новичок – Kurir.mk

ПССЕ бара од Русија истрага за труењето на Навални

Ивона Петрова — Thu, 27 Jan 2022 08:08:31 +0000

Парламентарното собрание на Советот на Европа ја повика Русија да спроведе истрага за труењето на главниот опозициски лидер Алексеј Навални, кој е во затвор. Во резолуцијата усвоена со 86 гласа „против“ и 14 „против“, ПССЕ ја повика Русија да го ослободи Навални, да спроведе „независна истрага“ без учество на Руската служба за безбедност (ФСБ) и да дозволи посети на претставници од Меѓународната организација за забрана на хемиско оружје (OPCW). Навални беше жртва на сериозно труење во Сибир. Тој се лекуваше во Германија, каде што беа откриени траги од нервен агенс Новичок од советската ера. Тој потоа беше уапсен на 17 јануари 2021 година, по неговото враќање во Москва. Русија никогаш не отвори истрага, тврдејќи дека нема индикации за труење. Навални моментално издржува затворска казна од две и пол години поради прекршување на претходно изречената условна казна со престојот во Германија, каде што се опоравуваше од труењето за што го обвини Кремљ. Во Стразбур во тек е зимската сесија на Парламентарното собрание на Советот на Европа. Резолуциите на тоа тело кое дава препораки или ги повикува владите на одговорност за човековите права не се обврзувачки.

Тајна средба: Меркел го посетила Навални додека бил во болница

Ивона Петрова — Mon, 28 Sep 2020 10:06:50 +0000

Рускиот опозиционер Алексеј Навални соопшти дека Ангела Меркел го посетила додека бил хоспитализиран во берлинската болница поради труење. -Многу сум и благодарен на Меркел што ме посети во болница, напиша на Твитер Навални потврдувајќи ги информациите на германскиот весник Шпигел.

Встреча была, но не стоит называть ее «секретной». Скорее, частная встреча и разговор с семьей. Я очень признателен канцлеру Меркель за то, что она навестила меня в больнице https://t.co/8d8vnEe23z
— Alexey Navalny (@navalny) September 28, 2020

Навални, кој е на рехабилитација во Берлин, од болница излезе минатата недела по поминат еден месец. Германските експерти за хемиско оружје потврдиле дека Навани бил отруен со нервен отров „новичок“. Тој повеќе од две недели бил во кома и бил лекувал со противотров.

ФОТО: Алексеј Навални објави фотографија и откри како закрепнува по труењето

Ивона Петрова — Sat, 19 Sep 2020 12:10:29 +0000

Рускиот опозиционер Алексеј Навални на Инстаграм објави фотографија на која се гледа како се симнува по скали во болницата во Берлин во која заздравува по труењето со нервниот гас новичок. Во објавата тој вели дека се уште има потешкотии при качување на скаи бидејќи нозете му се тресат, но дека патот до заздравувањето е „чист, иако долг .“

View this post on Instagram

Давайте расскажу, как идёт мое восстановление. Это уже ясная дорога, хоть и неблизкая. Все текущие проблемы вроде того, что телефон в моих руках бесполезен, как камень, а налить себе водички превращается в целый аттракцион, - сущая ерунда. Объясню. Совсем недавно я не узнавал людей и не понимал, как разговаривать. Каждое утро ко мне приходил доктор и говорил: Алексей, я принёс доску, давайте придумаем, какое на ней написать слово. Это приводило меня в отчаяние, потому что хоть я уже и понимал в целом, что хочет доктор, но не понимал, где брать слова. В каком месте головы они возникают? Где найти слово и как сделать так, чтобы оно что-то означало? Все это было решительно непонятно. Впрочем, как выразить своё отчаяние, я тоже не знал и поэтому просто молчал. И это я еще описываю поздний этап, который сам помню. Сейчас я парень, у которого дрожат ноги, когда он идёт по лестнице, но зато он думает: «о, это ж лестница! По ней поднимаются. Пожалуй, надо поискать лифт». А раньше бы просто тупо стоял и смотрел. Так что много проблем ещё предстоит решить, но потрясающие врачи университетской Берлинской клиники «Шарите» решили главную. Они превратили меня из «технически живого человека» в того, кто имеет все шансы снова стать Высшей Формой Существа Современного Общества, - человеком, который умеет быстро листать инстаграм и без размышлений понимает, где ставить лайки.

