Сакајќи да го демантира скандалот со аудио бомбата, министерот Димовски призна нови кривични дела

Тале Кристо — Sun, 12 Jan 2020 17:56:04 +0000

Откако денеска во медиумите беше објавен скандалот во министерството за земјоделство, министерот Трајан Димовски со цел да се оправда пред македонската јавност, а во врска со скандалот кој го тресе неговиот ресор, закажа вонредна прес-конференција за медиумите на која вешто избегна да одговори на новинарските прашања. Имено, на министерот за земјоделство, шумарство и водостопанство на Република Македонија од страна на присутните новинари му беа поставени следните две прашања: 1.Рековте таму биле сторени кривични дела, дали вие сте поднеле кривична пријава до надлежните институции, дали тоа е процесуирано во ОЈО или паушално нели вие сте регистрирале дека има кривични дела, не сте ги процесуирале нигде? 2.Во однос на целиот овој случај, во самите снимки има јасни закани „или поништи ги или поднеси си оставка“, тоа е индиција дека некој сака моменталниот концесионер, некој сака тој да биде сменет и да дојде друг на негово месо и дали се работи за лице кое е поврзано со директорот на Царина, како концесионер? Се разбира дека министерот не дека вешто ги избегна одговорите, туку на целата поширока јавност јасно му е дека Трајан Димовски не знае што да одговори, притоа и самиот откривајќи дека токму во министерството кое што е под целосна негова контрола се случуваат криминални дејствија, а самиот Димовски знаејќи за тоа не пријавил во ОЈО, што го прави директен соучесник. Во целост ви ги пренесуваме одговорите на новинарските прашања од страна на министерот Трајан Димовски, а јавноста сама може да одлучи дали министерот нешто свесно затскрива. -Зборуваме за кривични дела кои што се спомнуваат, значи ова сепак податоците кои што ги имаме ги спомнав и во изјавата од каде се дојдени. Значи зборуваме за езерската полиција. Кога зборуваме дека се заканува (вашите зборови), овдека нема никаква закана, токму инспекторот Јован кој што е одговорен, вработен во Државниот инсоекторат и Томе кој исто така е вработен во Инспекторатот, тие се колеги со години и во ова што можевме да го видиме се токму укажувањата од страна на Мојсовски. Нема никакви закани, ништо не се бара од него направи што е надвор од законот, а тоа можете да го слушнете каде и што се зборува. Оваа постапка е започната многу од дамна. И ние веќе на 3ти декември писмено се имаме обратено писмено каде што Инспекторатот, не само инспекторатот за земјоделство, зборуваме за трудовиот инспекторат, Агенцијата за храна и ветерина кои што сите треба да излезат и да констатираат состојба, на основа на констатираната состојба и донесените записници, министерството постапува понатаму, изјави министерот Димовски. Ова беа сите одговори на министерот, односно доколку добро забележите одговорите на Димовски не се совпаѓаат со поставените прашања од страна на новинарите кои што присуствуваа на вонредната прес конференција која се одржа во просториите на Министерството за земјоделство, шумарство и водостопанство. Меѓу другото, важно е да се напомене дека со ваквото заобиколување на одговорите првиот човек на ресорот сакајќи да го оправда скандалот со аудио бомбата која денеска беше објавена од страна на медиумите, несвесно се обиде вешто да ги избегне одговорите, притоа признавајќи нови кривични дела. Имено, како и што самиот вели на самата прес конференција станувало збор за кривични дела за кои што и самиот знаел, со што истиот го прави соучесник во истите, односно министерот знаејќи за целиот криминал кој што му се случува во неговиот ресор не пријавил до надлежните институции и ОЈО.

Мурињо повторно незадоволен од прашањата на новинарите

Дарко Андоновски — Fri, 13 Apr 2018 16:39:49 +0000

Менаџерот на Манчестер Јунајтед, Жозе Мурињо повторно не беше премногу среќен од пристапот на новинарите на денешната прес-конференција пред средбата со Вест Бромвич. „Црвените ѓаволи“ го пречекуваат Албион на „Олд Трафорд“ во недела од 17 часот, но Португалецот не остана задоволен од неколку прашања насочени кон младите таленти Маркус Рашфорд и Антони Марсиал, кои не добиваат доволно време на теренот, што предизвика бран шпекулации за нивно заминување во текот на летото. - Ако бев јас на ваше место, ќе прашав зошто Ромелу Лукаку или Немања Матиќ играат секој натпревар. Ако сакате сув одговор, тогаш тој е дека само 11 играчи можат да го започнат натпреварот, но ние имаме 22. Тоа е фудбалот, неможеш да имаш само 11 играчи. Ќе беше одлично, ако имавме само 11 играчи, а тие никогаш не се повредуваа, заморуваа или ги казнуваа. Тоа би било одлично, но тоа едноставно не било можно. Ако ме прашате зошто Рашфорд не игра доволно, јас би ви одговорил на друг начин - тоа е фудбалерот со најмногу натпревари откако јас сум во клубот“, изјави денеска Мурињо. Оваа „престрелка“ со прашања и одговори, заврши со констатација дека голем дел од овие мечеви се како резерва. „Зашто јас така сум одлучил“, беше краткиот одговор на Жозе.

новинарски прашања – Kurir.mk

Сакајќи да го демантира скандалот со аудио бомбата, министерот Димовски призна нови кривични дела

Мурињо повторно незадоволен од прашањата на новинарите