нови – Kurir.mk

Создавањето работни места во САД неочекувано високо во јануари

Тале Кристо — Fri, 03 Feb 2023 14:48:20 +0000

Новите работни места создадени од американските работодавци се зголемија за 517.000 во јануари. Растот на новите работни места е изненадувачки силен во услови на агресивни потези на Федералните резерви на САД за борба со инфлацијата со зголемување на каматните стапки. Стапката на невработеност падна на 3,4 отсто минатиот месец, достигнувајќи го минимумот за половина век. Најновите податоци покажуваат отпорен пазар на труд со ниска невработеност, релативно малку отпуштања и многу слободни работни места, иако повеќето економисти предвидуваат дека ќче има рецесија. Јануарскиот раст на работните места, што ја надмина растот во декември со 269.000, може да предизвика сомнеж дали инфлациските притисоци дополнително ќе се намалат во наредните месеци. ФЕД ги зголеми клучните каматни стапки осум пати од март во обид да ја заузда инфлацијата, која минатата година достигна највисоко ниво во последните 40 години, пред постепено да забави.

Нови предвремени парламентарни избори во Бугарија се се поизвесни

Тале Кристо — Tue, 04 May 2021 07:12:20 +0000

Нови парламентарни избори се се позивесни во Бугарија и според локалните медиуми, се разгледуваат три опции за датумот на предвременото гласање за нови парламентарци откако партијата БСП, според најавите, ќе го врати мандатот за состав на влада откако ќе го добие утре. Бугарскиотпретседтаел Румен Радев утре свикува консултации за новата ЦИК, која ќе биде предложена од парламентот, но именувана со неговиот декрет. Според последните измени и дополнувања на Изборниот законик, таа ќе се состои од 15 лица предложени од парламентарни партии. ГЕРБ ќе има четири претставници, „Има таков народ“ – тројца и БСП – тројца, ДПС – двајца, „Демократска Бугарија“ – исто така двајца, „Исправи се! Мафијата надвор” – еден. ЦИК се назначува со декрет на претседателот Радев. Се очекува дека в петок, 7 мај, Румен Радев ќе издаде указ за распуштање на Националното собрание и одредување датум за избори. Ако тоа се случи, истиот ден, со втор декрет, Радев мора да ја назначи привремената влада. За премиер бугарските медиуми споменуваат две имиња – претседателските советници ген. Стефан Јанев, кој беше вицепремиер и министер за одбрана во првиот кабинет на Радев и Бојко Рашков, правен советник на претседателот. Најмногу коментирани датуми за предвремено гласање се 4 или 11 јули. Но, многумина веруваат дека Радев ќе брза да ги задржи парламентарните избори подалеку од претседателските. И тој може да избере уште порано датум – 27 јуни, јавија бугарски медиуми. „Очекувам БСП в среда да предложи кандидат кој ќе го врати мандатот што им е даден“, изјави за Нова ТВ, Наталија Киселова, професор по Уставно право. Доколку претседателот го распушти парламентот оваа недела, на 5 или 7 мај, уставот наведува дека нови избори ќе се одржат најдоцна два месеци по завршувањето на неговиот мандат. Така, датумот 4 јули за предвремено гласање станува целосно можен. Според Киселова, постапките на шефот на државата ќе бидат диктирани од постапките за назначување на новата Централна изборна комисија, односно – ќе има парламент додека не се назначи новата ЦИК, па да преминеме на датрумот 11 јули. По вторпат во неговиот петгодишен мандат, претседателот Радев ќе назначи влада, макар и службено.