A post shared by Алексей Навальный (@navalny) on Sep 19, 2020 at 2:09am PDT

За случајот „новичок“ ќе расправа и Советот за безбедност на ОН

Ивона Петрова — Thu, 06 Sep 2018 06:11:03 +0000

Велика Британија побара да се одржи денеска состанокот на Советот за безбедност на ОН за да се разгледа случајот на труење со „новичок“. Официјалните лица имаат намера на таа седница да ги информираат членовите на Советот за напредокот во истрагата. На тој состанок ќе присуствува и Русија поради својот статус на член на Советот за безбедност. Британските обвинители вчера обвинија двајца Руси за труењето со нервен агенс „новичок“, на поранешниот двоен шпион Сергеј Скрипал и неговата ќерка Јулија во Солзбери. Обвинителството соопшти дека Александар Петров и Руслан Боширов се обвинети во отсуство за заговор за убиство, за обид за убиство и за употреба на нервен агенс „новичок“. Обвинителот Су Хеминг изјави дека Велика Британија не бара од Москва да ги екстрадира двајца обвинети, бидејќи рускиот закон ја забранува екстрадицијата на своите граѓани. Полицијата соопшти дека двајца мажи на возраст од 40 години допатувале во Лондон од Москва со руски пасоши два дена пред да бидат отруени таткото и ќерката Скрипал на 4-ти март. МИА

Почина Британката затруена со нервен отров кај Солсбери

Ивона Петрова — Mon, 09 Jul 2018 06:04:56 +0000

Дон Старџис (44), жената за која британските власти велат дека се затру од нервниот отров новичок, вчера починала во болница. Лекарите наведоа дека и нејзиниот партнер Чарлс Роули, кој исто така е хоспитализиран во тешка состојба, нема да се извлече. Двајцата беа пронајдени во бессознание во близина на градот Солсбери, каде порано годинава беа затруени рускиот шпион Сергеј Скрипал и неговата ќерка Јулија, кои ја преживеаа изложеноста на бојниот отров. По нивното труење, специјални британски екипи ја прочешлаа областа на Солсбери барајќи по предмети кои може да се прекриени со бојниот отров. Се претпоставува дека Старџис и Роули наишле на таков предмет. Старџис е мајка на три деца, која била зависничка од дрога и алкохол. Според британските медиуми, се претпоставува дека таа и Роули наишле на игла која се уште содржела траги на отровот. Британија ја обвини Русија за намерно труење на Скрипал и поведе меѓународна дипломатска кампања против Русите. Москва ги отфрли обвинувањата, а за новите две труења руските власти обвинија дека се работи за подметнување, со цел да се наруши текот на светското фудбалско првенство. МИА

Министерството за одбрана контра Земан: „Новичок“ се тестира, но не се произведува во Чешка

Матеја Петровски — Fri, 04 May 2018 15:39:02 +0000

Нервните супстанци од групата „Новичок“ се тестираат, но не се произведуваат во Чешка, соопшти денеска чешкото Министерство за одбрана. - Со цел заштита на безбедноста на граѓаните, во земјата се тестирани хемиските својства на супстанци од групата „Новичок“, како и други борбени отровни супстанци како што се сарин или табун. Спроведени се испитувања врз микрограми од серијата „Новичок“, по што примероците веднаш биле уништени, стои во соопштението на Министерството. Претходно денеска, Министерството за надворешни работи во Прага, исто така соопшти дека во Чешка не се извршени никакви испитувања на супстанцијата А234, со која во Велика Британија беа затруени рускиот двоен агент Сергеј Скрипал и неговата ќерка Јулија, туку со друг агенс од серијата „Новичок“. Реакциите на двете министерства следат откако чешкиот претседател Милош Земан вчера во телевизиско интервју рече дека во неговата земја била произведена незначителна количина на супстанца од групата „Новичок“. Повикувајќи се на податоци од военото разузнавање, Земан рече дека нервниот агенс А230 бил тестиран во Брно. Прашкиот весник „Лидове новини“ денеска објави изјава на премиерот Андреј Бабиш, кој изрази збунетост, затоа што чешките специјални служби даваат различни изјави за постоењето на „Новичок“ на територијата на земјата. Весникот потсетува на вчерашните зборови на претседателот дека според податоци на военото разузнавање, во Чешка е синтезирана супстанцата А230, која е од групата „Новичок“. Чешкото контраразузнавање, Информативната служба за безбедност, констатирала дека супстанцата не е од групата „Новичок“, но Земан изјави дека ја прифаќа верзијата на военото разузнавање. - Тоа е изненадувачки, главно поради тоа што една служба тврди едно, а друга служба вели сосема друго. Така што треба да ги прашаме што всушност имаат предвид, рече Бабиш. Во меѓувреме, Русија ја искорист изјава на Земан, тврдејќи дека таа ги демантира неоснованите обвинувања на Лондон дека Москва е одговорна за нападот врз Сергеј и Јулија Скрипал, пишува „Лидове новини“. (Миа)

