество вечерва во 20 часот на Цветниот плоштад во Белград. Дојдете да им оддадеме последна почит на невините жртви, стои во поканата на Твитер страницата на неформалната група „Чувари на огнот“. Исто така, се дели и покана за собир во Нови Сад. Истата треба да се одржи во 18:00 часот, на централниот градски плоштад.

Тешка сообраќајка кај Нови Сад, возачот загинал, повредените се од Македонија (ВИДЕО)

Ристе Здравков — Sat, 14 May 2022 18:36:00 +0000

Сообраќајната несреќа во која загинал возач на возило со македонски регистерски таблички се случила околу 11,50 часот на автопатот во Србија кај Нови Сад во близина на клучката Ковиљ, откако возилото се судрило со друг автомобил. Според српските медиуми има повредени четворица, од кои две деца, државјани на Македонија.

Ужас во средно училиште: Пукање со пушка, рането 16-годишно девојче

Ивана Ефремовски — Fri, 01 Apr 2022 18:59:06 +0000

Вечерва нешто пред 19 часот пред средното сообраќајно училиште на улицата „Шумадијска“ во Нови Сад дошло до пукање од воздушна пушка. -16-годишно девојче е погодено во левата рака, дознава 192.rs. Според д-р Зоран Круљ, портпарол на брзата помош во Нови Сад, нивната екипа добила повик од полиција во 18 часот и 52 минути. Девојчето во свесна и стабилна состојба е пренесено на хируршкото одделение на детската болница за понатамошна дијагноза и лекување.

Балашевиќ ќе добие музеј во Нови Сад

Магдалена Андонова — Tue, 28 Sep 2021 14:05:35 +0000

Новиот музеј, кој е планиран со Урбанистички план на Универзитетскиот парк, ќе биде посветен на новосадскиот кантавтор Ѓорѓе Балашевиќ, потврди директорот на ЈП „Урбанизам“, Душан Миладиновиќ, наведувајќи дека просторот во тој парк ќе биде спомен музеј. Како што објави порталот 021.рс, музејот ќе се наоѓа во близина на кејот и реката Дунав, кои Балашевиќ ги пееше во своите песни. Музејот е планиран на површина од 500 квадратни метри, ќе има галериски простор, мултимедијална сала, спомен-сала, како и технички и други простории. Според предлогот на урбанистот, пред изградбата би требало да се распише архитектонски конкурс за таа зграда. Засега нема информации кога би можела да започне изградбата на музејот, а Урбанистичкиот план на паркот е во јавен поглед.

ЕВАКУАЦИЈА ВО НОВИ САД: Пожарникарите спасуваат луѓе преку прозорци со помош на платформа! (ФОТО)

Магдалена Андонова — Sat, 08 May 2021 10:55:43 +0000

Денеска околу 12 часот избувна пожар во Нови Сад. Пожарот избувнал во зградата на улицата „Стевана Христија“ 25, а според белградските медиуми, пожарникарите ги евакуирале станарите со четири возила. Припадници на полицијата и екипа на брза помош биле исто така на самото место. Белградските медиуми објавија дека пожарот е изгаснат, а причината сè уште не е позната. Пожарот избувнал на приземјето, а потоа се упатил кон повисоките катови. Поради тоа, пожарникарите морале да ги евакуираат луѓето низ прозорците. Мајка и дете биле спасени од еден од становите. Според првите информации, никој не е повреден во пожарот, освен што луѓето вдишувале чад.

ВИДЕО+ФОТО: Нови Сад се прости од Балашевиќ, се наликувало на концерт на кој само него го немаше

Ивона Петрова — Tue, 23 Feb 2021 09:19:28 +0000

Нови Сад вчеравечер се прости од кантавторот Ѓорѓе Балашевиќ кој почина на 19 февруари на 67 годишна возраст. На панонскиот морнар му оддадоа почит со церемонија наречена „Ноќта кога Ѓоле го преплива Дунав“. На церемонија присуствуваа огромен број граѓани, се слушаа неговите песни, а кон небото беа пуштени и хартиени лампиони. Неколку чамци кои запловија по Дунав носеа бакли, а на тврдината беше проектирана слика на Балаѓевиќ со неговиот потпис. После секоја негова пуштена песна, луѓето аплаудираа. Се наликувало на проштален концерт на Балашевиќ на кој само тој не присуствуваше.

ВИДЕО: Пукање среде ресторан во Нови Сад – прво претепал маж, а потоа извадил пиштол и почнал да пука

Магдалена Андонова — Wed, 18 Nov 2020 09:40:20 +0000

33-годишниот Д.Џ. од Нови Сад упаднал вчера вечерта во познат ресторан во тој град, па нападнал прво еден гостин, а потоа го извадил пиштолот и испукал два куршуми. Потоа избегал. Напаѓачот бил истата вечер уапсен, информираат српските медиуми. На полицијата не ѝ требало многу да го идентификува, благодарение на снимката од безбедносната камера која е објавена и на социјалните мрежи. Одредено му е задржување од 48 часа, а потоа ќе биде приведен со кривична пријава од Вишото јавно обвинителство во Нови Сад.

pic.twitter.com/vCAvnfKr4r
— Pluton (@Pluton45873221) November 17, 2020

Демонстрантите во Нови САД кусо блокираа полициска станица

Магдалена Андонова — Sat, 11 Jul 2020 18:29:40 +0000

Околу 19.30 часот, по протестната прошетка низ улиците на Нови Сад, граѓаните околу половина час ја блокираа полициската станица „Стари град“ во улицата Радничка. При тоа демонстрантите симболично побараа од министерот за полиција, Небојша Стефановиќ да ги уапси. За време на протестот, тие оставија три садови со храна за кучиња пред вратата на полициската станица и викнаа „кучиња, кучиња“. Некои граѓани оставија и пари. После само 15 минути на капијата на полициската станица се појави група полицајци, целосно опремени за разбивање демонстрации, по кои граѓаните извикуваа „Слуги на режимот“, „Ние ве плаќаме“, „Фрлете ги штитовите“ … Според српските медиуми, собирот засега е мирен. Демонстрантите во моментов го блокирале Варадинскиот мост. Покрај Белград и Нови Сад, протести вечерва има и во Зрењанин, Чачак, Крушевац, Ниш и Крагуевац. (МИА)

Во Нови САД почна антивладиниот протест

Магдалена Андонова — Sat, 11 Jul 2020 17:47:39 +0000

Граѓаните во Нови САД и денеска околу 18 часот почнаа да се собираат на Плоштадот Слобода за да протестираат против власта, четврти ден по ред. Како што беше најавено, по говорот, тие од плоштадот ќе тргнат во протестна прошетка. Повеќето од собраните носат заштитни маски, а организаторите и за денеска подготвија импровизиран мобилен систем за озвучување. Собирот засега е мирен, јави агенцијата Бета. Главните барања на демонстрантите во Нови Сад се оставки на директорот на полицијата, Владимир Ребиќ, министерот за внатрешни работи, Небојша Стефановиќ, градоначалникот на Нови Сад, Милош Вучевиќ и претседателот на Србија, Александар Вучиќ. Граѓаните бараат и оставка од Кризниот штаб, пренасочување на парите кон медицинските лица и враќање на работата на граѓаните отпуштени за време на пандемијата. По инцидентите за време на протестите во средата, граѓаните во четвртокот одржаа мирни протести. Синоќа околу илјада демонстранти се обидоа да го блокираат автопатот, но се откажаа затоа што полицијата постави кордон кај Качката клучка на самиот излез од автопатот и ги спречи да поминат. Сè мина без проблеми. (МИА)