Ново Мексико – Kurir.mk

Католичката црква во Ново Мексико ќе исплати над 120 милиони долари на жртви на сексуално насилство

Ивона Петрова — Thu, 19 May 2022 06:11:16 +0000

Надбискупијата Санта Фе, Ново Мексико, постигна привремена спогодба за 121,5 милиони долари за барањата на жртвите на сексуално насилство извршено од католички свештеници. Тоа е една од најголемите суми според договорот поврзан со сексуален напад во Римокатоличката црква во САД. Парите ќе бидат искористени за исплата на отштета на жртвите во парохиите во северниот дел на државата, се наведува во писмото на надбискупијата до верниците. – Договорот опфаќа повеќе од 350 жртви и докажаните дела на 74 свештеници, изјави Брајан Смот, адвокат на речиси една третина од тужителите. Повеќето сексуални напади се случиле пред повеќе од четири децении. Минатиот месец бискупијата Камден, Њу Џерси, се согласи да плати вкупно 87,5 милиони за вонсудско решавање на жалбите од 300 жртви на сексуална злоупотреба од страна на католички свештеници, објавија тогаш локалните медиуми.

Огромен пожар во Ново Мексико, Бајден прогласи состојба на елементарна непогода

Ивона Петрова — Fri, 06 May 2022 07:18:04 +0000

Пожарникарите го забавија ширењето на најголемиот шумски пожар во САД, додека претседателот Џо Бајден прогласи состојба на елементарна непогода, а со тоа следува финансиска помош на делови од Ново Мексико, што горат од почетокот на април, јавија синоќа американски медиуми. Досега, големиот пожар зафати 670 квадратни километри високи шуми и ливади на југот на Карпестите Планини. Пожарникарите го искористија периодот на релативно мирното и постудено време, со цел да спречат пожарот да им се приближи на малите градови и села. Огнените јазици се гаснат со авиони и хеликоптери. На теренот се отстрануваат дрвја и грмушки за да остане што помалку простор огнот да се прошири. Ангажирани се речиси 1.300 пожарникари, како и друг персонал. Издадени се наредби за задолжителна евакуација на 15.500 домаќинства, а досега изгореле речиси 400 куќи. Од сабота повторно се очекуваат силен ветер, температура над нормалната, како и мала влажност, што ќе ја зголеми опасноста од ширење на пожарот, соопшти Националната метеоролошка служба. Помошта вклучува неповратни финансиски средства за привремено сместување и за поправка на домот, кредити за покривање неосигурани имотни загуби, како и други програми за да им се помогне на луѓето и на компаниите.

Вистински хорор: 11 деца пронајдени изгладнети, пет лица осомничени за злоставување

Матеја Петровски — Mon, 06 Aug 2018 15:46:12 +0000

Пет лица се осомничени за злоставување на деца откако во американската сојузна држава Ново Мексико откриени се 11 изгладнети деца. Децата биле хранети само со неколку компири и малку ориз. Тие намале ниту вода, ниту облека, ниту средства за лична хигиена, а биле облечени во валкани партали. Полицијата извршила претрес откако добила порака: „Умираме од глад, ни треба вода и храна“. Пораката била испратена до непознато лице во Џорџија, над 2.000 километри оддалеченост од куќата каде децата биле држени во заложништво. Лицето ја проследило пораката до полицијата во Ново Мексико. Во куќата се пронајдени 11 деца на возраст од една до 15 години и три жени за кои се претпоставува дека им се мајки. На лице место уапсени се и двајца вооружени мажи. По едниот имало распишано потерница поради киднапирање на неговиот тригодишен син, а другиот бил баран поради криење на бегалец. (Миа)

„Гладни сме, ни треба храна и вода“: Полицијата им ги спаси животите на 11 дечиња

Ивана Ефремовски — Mon, 06 Aug 2018 08:21:41 +0000

Полицијата во американската сојузна држава Ново Мексико спаси 11 прегладнети деца, кои живееле во напуштен објект во пустина -Децата на возраст од една до 15 години немале чевли, носеле крпи и „изгледале како бегалци од земјите од третиот свет, соопшти Канцеларијата на локалниот шериф. На самото место имало и петмина возрасни, од кои двајца мажи биле вооружени. Полицијата го пребара објектот откако доби порака: „Ние сме гладни, ни треба храна и вода". Сè уште не е познато како групата завршила во објект на Амалија. Полицијата го опиша објектот како мала подземна приколка, покриена со пластика, без вода и електрична енергија. Шерифот на округот Таос, Џери Хогреф, за Еј-Би-Си Њуз изјави дека децата се гладни, жедни и валкани. -Полицаец сум веќе 30 години. Никогаш не сум видел такво нешто. Тоа е неверојатно, рече тој. (МИА)