Претседателот Земан шокираше со изјавата: Во Чешка е произведен и тестиран нервниот агенс „Новичок“

Ивона Петрова — Fri, 04 May 2018 06:13:06 +0000

Чешката војска го развила и тестирала нервниот агенс „Новичок“, изјави претседателот на таа земја Милош Земан. Тој својата изјава ја темели врз основа на извештај на воено-разузнавачка агенција. Од друга страна, според извештајот на цивилната Безбедносно-информативна служба, не станувало збор за „Новичок“. Земан го цитираше извештајот на Безбедносно-информативната служба, во кој се наведува дека во ноември минатата година во воено-истражувачкиот институт при Министерството за одбрана бил тестиран нервен отров познат како А230, како и дека количеството на тој отров било релативно мало и оти после тестирањето тој бил уништен. Тие велат дека не станувало збор за „Новичок“. Сепак, Земан го презентираше и мислењето на воено-разузнавачката служба, која според него, е подобро запознаена со информациите за производство на „Новичок“. Тој изјави дека негов заклучок е дека во Чешка е произведен и тестиран „Новичок“, макар и во мали количини и потоа е уништен. - Ние знаеме каде и кога тоа се случило и лицемерно е да се правиме дека такво нешто не се случило, изјави тој. Претходно, руски официјални лица изјавија дека нервниот агенс кој беше искористен при обидот за убиство во Солсбери на поранешниот двоен агент Сергеј Скрипал и неговата ќерка Јулија, можно е да дошол од Чешка, Шведска или Словачка. МИА

Г-7 ја повика Русија да открие детали за програмата за хемиско оружје „Новичок“

Ивона Петрова — Tue, 17 Apr 2018 06:53:41 +0000

Министрите за надворешни работи од Групата седум индустриски најразвиени земји во светот (Г-7) денеска ја повика Русија да објави детали за нејзината програма за хемиско оружје Новичок, која, според нив, послужила за труење на поранешниот руски шпион Сергеј Скрипал. Тие оценија дека Новичок претставува „закана за сите“. „Го делиме заклучокот на Велика Британија дека, од една страна, многу е веројатно дека Руската Федерација е одговорна за нападот и, од друга страна, не постои друго можно објаснување", се вели во соопштението на министрите за надворешни работи на САД, Канада, Франција, Германија, Италија, Велика Британија и Јапонија. Според нив, одбивањето на Москва да одговори на легитимните прашања на британската влада само ја покажува нејзината одговорност. МИА

Форин офис: Не тврдевме дека „новичок“ потекнува од Русија

Матеја Петровски — Wed, 04 Apr 2018 15:19:56 +0000

Британското Министерството за надворешни работи денеска негира дека нервниот агенс „новичок“, со кој беше отруен поранешниот двоен агент Сергеј Скрипал и неговата ќерка Јулија, потекнува од Русија. - Нашите експерти прецизно го идентификуваа нервниот агенс „новичок“. Не е наша одговорност и никогаш не ни била да го потврдиме потеклото на агенсот, објави Форин офисот на Твитер. Во следниот твит се наведува дека проценката на британската Влада од самиот почеток била јасна, како и дека хемиската анализа е клучен дел од проценката на Влдата. Во меѓувреме, портпаролката на руското Минисетерство за надворешни работи Марија Захарова изјави дека Лондон одбил да соработува со Москва за „случајот Скрипал“. - Велика Британија одбива каков било контакт со Руската Федерација на кое било ниво, официјално или јавно. Дури и прават се за јавноста да види дека руската страна одбива соработка, наведе Захарова. Британската делегација во Организацијата за забрана на хемиско оружје денеска го одби рускиот предлог за заедничка британско-руска истрага за труењето на Скрипал. Британската Влада ја обвинува Москва дека стои за нападот на Скрипал и неговата ќерка, кои беа отруени на 4 март во Солсбери.