ново лисиче – Kurir.mk

Пожар кај депонијата во Ново Лисиче, нема опасност за ширење

Дарко Андоновски — Sat, 22 Jul 2023 11:57:57 +0000

Пожар избувнал кај депонијата во скопската населба Ново Лисиче денеска околу 13 часот, а по интервенцијата на противпожарните служби е ставен под контрола. -Пожарот е редуциран, противпожарната служба интервенираше со три возила и сега е надвор од опасност за ширење, информираа за МИА од Противпожарната бригада на Град Скопје. Со пожарот, како што посочија, се зафатени сува трева и стари гуми.

Без вода Реонски центар во Ново Лисиче

Ивана Ефремовски — Mon, 08 May 2023 09:32:39 +0000

Поради дефект на затворач на бул. „Видое Смилевски Бато“ бб (во близина на маркет Рептил), прекинато водоснабдување ќе имаат корисниците од Реонски центар (висока зона) во населба Ново Лисиче. Водоснабдувањето ќе биде прекинато од 09:00 часот до санација на дефектот.

Ограбена аптека во Ново Лисиче

Ивана Ефремовски — Wed, 16 Nov 2022 15:49:39 +0000

На 15.11.2022 во СВР Скопје било пријавено дека oколу 21:00 часот во аптека на ул.„Февруарски поход“ во Скопје едно лице со закана кон вработените одзело пари од дневниот промет. Се преземаат мерки за расчистување на случајот.

Голема еколошка акција за чистење на Ново Лисиче, здравата и чиста животна средина е наш приоритет

Тале Кристо — Thu, 20 Oct 2022 09:29:16 +0000

Аеродром во соработка со организациите „За Почиста Македонија“ и „Волонтерски центар - Скопје“ почна акција за темелно чистење на населбата Ново Лисиче. Акцијата ја спроведуваат сезонските работници од Општина Аеродром со поддршка на стотина волонтери од невладините организации и истата вклучува акција за темелно чистење на Ново Лисиче, што опфаќа метење и миење на улиците, собирање на шутот, отпадот и гранките од зелените површини и пешачките патеки. За да се носи епитетот најчиста и најубава општина, неопходно е редовно одржување на јавните површини и парковите и во остварување на таа цел, потребно е да се вклучуваат сите засегнати страни, локалната самоуправа, граѓаните и приватниот сектор. Градоначалникот Тимчо Муцунски кој присуствуваше на денешната акција се заблагодари на присутните и партнерите и истакна дека ваквите активности се од големо значење за Општина Аеродром и најави дека инвестициите и активностите за здрава животна средина ќе продолжат и во иднина. Со реализација на оваа акција Општина Аеродром уште еднаш ја потврдува својата посветеност за обезбедување на здрава и чиста животна средина. Сите заедно се грижиме за одржување здрава и чиста животна средина која е наш приоритет. Со вакви и слични акции продолжуваме и во наредниот период, а комуналните тимови на Општина Аеродром секојдневно се на терен и во континуитет преземаат мерки за чистење на сите јавни површини.

ВИДЕО: Се запали автомобил во Ново Лисиче

Магдалена Андонова — Tue, 26 Jul 2022 16:50:41 +0000

Приватен автомобил изгоре на паркинг на скопската населба Ново Лисиче. Според информациите кои ги објави инстаграм профилот Види Вака, пожарот бил веднаш изгаснат, а по барање на сопственикот нема да се врши увид на настанот. Од Министерството за внатрешни работи се уште нема официјална информација за настанот.

View this post on Instagram

A post shared by Види Вака (@vidivaka)

Реконструкција на спортското игралиште во Ново Лисиче – ќе го носи името „Никола Христовски-Кољо“

Магдалена Андонова — Wed, 08 Jun 2022 10:11:37 +0000

Екипите на Општина Аеродром деновиве работат на целосна реконструкција на спортското игралиште во Ново Лисиче кое се наоѓа во непосредна близина на Детска улица, а кое ќе го носи името на Никола Христовски – Кољо, чиј живот згасна прерано на трагичен начин. Во спомен на Никола, кој беше жител на Ново Лисиче, игралиштето добива целосно нов и модерен лик. Се поставуваат нови голови, комплетно нова ограда, како и современа Тартан подлога со дебелина од 13 милиметри, погодна за сите временски услови. Оваа подлога ќе овозможи безбедно спортување и рекреација за сите генерации. - Се грижиме за секој дел од Аеродром, а секое катче ќе биде обновено и ќе добие нов сјај со цел аеродромци да имаат пристап до современи и безбедни услови за одмор, спорт и рекреација, велат од Општина Аеродром.