Централна Хрватска рано утрово погодена од два нови силни земјотреси

Тале Кристо — Wed, 30 Dec 2020 07:26:12 +0000

Централна Хрватска, рано утрово беше погодена од два нови силни земјотреси со епицентар во областа Петриња, со интензитет од 4, 7 и 4, 8 степени според Рихтеровата скала. – Земјотресот во 6:15 часот беше со интензитет од 4,7 степени, а малку подоцна и нов од 4,8 степени со епицентар во областа Петриња, изјави Инес Иванчиќ, раководител на сеизмолошката служба за Хрватското радио. Од почетокот на 20 век, во Хрватска се регистрирани најмалку седум земјотреси со ист интензитет како оние почувствувани вчера во близина на Петриња, а најмалку четири посилни од нив, според стручните сеизмолошки истражувања. Според истражувањето објавено во 1966 година од хрватскиот сеизмолог Драгутин Цвијановиќ, земјотреси со јачина од 6,2 степени се случиле на 2 јануари 1906 година во Кашина кај Загреб, на 30 мај 1925 година во близина на Книн и на 20 јули 1937 година во Јелса на Хвар. Разорни земјотреси од 6,2 се случија на 27 март 1938 година на Билогора, на 7 јануари 1962 година во Подгора на Биоково и на 13 април 1964 година на Диj гора. Најсилните земјотреси од почетокот на 20 век, кои Цвијановиќ ги категоризира како 6 и три четвртини, се случија на 8 септември 1909 година во Покупско, на 29 декември 1942 година во Имотско Поле и на 11 јануари 1962 година во Макарска, четири дена подоцна по разорниот земјотрес во блиската Подгора. Најсилниот земјотрес е регистриран на црногорското крајбрежје во 1979 година. Неговата јачина беше 7 степени според Рихтеровата скала, но епицентарот беше надвор од Хрватска, а делумно го погоди и Конавле во Хрватска. Најсилниот земјотрес регистриран од списоците со вакви појави во светот се случи во Чиле во 1960 година и имаше интензитет од 9,5 степени според Рихтеровата скала. Се верува дека најмногу жртви во историјата има земјотресот од 1556 година во кинеската провинција Шанси. Тогаш животот го загубиле 830 илјади луѓе.

Извесни се нови рестриктивни мерки во Австрија поради Ковид-19

Тале Кристо — Fri, 18 Dec 2020 07:31:09 +0000

Австриската Влада во моментов разгледува ново, трето целосно заклучување поради пандемијата на новиот коронавирус. Новите рестрикциски мерки, според извештаите на медиумите засноваи на информации од владата, ќе стапат на сила од 26 декември и ќе траат до 10 јануари. Министерството за здравство посочува дека работат на нова регулатива за времето по Божик. Тие регулативи ќе бидат како неодамна завршените и предвидува затворање на училишта и градинки, кои секако се на одмор во тоа време, како и продавници, освен продавници за храна и аптеки. Ќе се забрани и работа во услужните активности, а хотелиерството останува затворено. Покрај тоа, ќе биде во сила целодневниот полициски час, кој во моментов важи од 20 до 6 часот наутро, но со исклучок на одење во шопинг, помагање на други лица, одење на лекар или прошетка поради ментална и физичка состојба. Австрискиот канцелар Себастијан Курц попладнево ќе разговара со членовите на неговата влада со гувернерите на австриските покраини за новата уредба, што треба да биде усвоена во Парламентот следната недела.

Нови 25.086 случаи на заразени со Ковид-19 во Франција

Тале Кристо — Fri, 16 Oct 2020 18:51:32 +0000

Во изминатите 24 часа во Франција се регистрирани нови 25.086 случаи со Ковид-19 и 122 починати лица, јави дописникот на МИА. Според официјалните податоци, во изминатите седум дена хоспитализирани се 6.906 лица, од кои 1.204 се наоѓаат на интензивна нега. Од друга страна, идентификувани се 136 нови кластери, со што бројот на кластери кои се испитуваат достигна 1.615 во земјата. Од почетокот на пандемијата досега во Франција се заразиле 834.770 лица.

Мицкоски: Во исто време кога Заев порачува кратење на платите на работниците, во општина Гази Баба обезбедуваат 15 милиони денари за нови партиски вработувања

Тале Кристо — Thu, 26 Mar 2020 20:41:36 +0000

Ајде што задоцнето, делумно и лошо ги копираат анти кризните мерки што ги предлагаме. Ајде што Зоран Заев копира и оди со интервјуа на истите медиуми каде што веќе сум гостувал, што и не е така лошо, бидејќи граѓаните ќе може да ја направат разликата, но она што вистински загрижува е што не престануваат да бидат лицемери, во исто време кога се неспособни и продолжуваат партиски да вработуваат, реагира преку својата Фејсбук страница лидерот на ВМРО-ДПМНЕ Христијан Мицкоски. -Во исто време кога Заев им порачува на работниците да "стиснат заби" затоа ќе се кратат плати, во општината каде се власт Гази Баба обезбедуваат 15 милиони денари за нови привремени партиски вработувања. Каква е таа солидарност кога на стопанството му велите да се стрпи, во исто време удирате по работниците и кратите плати, а од друга страна вработувате нови партиски кадри. Сакате вистинска солидарност? Повлечете го предлогот за драстично кратење на плати на работниците, откажете се од функционерските плати и работете про боно (бесплатно) додека трае кризата, затоа што само така се сака Македонија! Ова не е време на ситно политиканство, туку на мудри одлуки. Потребна е одговорност, трезвеност и разум, порачува Мицкоски.