Ново повеќенаменско детско игралиште во Аеродром

Ивона Петрова — Thu, 28 Apr 2022 12:03:47 +0000

Со зголемен интензитет течат активностите на Општина Аеродром и на реализирање на сите ветувања од предизборната кампања. По долги години чекање, жителите на населбата Ново Лисиче добиваат повеќенаменско детско игралиште, ново игралиште за кошарка и уредување со нова урбана опрема. Инвестицијата е во вкупна вредност од 1.800.000 денари и е во соработка со општествено одговорна компанија Фратели Дакордо ДОО. Локацијата на паркот е на булеварот Февруарски Поход во Ново Лисиче. -Повеќе паркови и места за рекреација беа помеѓу нашите клучни приоритети, а оттаму и заложбата за брзо поставување на ова повеќенаменско детско игралиште. Продолжуваме да ги остваруваме нашите зацртани цели и заедно да создаваме поубав, почист и посреден Аеродром, велат од Општината.

ФОТО: Нови дрвени елементи во Рајскиот парк во Ново Лисиче

Ивона Петрова — Sun, 13 Mar 2022 12:00:07 +0000

По налог на Град Скопје екипите на ЈП „Паркови и зеленило“ во текот на изминатите денови поставија нови елементи изработени од дрво во Рајскиот парк во населбата Ново Лисиче. Нови павилјони, комплет на клупи и маси, корпи за отпадоци, дрвена куќичка за деца и рекреативни елементи се новите парковски дрвени елементи што екипите на ЈП Паркови и зеленило ги изработија и ги поставија во делови на Рајскиот парк. Распоредени на повеќе локации низ зеленилото во паркот, елементите со својот изглед и намена го дополнуваат изгледот на уредениот парк, кој е вистинско место за релаксација и пријатен престој во природа за посетители од сите генерации.

Без вода дел од населбата Ново Лисиче

Ивана Ефремовски — Sat, 05 Mar 2022 14:45:23 +0000

Поради уличен дефект на водоводна цевка Ф100 милиметри на булевар „Видое Смилевски Бато“ број 15 прекин во водоснабдувањето имаат корисниците на ниска зона на овој булевар од броевите 1 до 55 во населбата Ново Лисиче. Како што соопштија од ЈП „Водовод и канализација“ – Скопје, водоснабдувањето е прекинато од 15:15 часот и ќе трае до отстранување на дефектот.

Муцунски: Ново Лисиче добива пешачка и велосипедска патека

Ивана Ефремовски — Wed, 02 Mar 2022 14:49:30 +0000

Заедно со градоначалничката на Град Скопје, Данела Арсовска и директорот на ЈП Улици и патишта, Борис Настов извршивме увид во градежните активности за изградбата на велосипедска и пешачка патека на булевар Србија, како и на продолжувањето на пешачката патека на булевар Видое Смилевски - Бато, истакна денес градоначалникот на Аеродром, Тимчо Муцунски. „Ново Лисиче добива велосипедска и пешачка патека по должина на булеварот „Србија“ со вкупна површина од 3.400 м2. Со ова конечно ќе се уреди овој потег што досега беше ризичен за пешаците и велосипедистите. Градежните активности на патеките се одвива според предвидената динамика и планирано е нивно завршување во предвидениот рок. Патеката покрај булеварот „Србија“ е дел од планираните велопатеки на различни локации низ општината, со што значително ќе се подобри инфраструктурата, а со тоа ќе се зголеми безбедноста на пешаците, велосипедистите и сите други учесници во сообраќајот“ - истакна тој.