Нови шест лица заразени со новиот коронавирус во Македонија

Тале Кристо — Sat, 14 Mar 2020 18:38:58 +0000

Нови шест лица од Македонија се заразени со новиот коронавирус. Од 12 тестирани лица, позитивни на новиот коронавирус се нови шест лица, со што бројот на вкупно заразени во Македонија достигна до 18 заразени лица, откри вечерва на преск конференција министерот за здраство Венко Филипче. Министерот за здраство Венко Филипче информираше дека ќе се воведе забрана за работење на кафитериите, клубовите, казината... -Се забранува целосно работата на кафитерии, брови, клубови, казина и спортски обложувалници, соопшти вечерва министерот за здраство Венко Филипче.

Расте бројот заразени од новиот коронавирус во Грција, регистрирани нови 38 случаи

Тале Кристо — Sat, 14 Mar 2020 17:09:26 +0000

Во изминатите 24 часа во Грција се регистрирани, 38 нови случаи на Ковид-19, со што бројот на потврдени случаи достигна до 228, јави дописничката на МИА од Атина. Како што соопшти претставникот за коронавирусот на Министерството за здравство на Грција, професорот Сотирис Циодрас, хоспитализирани се 57 лица, пет се приклучени на апарати, а осум се пуштени дома. Од потврдените случаи, 51 процент се лица над 65 години. Рано утрово, бројот на жртви од коронавирсуот во Грција, се искачи на три лица, откако починаа двајца мажи, едниот 67-годишен, на островот Закинтос, а другиот 90-годишен во градот Птолемаида.

Поддршка за земјоделците кои подигнале нови овошни и лозови насади

Матеја Петровски — Sat, 01 Sep 2018 08:19:14 +0000

Сите земјоделци кои од први јануари до 30 септември годинава ги зголемиле стадата, формирале ново стадо, подигнале нов овошен или лозов насад или засадиле повеќегодишни ароматични растенија на нови површини, од денеска до крајот на овој месец ќе може да аплицират за добивање субвенции за осовременување и модернизација на своите стопанства. Со предвидената подршка ќе може да повратат и половина од инвестицијата за набавени оригинални или мелезни високостелни педигрирани јуници (со исклучок на расата „буша“), а се признаваат и трошоците за набавка на педигрирани машки и женски приплодни грла овци, кози, оригинални или мелезни на свињи (нерези или низимки), оригинали или хибриди од увоз или со потекло од признаени организации согласно Законот за сточарство. - За оваа мерка од Програмата за финансиска поддршка, средствата се исплаќаат по принципот на кофинансирање на завршени и исплатени инвестиции од страна на корисникот во висина од 50 до 75 отсто од вредноста на одобрените прифатливи трошоци за инвестиции. За подигнување нови повеќегодишни лозови и овошни насади, повеќегодишни насади со ароматични растенија и медоносна флора (фацелија, еводија и багрем) на нови површини, прифатливите трошоци се до 2.500.000 денари, вели директорот на Платежната агенција Николче Бабовски. За оние кои ќе конкурираат за поврат на средства за набвака на добиток од увоз или со потекло од признати организации согласно Законот за сточарство, прифатливиот трошок по корисник е до 6.500.000 денари. Барањата се поднесуваат електронски. На земјоделците кои немаат можност сами, електронски да го пополнат барањето, ќе им помогнат вработените во подрачните единици на Агенцијата. Барателите на финансиска поддршка заедно со креираното електронско барање за исплата, треба да прикачат задолжителни електронски документи (фактури или сметко-потврда кои ги докажуваат реализираните трошоци, детални испратници за испорачаните садници/добиток, уредно заверени, Решение за запишување на земјоделско стопанство во ЕРЗС при МЗШВ не постаро од три месеци од денот на објавување на јавниот повик, фискална сметка или налог за плаќање ПП30 со извод за плаќање или налог за плаќање ПП10 со извод за плаќање на име на добавувачот, како и образец на Договор уредно заверен со потпис и печат. - Крајниот рок за пријавување е 30 септември. Сите барања што нема да бидат електронски поднесени, нема да се разгледуваат, а нема да се земаат предвид и оние што ќе пристигнат по 30 септември, дециден е Бабовски. Барателите кои ги исполниле условите за користење средства се рангираат со бодување, утврдено во Правилникот за поблиски критериуми за избор на корисници по мерките за рурален развој. Ако има барања со ист број бодови, рангирањето ќе биде според датумот и времето на поднесување на електронското барање. Еден барател може да поднесе само едно барање, за една мерка, или најмногу две барања за користење поддршка по различни мерки, земајќи ги предвид и останатите мерки од Програмата за финансиска поддршка.